ইফিষীয়রাংনা 5:3 - Garo New Testament

³ থি·ল্লেকা, মারাং নাংআ আরো মাদ্দুয়ানি খাৎথাখোবা জেদাক্কে না·সংনি গিসেপো খিন্নাজা, মুয়ানা ইসলনি মান্দিরাংনা ইন্দাকা খাৎথারাং খ্রাজা।

ইফিষীয়রাংনা 5:3 Iomraidhean Croise

মথিনি চকগিবা নাম্মা খাৎথা 15:19

খা·থংওনিন নামগিজা চানচিয়ারাং, মান্দি স·ওতারাং, থি·ল্লেকারাং, চা·উয়ারাং, বু·এ সাক্ষি হ·ন্নারাং আরো খাল·স্থাপারাং হং·খাতা।

লূকনি চকগিবা নাম্মা খাৎথা 12:15

জা·মানো যীশু মান্দিরাংনা আগানজক, “সিমসাকবো! গিম্মিক মিকবোকাওনি আন·থাংথাংখো রাক্ষিবো, মুয়ানা বাং·আ গামজিন দংআন মান্দিনি জাংগিনা গিম্মিকনা বাত্তে নাংবাৎগিবা হং·জা।”

লূকনি চকগিবা নাম্মা খাৎথা 16:14

ইয়া খাৎথারাংখো খিন্নাএ ফরীশীরাং যীশুখো খা·দিংস্থেকনা হা·বাচেংজক, মুয়ানা বিসং থাংখাখো নামনিকবাতনুয়ামিং।

ওয়াত্তেতারাংনা 15:20

উনাবাত্তে আনচিং বিসংচা ইন্দাকে চকনা, জেদাক্কে বিসং মিত্তে বিমাংমুং দাকগিবা গিম্মিকওনিখো আরো থি·ল্লেকাওনি চে·ল্লে দংআ, আরো গিত্তক রিম·সতে মারিগিবানি বে·এনখো আরো হান·চিখো জেদাক্কে বিসং রিংজা।

ওয়াত্তেতারাংনা 20:33

দারাং মান্দিনি সোনা, রূপা বা বা·রা-চলারাংনা আংআ মাদ্দুজা।

রোমানরাংনা 1:29

বিসং গিম্মিক নামগিজা, মাদ্দুয়া, মিকনেংআ, স·ওতা, দাকগ্রিকা, বু·আ আরো গিপ্পিননা নামগিজাখো দাকনা হা·সিকাও গাপ্পা। বিসং গিপ্পিনরাংখো জাচাংআ,

রোমানরাংনা 16:2

ইসলনি মান্দিরাংখো জেদাক্কে আন·থাংনি দাক্কে রা·না নাংআ বিখো না·সং গিত্তেলনি বিমুংও উয়ানদাক্কেন আন·থাংনি দাক্কে রা·বো। মামুং হা·সেলনা বিয়া না·সংচা দাকচাকাখো হা·ম্মোদে বিনা দাকচাকবো, মুয়ানা বিয়া বাং·আ মান্দিরাংনা, আরো আংনাবা দাকচাকজক।

রোমানরাংনা 6:13

বে·এননি মামুং বাকখোন নামগিজা কামখো দাক্কানি জাকরিমরা গিত্তা পাপনি জাক্কো দা·আ হ·ন্নাবো। ইন্দিবা সিয়াওনি থাংচাগিবা মান্দি গিত্তা না·সং ইসলনি জাক্কো আন·থাংথাংখো হন·খামবো আরো খাকখেৎ কামখো দাক্কানি জাকরিমরা গিত্তা না·সংনি বে·এন গিম্মিকখোন ইসলনা হন·খামবো।

1ম করিন্থীয়রাংনা 10:8

বিসংনি গিসেপো মিত্তামরাং থি·ল্লেকানি গিম্মিন সালসানোন হাজাল খলগ্রিক গিত্থাম মান্দি সিয়ামিং। আনচিং উগিত্তা থি·ল্লেকজাখান।

1ম করিন্থীয়রাংনা 5:1

খিন্নানা মা·ন্নিংআ, না·সংনি গিসেপো থি·ল্লেকানি পাপ দংআ, আরো উয়া থি·ল্লেকা ইন্দাকে নামজাস্রাং হং·আ জেখো গিপ্পিন জাতরাংবা দাকজা। আরোবা সাকসা বিনি ফাগিবানি জিকখো আন·থাংনি জিক গিত্তা দাক্কে দনজক।

1ম করিন্থীয়রাংনা 6:13

দা·আবা সাবা সাবা ইয়া খাৎথাখোবা আগানা, “চা·আ বিকমানা হং·আ আরো বিকমা চা·না হং·আ।” ইয়াদে নাম্মান, ইন্দিবা ইয়া মিংগ্মিখোন ইসল সালসাদে গিম্মায়েতনুয়া। বে·এন থি·ল্লেকনা হং·জা বাত্তেসা উয়া গিত্তেলনান হং·আ, আরো গিত্তেল বে·এননি গিম্মিন হং·আ।

