ইফিষীয়রাংনা 5:2 - Garo New Testament

² খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ইফিষীয়রাংনা 5:2 Iomraidhean Croise

মথিনি চকগিবা নাম্মা খাৎথা 20:28

গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্নাসা রি·বাআ আরো বাং·বিয়া মান্দিরাংখো পাপওনিখো জক্কেৎনা ইন্নে বিসংনি জাংগিনি ফাল আন·থাংনি জাংগিখো হন·চাকনা রি·বাজক, ইখো গিসিক রা·বো।”

যোহননা 13:34

মিংসা গিত্তাল গি·য়েতাখো আংআ না·সংনা হ·ন্নিংজক- না·সং সাকসা সাকগিপ্পিননা খা·সাগ্রিকবো। আংআ জেদাক্কে না·সংনা খা·সামিং উয়ানদাক্কেন না·সংবা সাকসা সাকগিপ্পিননা খা·সাগ্রিকবো।

যোহননা 6:51

আংআন উয়া জাংগিনি রুটি সালগিওনি হং·ওনবাগিবা। ইয়া রুটিখো চা·গিবা ফাংনাজলনা জাংগিখো মা·ন্নুয়া। আংনি বে·এনআন উয়া রুটি। মান্দি জেদাক্কে জাংগি মা·ন্না উনি গিম্মিন আংআ আংনি ইয়া বে·এনখো হ·ন্নুয়া।”

রোমানরাংনা 4:25

আনচিংনি পাপনি হা·সেল যীশুখো সিয়ানি জাক্কো হ·ন্নামিং আরো আনচিংখো দোসগ্রি ইন্নে রা·চাকনা বিখো সিয়াওনি থাংচাএতামিং।

রোমানরাংনা 8:3

মান্দিনি পাপ-বেওয়ালনি হা·সেল নিয়াম বিলগ্রি হং·জকমিং, আরো উনি গিম্মিন নিয়াম জেখো দাকনা মান·জাজক ইসল আন·থাং উখো দাকজক। পাপখো হা·রিকেতনা বিয়া আন·থাংনি দোসগ্রি দেফান্থিখো মান্দিনি গিসিকখো হ·ন্নে ওয়াত্তেতজক আরো বিনি দেফান্থিনি সিয়াও পাপখো বিচাল দাক্কে উনি বিলখো হা·রিকজক।

রোমানরাংনা 8:37

ইন্দিবা না·সংনা জে খা·সাআ বিচা আনচিং চু·গিম্মিক দাক্কে হামজক।

1ম করিন্থীয়রাংনা 16:14

না·সং জেখোন দাকবো খা·সানি গিসিকখো রা·এন দাকবো।

1ম করিন্থীয়রাংনা 5:7

জেদাক্কে না·সং ওয়ানথিগ্রি গিত্তাল হং·না মা·ন্না; আরো না·সং উগিত্তান দাক্কা। আনচিংনি ওয়াতচাংআনি সালনি মেষ বি·সা খ্রীষ্টখো বলি হন·জক।

2য় করিন্থীয়রাংনা 2:14

ইসলখো মিৎথেলা, আনচিং খ্রীষ্টমুং নাংরিমজক ইন্নে ইসল বিনি হাম্মে-রি·য়াও ফাংনান আনচিংখো রি·দিলা। খ্রীষ্টখো হা·আইয়া সিম্মিলগিবা বিবা গিত্তা হং·আ। ইসল বিনি হাম্মে-রি·য়াও উয়া সিম্মিলগিবা বিবাখো চিং গিত্তা হা·দাম গিম্মিকো গিপ্পাংএতা।

2য় করিন্থীয়রাংনা 2:15

জেরাং জক্কেতাখো মা·ন্নিংজক আরো জেরাং ব·ন্নিংজক বিসংচা ইসলনা চাক্কে চিংআ বিবিন খ্রীষ্টনি সিম্মিলা বিবা গিত্তা হং·আ।

2য় করিন্থীয়রাংনা 8:9

না·সংদে আনচিংনি গিত্তেল যীশু খ্রীষ্টনি খা·সাচাক্কে হ·ন্নানিখো হা·আইয়া, বিয়া আন·থাং নকমা হং·এবা না·সংনা দিলজক, জেদাক্কে বিনি দিল্লাচা না·সং নকমা চানা মা·ন্না।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ইফিষীয়রাংনা 3:17

আরো বিবিরা·আচা খ্রীষ্ট না·সংনি খা·থংখো চু·গিম্মিক মান·রিকা। আংআ আরোবা বি·না জেদাক্কে খ্রীষ্টনি খা·সাও না·সং জা·দিল সু·এ নাপ্পে খেম·খেমে দংআ,

ইফিষীয়রাংনা 3:19

খ্রীষ্টনি উয়া খা·সাখো বুদ্ধিচা হা·আইনা মান·জা; ইন্দাকোবা আংআ বি·না জেদাক্কে না·সং উয়া খা·সাখো হা·আইনা মা·ন্না, জেদাক্কে ইসলনি গিম্মিক চু·সকাও না·সং চু·সকগিবা হং·আ।

