ইফিষীয়রাংনা 5:23 - Garo New Testament

²³ মুয়ানা খ্রীষ্ট জেদাক্কে মন্ডলীনি স্খোথং হং·আ, আগানস্খাওদে বিনি বে·এননি স্খু, উয়ানদাক্কে সেগিবাবা জিকথাংনি স্খু হং·আ। ইনা আগ্রেবা খ্রীষ্টন ইয়া বে·এননি জক্কেৎগিবা হং·আ।

ইফিষীয়রাংনা 5:23 Iomraidhean Croise

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

1ম করিন্থীয়রাংনা 6:13

দা·আবা সাবা সাবা ইয়া খাৎথাখোবা আগানা, “চা·আ বিকমানা হং·আ আরো বিকমা চা·না হং·আ।” ইয়াদে নাম্মান, ইন্দিবা ইয়া মিংগ্মিখোন ইসল সালসাদে গিম্মায়েতনুয়া। বে·এন থি·ল্লেকনা হং·জা বাত্তেসা উয়া গিত্তেলনান হং·আ, আরো গিত্তেল বে·এননি গিম্মিন হং·আ।

ইফিষীয়রাংনা 4:15

বাত্তেসা আনচিং খা·সানি গিসিকখো রা·এ খ্রীষ্টনি গিম্মিনো বিবিখো আগান্নুয়া আরো গিম্মিক গিত্তা দাল·রোরোএ খ্রীষ্ট গিত্তা হং·নুয়া। বিয়ান বে·এননি স্খুথং।

ইফিষীয়রাংনা 5:24

আরো মন্ডলী জেগিত্তা খ্রীষ্টনি নিং·আও বাম্মে দংআ উগিত্তা জিকবা গিম্মিক বিদিংও সেথাংনি নিং·আও বাম্মে দংনা খ্রাআ।

কলসীয়রাংনা 1:18

ইনাআগ্রে বিয়ান বিনি বে·এননি, আগানস্খাওদে মন্ডলীনি স্খুথং হং·আ। বিয়ান স্খাংগিবা আরো বিয়ান সিয়াওনি স্খাং থাংচামিং, জেদাক্কে গিম্মিকো বিয়ান দাল·বাৎনা মা·ন্না।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

ফারাকগিবা খাৎথা 19:7

রি·বাবো, আনচিং গিসিকো খুসি হং·এ নাম্মেন হান·সেংনা আরো বিখো রাসং দাকনা, মুয়ানা মেষ বি·সানি বিয়ানি সাল সকজক আরো বিনি নামচিক আন·থাংখো থারিজক।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।