ইফিষীয়রাংনা 5:11 - Garo New Testament

¹¹ আন্দালানি বিথিগ্রি কামমুং না·সং দংজাখানা; উনা বাত্তে না·সং উরাংনি দোসখো ফিন্নিকে হন·বো

ইফিষীয়রাংনা 5:11 Iomraidhean Croise

মথিনি চকগিবা নাম্মা খাৎথা 18:15

“নাং·নি জংআদা নাং·নি সাক্কাও পাপখো দাক্কোদে, জে সময়ও বিনি সেফাংও দারাংবা দংজানুয়া উনো বিচা রি·য়াংএ বিনি পাপখো ফিন্নিকেতবো। বিয়া নাং·নি খাৎথাখো খিন্নাওদে না·আ নাং·নি জংআদাখো মানফিল·জক।

লূকনি চকগিবা নাম্মা খাৎথা 3:19

শাসন দাকগিবা হেরোদ আদাথাংনি জিকগিবা হেরোদিয়াখো খিম্মানি গিম্মিন আরো বিনি বাং·আ নামগিজা কামরাংনি গিম্মিন যোহন বিনি গ্রোখো ফিন্নিকে হ·ন্নামিং।

রোমানরাংনা 13:12

ওয়াল ব·ন্না হা·ম্মিংজক, সেং·না হাম·বাংজক; ইনি গান্দা হাই, আনচিং আন্দালানি কামখো গাল্লে সেং·আনি জাকরিমরারাংখো রা·না।

রোমানরাংনা 16:17

জংআদারাং, না·সং জে স্খিয়াখো মান·জক উনি ফাংফিল্লে স্খিয়াখো হ·ন্নে জেরাং দল থারিয়া আরো চাংফেংআখো থারিয়া, বিসংখো নিরকনা আংআ না·সংখো মংসংবাত্তে মল·মলিংজক। না·সং বিসংচানি চে·ল্লে দংবো,

রোমানরাংনা 6:21

স্খাংনি জে কামরাংনি খাৎথাখো চানচিএ দা·আও না·সং খ্রাচা·আংআ উয়া কামরাংওনি না·সংনি মুয়া লাভ হং·নুয়ামিং? উনি বন·খামগিবা বিথি হং·জক সিয়া।

গালাতীয়রাংনা 6:8

পাপ-বেওয়ালখো খুসি দাক্কানি বিৎচ্রিখো গোওদে উয়োনি ব·ন্নানি বিথিখো মা·ন্নুয়া। ইন্দিবা গিসিক রংথালগিবাখো খুসি দাক্কানি বিৎচ্রিখো গোওদে উয়োনি ফাংনাজলনি জাংগিনি বিথিখো মা·ন্নুয়া।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

ইফিষীয়রাংনা 5:12

মুয়ানা মান্দিরাংনি সিউল দাক্কে দাকগিবা ইয়া কামরাংনি খাৎথাখো আগানাবা খ্রাচা·আনি হা·সেল হং·আ।

ইফিষীয়রাংনা 5:7

ইন্দাকগিবা মান্দিরাংমুুং দা·আ নাংরিমাবো,

1 থিষলনীকী 5:7

জেরাং থুয়া বিসং ওয়াল্লোন থুয়া, আরো জেরাং চুফেক্কা বিসং ওয়াল্লোন চুফেক্কা।

2 থিষলনীকীয়রাংনা 3:14

ইয়া চিঠিও চক্কা চিংনি খাৎথাখো সাবা মানিজাওদে উয়া মান্দিখো হা·আইয়ে দনবো। বিমুং দা·আ রি·ফাবো জেদাক্কে বিয়া খ্রাচা·আখো মা·ন্না।

2 থিষলনীকীয়রাংনা 3:6

জংআদারাং, আনচিংনি গিত্তেল যীশু খ্রীষ্টনি বিমুংও চিংআ না·সংনা ইন্দাকে গি·য়েতিংজক-সাবা আলসিয়া দাক্কে রি·ওদে আরো চিংচাখো না·সং জে স্খিয়াখো মান·জক উখো মানিজাওদে, ইন্দাকোদে না·সং বিমুং দা·আ রি·য়াবো।

1 তীমথিয় 5:20

জে দাল·গিবারাং পাপ দাক্কারিন দংআ মন্ডলীনি গিম্মিক মান্দিনি মিকখাংও বিসংনি দোসখো ফিন্নিকে হন·বো জেদাক্কে গিপ্পিন দাল·গিবারাংবা খেন্না।

1 তীমথিয় 5:22

থেংরি দাক্কে সানিবা সাক্কাও জাক দন্নে সাকসাখো মামুং কামনা দা·আ থিক দাক্কাবো। গিপ্পিনরাংনি পাপ দাক্কাও বিসংমুং দা·আ দংফাবো। আন·থাংখো খাকখেৎ দনবো।

1 তীমথিয় 6:5

আরো গিসিক চনগিবারাংনি গিসেপো গোলমাল দাক্কা। ইন্দাকা মান্দিরাংও ইসলনি বিবি দংজা; বিসং খ্রীষ্টনি থরমনি বিবিখো হা·গিলসাকো মান·দাপানি চল ইন্নে চানচিয়া।

2 তীমথিয় 3:5

হা·ফালনি বিমাংখো নিকজোকনো ইসলনা বিসং বাসিক খা·ফাকা গিত্তা নিক্কা, ইন্দিবা ইসলখো অলাখিয়ানি বিলখোন বিসং জিচাকা। ইন্দাকগিবা মান্দিরাংওনি চে·ল্লাও দংবো।

2 তীমথিয় 4:2

ইসলনি খাৎথাখো আগানফ্রাকবো; সময় হং·ওবা হং·জাওবা, ফাংনান আগানফ্রাকনা থারিসোএ দংবো; নাম্মেন চাকচিকে স্খিয়েতি মান্দিরাংনি দোসখো ফিন্নিকে হন·বো, বিসংখো সিমসাকেতবো আরো নাম্মাখো আগানবো।

তীতনা 2:15

উনি গিম্মিন চু·গিম্মিক বিলখো রা·এ না·আ ইয়া বিদিংরাংও স্খিয়েতবো, নাম্মাখো আগানবো আরো দোসখো ফিন্নিকে হন·বো। জেদাক্কে দারাংবা নাং·খো চন্নিকজা।

ফারাকগিবা খাৎথা 18:4

জা·মানো আংআ সালগিওনি দা·আও সাকসাখো আগানাখো খিন্নাজক, “আংনি মান্দিরাং, না·সং বাবিলওনি হং·খাতে রি·বাবো জেদাক্কে বিনি পাপনি বাকখো না·সং মান·ফাজা, আরো জে সাবিসিরাং উনি সাক্কাও গা·আকনুয়া উনি মামিংখোন না·সংনি চাকনা নাংজাখানা।