1ম করিন্থীয়রাংনা 6:18

গিম্মিক থি·ল্লেকাওনি খাত্তাংবো। মান্দি জে দিংথাং পাপখো দাক্কা উখো বিয়া বিনি বে·এননি হা·ফালও দাক্কা, ইন্দিবা জে থি·ল্লেকা বিয়া আন·থাংনি বে·এননি সাক্কাওন পাপ দাক্কা।

2য় করিন্থীয়রাংনা 12:21

আংআ খেনচাকিংআ, জেনসালো আংআ না·সংচা রি·য়াংনুয়া উনো আংনি ইসল না·সংনি মিকখাংও আংখো খ্রাচা·এতনুয়া, আরো জেরাং স্খাংও পাপ দাক্কামিং ইন্দিবা বিসংনি মারাং নাংআওনি, থি·ল্লেকাওনি আরো নামগিজাওনি গিসিকখো ফি·ল্লেতখুজা, বিসংনি বাং·আরাংনা আংআ দুক মা·ন্নুয়া।

ইফিষীয়রাংনা 5:12

মুয়ানা মান্দিরাংনি সিউল দাক্কে দাকগিবা ইয়া কামরাংনি খাৎথাখো আগানাবা খ্রাচা·আনি হা·সেল হং·আ।

ইফিষীয়রাংনা 5:5

না·সং হা·আইয়ান, থি·ল্লেকগিবারাং, মারাং নাংগিবারাং আরো মাদ্দুগিবারাং, আগানস্খাওদে জেরাংখো মিত্তে বিমাং অলাখিগিবা ইন্নে আগান্না মা·ন্না খ্রীষ্টনি আরো ইসলনি সংনকো বিসংনি মামুং মান·রিকানি বিল দংজা।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

কলসীয়রাংনা 3:5

উনি গিম্মিন না·সংনি পাপ-বেওয়ালও দংগিবারাংখো ব·ন্নেতবো। উয়ো থি·ল্লেকারাং, মারাং নাংআরাং, নামগিজা হা·সিকারাং আরো মাদ্দুয়ারাং দংআ জেখো মিত্তে বিমাংখো অলাখিয়া ইন্নেবা আগান্না মা·ন্না।

1 থিষলনীকী 4:3

ইসলনি হা·সিকা ইয়ান- না·সং রংথালবো, আগানস্খাওদে গিম্মিক থি·ল্লেকাওনি চে·ল্লে দংবো,

1 থিষলনীকী 4:7

মুয়ানা ইসল রংথালগিজা দাক্কে রি·না ইন্নে আনচিংখো রিক্কামজা, রংথালে রি·না ইন্নেন রিক্কামজক।

1 তীমথিয় 2:10

উনাবাত্তে জেদাক্কে বিসং নাম্মা কামরাংচা আন·থাংথাংখো থারিয়া। জে মিচিকরাং আন·থাংথাংখো ইসলখো অলাখিগিবা ইন্নে আগানে দংআ উয়া মিচিকরাংনা উয়ান খ্রাগিবা কাম হং·নুয়া।

1 তীমথিয় 3:3

জেদাক্কে বিয়া চুফেকগিবা আরো খা·আওনাংরাকগিবা হং·জা আরো বাত্তেসা বিনি গিসিক রিন্নকখানা আরো বিয়া নিরিগিসিজাখানা বা থাংখা-পয়সারাংনা মাদ্দুজাখানা।

1 তীমথিয় 6:10

থাংখা-পয়সানা নামনিকা হং·জক নামগিজা গিম্মিকনি জা·থিং। বাং·আরাংএন থাংখা-পয়সানা মাদ্দুয়ে খ্রীষ্টান থরমখো বিবিরা·আওনি জিত্তাংএ আন·থাংথাংনি সাক্কাও বাং·আ দুকরাংখো রিংগামে রা·বাজক।

2 তীমথিয় 3:2

মান্দি আন·থাংখোসান নামনিকনুয়া, থাংখানা মাদ্দুনুয়া, রাসং দাকনুয়া, গিম্মিকখো চন্নিকনুয়া, গিম্মিকনি নামগিজাখো আগান্নুয়া আরো মা·গিবা-ফাগিবাখো মানিজানুয়া।

তীতনা 1:11

ইন্দাকগিবা মান্দিরাংনি খু·সুকখো মিৎথিপনা নাংআ, মুয়ানা অন্যায় দাক্কে মান·দাপনা বিসং ইন্দাকা স্খিয়াখো র·ন্না জেখো বিসংনি স্খিয়েতনা নাংজা; আরো ইন্দাকে বিসং মিত্তাম নকরাংখো ব·ন্নেতজক।