ইফিষীয়রাংনা 4:15

বাত্তেসা আনচিং খা·সানি গিসিকখো রা·এ খ্রীষ্টনি গিম্মিনো বিবিখো আগান্নুয়া আরো গিম্মিক গিত্তা দাল·রোরোএ খ্রীষ্ট গিত্তা হং·নুয়া। বিয়ান বে·এননি স্খুথং।

ইফিষীয়রাংনা 4:2

না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

ইফিষীয়রাংনা 5:15

না·সং বাদিকে দাক্কে রি·ইংজক উনি বিদিংও নাম্মেদাক্কে চানচিএ নিবো। বুদ্ধিগ্রি মান্দিরাং গিত্তা রি·গিজা হা·আইগিবারাং গিত্তা রি·বো।

ইফিষীয়রাংনা 5:25

না·সং জেরাং সেগিবা হং·আ, খ্রীষ্ট জেদাক্কে মন্ডলীনা খা·সামিং আরো উনি গিম্মিন আন·থাংখো হন·চাকামিং উয়ানদাক্কে না·সংবা গিম্মিকান জিকথাংনা খা·সাবো।

ফিলিপীয়রাংনা 4:18

আংনি মা·ন্নাগিবা গিম্মিকখোন আংআ মান·জক। আংনি নাংআনি বাত্তেবা আংনি বাং·এন দংআ। ইপাফ্রদীতনি জাক্কো না·সংনি ওয়াত্তেতগিবা বকসিসখো মা·ন্নে দা·আও আংনি চু·ওংজক। ইয়া বকসিসরাং সিম্মিলা আরো রা·চাকনা খ্রাগিবা বলি হং·আ,

কলসীয়রাংনা 3:14

আরো ইরাংমুং খা·সাচা আন·থাংথাংখো থারিবো। খা·সান উয়া গুণরাংখো আপসান দাক্কে চু·সকেতা।

1 থিষলনীকী 4:9

জংআদাস্খানা খা·সানি গিম্মিন না·সংনা মামুংখো চকনা নাংজা, মুয়ানা ইসলান না·সংখো সাকসা সাকগিপ্পিননা খা·সাগ্রিকাখো স্খিজক।

1 তীমথিয় 2:6

বিয়া দিমদাক মান্দিখো জক্কেৎনা জাংগিথাংখো হন·চাকামিং। ইসলনি থিক দাকসোগিবা সময়ও উনি গিম্মিনো সাক্ষি হন·জক,

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

ইব্রীয়রাংনা 8:3

গিম্মিক খামাল দাল·বাৎগিবারাংখো মাৎবুরুংরাংখো বলি হ·ন্না আরো গিপ্পিন জিনিসরাংখো বলি হ·ন্না দন্না, উনি গিম্মিন ইয়া খামাল দাল·বাৎগিবানিবা মামুংখো বলি হ·ন্না নাংআ।

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!

ইব্রীয়রাংনা 9:23

জেরাং সালগিনি জিনিস গিত্তা দাক্কা উরাংখো মাৎবুরুংখো বলি হ·ন্নাচা রংথালেতনা নাংআমিং ইন্দিবা জে আদতে সালগিনি জিনিস উরাংখো রংথালেতনা ইন্নে আরোবা দাল·বাতা বলি হ·ন্না নাংআ।

ইব্রীয়রাংনা 9:26

উখোন দাকনা নাংওদে হা·গিলসাক হং·চেংওনি বিখো বাং·এন দুক চাক্কে সিনা নাংনুয়ামিং; ইন্দিবা দা·আও গিম্মিক চাসংনি বন·খামাও বিয়া রাং·সাসান ফারাকজক জেদাক্কে আন·থাংখো ফাকওয়াতে বিয়া পাপখো হা·রিকনা মা·ন্না।

পিতর 4:8

আরো গিম্মিকনা বাত্তে দা·ল্লা খাৎথা হং·জক, না·সং সাকসা সাকগিপ্পিনখো নাম্মেন খা·সাবো, মুয়ানা খা·সাআ বাং·আ পাপখো ফিনদাপে দন্না।

1 যোহন 3:16

খ্রীষ্ট আনচিংনা আন·থাংনি জাংগিখো হন·চাকামিং, উনি গিম্মিন খা·সাআ মুয়া উখো আনচিং হা·আইনা মান·জক। ইন্দাকোদে আনচিংবা জংআদারাংনা আন·থাংনি জাংগিখো হন·চাকনা নাংআ।

1 যোহন 3:23

বিনি গি·য়েতা ইয়ান-আনচিং জেদাক্কে বিনি দেফান্থি যীশু খ্রীষ্টখো বিবিরা·আ আরো সাকসা সাকগিপ্পিননা খা·সাআ। ইয়া গি·য়েতাখোন বিয়া আনচিংনা হন·জক।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।