ইফিষীয়রাংনা 5:25 - Garo New Testament

²⁵ না·সং জেরাং সেগিবা হং·আ, খ্রীষ্ট জেদাক্কে মন্ডলীনা খা·সামিং আরো উনি গিম্মিন আন·থাংখো হন·চাকামিং উয়ানদাক্কে না·সংবা গিম্মিকান জিকথাংনা খা·সাবো।

ইফিষীয়রাংনা 5:25 Iomraidhean Croise

মথিনি চকগিবা নাম্মা খাৎথা 20:28

গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্নাসা রি·বাআ আরো বাং·বিয়া মান্দিরাংখো পাপওনিখো জক্কেৎনা ইন্নে বিসংনি জাংগিনি ফাল আন·থাংনি জাংগিখো হন·চাকনা রি·বাজক, ইখো গিসিক রা·বো।”

যোহননা 6:51

আংআন উয়া জাংগিনি রুটি সালগিওনি হং·ওনবাগিবা। ইয়া রুটিখো চা·গিবা ফাংনাজলনা জাংগিখো মা·ন্নুয়া। আংনি বে·এনআন উয়া রুটি। মান্দি জেদাক্কে জাংগি মা·ন্না উনি গিম্মিন আংআ আংনি ইয়া বে·এনখো হ·ন্নুয়া।”

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ইফিষীয়রাংনা 5:24

আরো মন্ডলী জেগিত্তা খ্রীষ্টনি নিং·আও বাম্মে দংআ উগিত্তা জিকবা গিম্মিক বিদিংও সেথাংনি নিং·আও বাম্মে দংনা খ্রাআ।

ইফিষীয়রাংনা 5:28

সেগিবা জেদাক্কে বে·এনথাংনা খা·সাআ উয়ানদাক্কেন বিনি জিকথাংনাবা খা·সানা খ্রাআ। জেআন আন·থাংনি জিকনা খা·সা বিয়াদে আন·থাংনান খা·সা।

ইফিষীয়রাংনা 5:33

ইন্দিবা উয়া খাৎথারাংদে দংখানাবো। না·সং গিম্মিকান জিকথাংখো আন·থাং গিত্তা খা·সাবো, আরো জিকবা জেদাক্কে সেথাংখো মান্দিরা·আ।

কলসীয়রাংনা 3:19

না·সং জেরাং সেগিবা, না·সং দিমদাকান জিকনা খা·সাবো আরো বিমুং দা·আ নামগিজা বেওয়ালখো দাক্কাবো।

1 তীমথিয় 2:6

বিয়া দিমদাক মান্দিখো জক্কেৎনা জাংগিথাংখো হন·চাকামিং। ইসলনি থিক দাকসোগিবা সময়ও উনি গিম্মিনো সাক্ষি হন·জক,

পিতর 3:7

উয়ানদাক্কেন না·সং জেরাং সেগিবা হং·আ, না·সং বুদ্ধিখো জাকখালে জিকমুং দংখামবো। বিসং না·সংনি বিলগ্রিগিবা বাজু হং·আ, আরো বিসংবা না·সংমুং ইসলনি খা·সাচাক্কে রন·গিবা গিত্তা জাংগিখো মা·ন্নুয়া। উনি গিম্মিন বিসংখো মান্দিরা·বো জেদাক্কে না·সংনি বি·আও চাংফেংআখো মান·জা।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।