তীতনা 1:7

ইসলচাখো দাকনা নাংআখো মান·গিবা মান্দি গিত্তা উয়া দাল·গিবাখো ইন্দাকে হং·না নাংনুয়া জেদাক্কে দারাংবা বিখো জিনা মান·জা। জেদাক্কে বিয়া গিত্তক গ্রেং রাকগিবা, খা·আওনাংগিবা, চুফেকগিবা হং·জা। অন্যায় দাক্কে মান·দাপাও বিনি গিসিক দংজাখানা;

তীতনা 2:3

উয়ানদাক্কে বিলসি বাৎগিবা মিচিকরাংনা আগানবো, বিসংনি রি·য়ারাংও জেদাক্কে ইসলনা খা·ফাকা দংআ আরো বিসং জেদাক্কে নাম্মাখো স্খিয়া। গিপ্পিনখো জিনা বা চুফেকগিবা হং·না বিসং খ্রাজা।

ইব্রীয়রাংনা 12:16

নিবো, দারাংবা জেদাক্কে এষৌ গিত্তা খাকখেৎগিজাগিবা বা ইসলখো অলাখিগিজাগিবা হং·জা। এষৌ মিফাল ফালসা চা·না দেজাক্রানি মান·রিকানি বিলখো ফাল্লেতামিং।

পিতর 5:2

না·সংনি গিসেপো ইসলনি জে মেষনি দল দংআ না·সং বিসংনি রাক্ষুয়াল হং·বো। নিরকখিনা নাংনুয়া ইন্নে বিসংখো নিরকনুয়া ইন্দাকে হং·জা, বাত্তেসা আন·থাংনি হা·সিকাওন উখো দাকবো, মুয়ানা ইসল না·সংচাখো ইখোন হা·ম্মা। মান·দাপনা খা·দংএ ইয়া কামখো দা·আ দাক্কাবো, ইন্দিবা হা·সিকমানচাএ দাকবো;

২ পিতর 2:14

বিসংনি মিক্রোন থি·ল্লেকাও গাপ্পা আরো বিসং পাপ দাক্কাখো দনথংজা। গিসিক খেম·খেম দংগিজাগিবারাংখো বিসং মাদ্দুএতি ব্রাংগিবা রামাচানা রিম্মাংআ। বিসংনি খা·থং মাদ্দুনাসান ্লিংআ। বিসংনি সাক্কাও শাপ দংআ। বিসং স্রংআ রামাখো দন্নে ব্রাংআ রামাচা রি·য়াংজক।

২ পিতর 2:3

মাদ্দুএ বু·আনি খাৎথাখো আগানে বিসং আন·থাংথাংনি মান·দাপানি গিম্মিন না·সংখো কাম দাক্কেতনুয়া। বিসংনি শাস্তি স্খাংওনিন বিসংনি সাক্কাও দংআ, আরো বিসংনি ব·ন্নাদে হারিমজাজক।

ফারাকগিবা খাৎথা 2:14

ইন্দাকোবা নাং·নি সাক্কাও আংনি মামুং আগানানি দংআ। নাং·নি উচা ইন্দাকগিবা মান্দিরাং দংআ জেরাং বিলিয়মনি স্খিয়া গিত্তা রি·য়া। বালাক রাজানা বিলিয়ম স্খিয়েতামিং জেদাক্কে বিয়া মিত্তে বিমাংনা চিনগিবা চা·আখো চা·আচা আরো থি·ল্লেকাচা ইস্রায়েলরাংখো পাপচানা রা·আংআ।

ফারাকগিবা খাৎথা 2:21

থি·ল্লেকাওনি গিসিক ফিল·খানা আংআ বিনা সময় হ·ন্নামিং ইন্দিবা বিয়া গিসিক ফিল·না গং·জাজক।

ফারাকগিবা খাৎথা 21:8

ইন্দিবা চিং·গিবা ওয়া·আল আরো গন্ধকনি চিমিকও দংআন হং·নুয়া খেনগিবা, বিবিরা·গিজাগিবা, মিৎচিনা খ্রাগিবা, স·ওতগিবা, থিল·লেকগিবা, মনতল দাকগিবা, বিমাংখো অলাখিগিবা আরো গিম্মিক বু·এ চা·গিবারাংনি বন·চতগিবা অবস্থা। ইয়ান হং·জক গ্মিগিবা সিয়া।”

ফারাকগিবা খাৎথা 22:15

আচাক গিত্তা নামজাস্রাং মান্দি, মনতল দাকগিবা, থিল·লেকগিবা, স·ওতগিবা, বিমাংখো অলাখিগিবা, আরে জেরাং বুআখো নামনিকা আরো বু·আও রি·আ বিসং গিম্মিকান হা·ফালচা গা·আকে দংআ।

ফারাকগিবা খাৎথা 9:21

ইনাআগ্রেবা স·ওতা, যাদু মন্তল দাক্কা, থি·ল্লেকা আরো চা·উআ ইরাংওনিবা বিসং গিসিক ফিল·জাজক।