ইফিষীয়রাংনা 5:18 - Garo New Testament

¹⁸ দা·আ চুফেকগিবা হং·আবো, উনোদে বিংবাং হং·আংনুয়া। উনা বাত্তে চু·গিম্মিক দাক্কে রংথালগিবা গিসিকনি নিং·আও বাম্মে দংবো,

ইফিষীয়রাংনা 5:18 Iomraidhean Croise

মথিনি চকগিবা নাম্মা খাৎথা 23:25

“হং·সিখানা না·সংনা, শাস্ত্র স্খিগিবা আরো ফরীশীরাং, বু·এ চা·গিবারাং! না·সং চা·আ দনচাকানিরাংনি হা·ফালচানিখো চি·রংএ দন্না, ইন্দিবা উয়ারাংদে নামগিজানি বস্তু আরো মিকবোকানি বিথিচা গাপ্পা।

মথিনি চকগিবা নাম্মা খাৎথা 24:49

আরো উনোন বিয়া বিমুং রিম·ফাগিবা নকখলরাংখো দকনা হা·বাচেংজক আরো চু ফেকগিবারাংমুং চা·এ রিংএ চু রিংনা হা·বাচেংজক।

লূকনি চকগিবা নাম্মা খাৎথা 1:15

মুয়ানা গিত্তেলনি মিক্রোনও বিয়া দাল·গিবা হং·নুয়া। বিয়া মামুং সালোবা আংগুর বিৎচিখো বা চুখো রিংজানুয়া আরো মা·আনি অক্কো দংওন বিয়া গিসিক রংথালগিবাও গাপনুয়া।

লূকনি চকগিবা নাম্মা খাৎথা 11:13

ইন্দাকোদে না·সং নামগিজা হং·এবা আন·থাংথাংনি দেদ্রাংনা নামনামা জিনিসরাংখো হ·ন্না হা·আইওদে, ইন্দিদে সালগিও দংগিবা ফাচা জেরাং হা·ম্মা, বিসংনা বিয়া গিসিক রংথালগিবাখো হ·ন্নুয়া ইয়াদে খাকখেতান হং·আ!”

লূকনি চকগিবা নাম্মা খাৎথা 12:45

ইন্দিবা ইন্দাকে চানচিবো, উয়া নকখল গিসিকথাংও আগানোদে, ‘আংনি নকগিবা রি·বানা হারিমিংজক।’ উনি গিম্মিন বিয়া নকখলরাংখো দকনা হা·বাচেংজক আরো চা·আ রিংআনি জা·মানো চু রিংফেকজক।

লূকনি চকগিবা নাম্মা খাৎথা 21:34

“না·সং সিমসাকে দংবো জেদাক্কে চা·ফেক্কানা রিংফেক্কানা আরো নকদাংনি চানচিয়ারাংনা না·সংনি খা·থং জ্রিমবিয়ে গা·আকজা। ইন্দাকজাওদে জা·গা জেদাক্কে রাং·গিত্তিক চিপচাংআ উয়ানদাক্কে উয়া সালবা রাং·গিত্তিক না·সংনি সাক্কাও, আরোবা হা·গিলসাকনি গিম্মিক মান্দিনি সাক্কাও রি·বানুয়া।

যোহননা 2:10

“স্খাং দিমদাকান নামগিবা আংগুর বিৎচিখো রিংনা হন·চেংআ। জা·মানো ফেকজোকনো জে বিৎচিখো হ·ন্নিংআ উয়াদে স্খাংনা বাত্তে নামগিজা হং·আ। ইন্দিবা না·আ দা·আওনাবা নামগিবা বিৎচিখো রা·রিকজক।”

ওয়াত্তেতারাংনা 11:24

বার্ণবা সাকসা নাম্মা মান্দি হং·আমিং আরো বিয়া গিসিক রংথালগিবাও আরো বিবিরা·আও চু·সকামিং। উনোন গিত্তেল বাং·আরাংখোন আন·থাংওনা রা·বামিং।

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

1ম করিন্থীয়রাংনা 11:21

মুয়ানা না·সং সাকসাবা সাকগিপ্পিননা সেংগিজান চা·এ গাল্লা। আরো উনি হা·সেল সাকসা অকখ্রিয়ানা দাক্কা আরো সাকগিপ্পিন চুফেক্কা।

1ম করিন্থীয়রাংনা 5:11

আংআ জেখো চক্কামিং উনি অর্থ ইয়ান-সাবা আন·থাংখো বিবিরা·গিবা ইন্নেবা বিয়া নামগিজা মান্দি বা মাদ্দুগিবা হং·ওদে, মিত্তে বিমাংখো হামুওদে, গিপ্পিনখো জাচাওদে, চু রিংফেকগিবা বা বু·এ চা·গিবা হং·ওদে, বিমুং দা·আ রি·য়াবো। আরো বিমুং দা·আ চা·না-রিংনাবা রি·য়াংআবো।

1ম করিন্থীয়রাংনা 6:10

চা·উগিবারাং, মাদ্দুগিবারাং, চু রিংফেকগিবারাং, জাচাগিবারাং আরো থকাই চা·গিবারাং ইসলনি সংনকখো মান·রিকজানুয়া।

1 থিষলনীকী 5:7

জেরাং থুয়া বিসং ওয়াল্লোন থুয়া, আরো জেরাং চুফেক্কা বিসং ওয়াল্লোন চুফেক্কা।

তীতনা 1:6

মন্ডলীনি দাল·বাৎগিবাখো ইন্দাকে হং·না নাংনুয়া জেদাক্কে দারাংবা বিখো দোস র·ন্না মান·জা। বিনি সাকসাসান জিক দংনুয়া। বিনি বি·সারাং জেদাক্কে খ্রীষ্টও বিবিরা·আ, জেদাক্কে বিসং আন·থাংথাংনি হা·সিকা গিত্তা রি·জা আরো বামগিজাগিবা হং·জা।