ইফিষীয়রাংনা 5:21 - Garo New Testament

²¹ খ্রীষ্টখো অলাখিয়ানি গিম্মিন না·সং সাকসা সাকগিপ্পিননা বামবো।

ইফিষীয়রাংনা 5:21 Iomraidhean Croise

1ম করিন্থীয়রাংনা 16:16

উনি গিম্মিন ইন্দাকগিবা মান্দিরাংনি নিং·আও বাম্মে দংনা খু·রাচাকনা আংআ না·সংচা মল·মলিংজক। আরো সাকগিপ্পিনরাং জেরাং ইন্দাকা কামখো দাকনা রি·বাএ নেং·বিয়ানি কামখো দাক্কা বিসংনি নিং·আও বাম্মে দংনাবা খু·রাচাকবো।

2য় করিন্থীয়রাংনা 5:11

গিত্তেলনা খেন্না ইন্নে চিংআ আন·থাংথাংনি গিম্মিন মান্দিনি গিসিকো বিবিরা·এতনা হা·ম্মা। চিংআ জেগিত্তা দাক্কা, উখো ইসল নাম্মে থাল্লেন হা·আইয়া আরো না·সংনি গিসিকোবা উয়া থাল্লা ইন্নে আংআ খা·দংআ।

2য় করিন্থীয়রাংনা 7:1

খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

গালাতীয়রাংনা 5:13

জংআদারাং, জাকগিত্তেল হং·না ইন্নেন ইসল না·সংখো রিক্কামজক। ইন্দিবা না·সংনি পাপ-বেওয়ালনি হা·সিকারাংখো চু·সকেতনা ইন্নে ইয়া জাকগিত্তেলখো দা·আ জাকখালাবো। উনাবাত্তে খা·সানি গিসিকখো রা·এ সাকসা সাকগিপ্পিননা দাকচাকে রন·বো,

ইফিষীয়রাংনা 5:22

না·সং জেরাং জিক হং·আ, গিত্তেলখো মানিয়ে রি·য়ানি চিন গিত্তা না·সং আন·থাংথাংনি সেগিবানা বাম্মে দংআখো মানিয়ে রা·বো,

ইফিষীয়রাংনা 5:24

আরো মন্ডলী জেগিত্তা খ্রীষ্টনি নিং·আও বাম্মে দংআ উগিত্তা জিকবা গিম্মিক বিদিংও সেথাংনি নিং·আও বাম্মে দংনা খ্রাআ।

ফিলিপীয়রাংনা 2:3

আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

1 তীমথিয় 2:11

খু·সুক আগানগিজা আরো চু·গিম্মিক বাম্মে দংএ মিচিকরাং স্খিখানা।

1 তীমথিয় 3:4

জেদাক্কে বিয়া আন·থাংনি নকনি গিম্মিকখো খ্রাএ নিরক্ষিনা মা·ন্না আরো বিনি বি·সারাং জেদাক্কে বাম্মে আরো সনথল দাক্কে রি·য়া।

ইব্রীয়রাংনা 13:17

না·সংনি দাল·গিবারাংনি খাৎথাখো মানিয়ে রি·বো আরো বিসংনি নিং·আও বাম্মে দংবো, মুয়ানা জেরাং ইসলচা হিসাব হন·নুয়া উয়ানদাকগিবা মান্দি গিত্তান বিসং না·সংখো নিরকখিয়া। বিসংনি নিং·আও বাম্মে দংবো জেদাক্কে বিসং বিসংনি কামখো খুসি হং·এ দাকনা মান·না, দুক চাক্কে হং·জা। দুক চাক্কেন দাকনা নাংওদে উয়ো না·সংনি মামিং লাভ হং·জানুয়া।

পিতর 2:13

না·সং গিত্তেলনি নিং·আও বাম্মে দংএ মান্দিনি সংগিবা শাসন দাকগিবারাংনি নিং·আও দংবো। সম্রাট গিম্মিকনি দাল·গিবা ইন্নে বিনি নিং·আও দংবো;

পিতর 2:17

মান্দি গিম্মিকখো মান্দিরা·বো, না·সংনি বিবিরা·গিবা জংআদারাংনা খা·সাবো, ইসলখো অলাখিবো, সম্রাটখো মান্দিরা·বো।

পিতর 5:5

উয়ানদাক্কে ফান্থিরাং, না·সং দাল·গিবারাংনি নিং·আও দংবো। না·সং গিম্মিকান রিন্নকে সাকসা সাকগিপ্পিননা দাকচাকে রন·বো, মুয়ানা রংথালগিবা শাস্ত্রনি খাৎথা গিত্তা, “ইসল গাং·বিংগিবারাংনি সাক্কাও চাদেংআ, ইন্দিবা রিন্নকগিবারাংনা খা·সাচাক্কা।”