ইফিষীয়রাংনা 5:10 - Garo New Testament

¹⁰ উনোদে না·সং থিকখেলে নিনা মা·ন্নুয়া বাগিবা কামরাংনা গিত্তেল খুসি হং·আ।

ইফিষীয়রাংনা 5:10 Iomraidhean Croise

রোমানরাংনা 14:18

জেআন ইন্দাকে খ্রীষ্টনা দাকচাকে হ·ন্না বিনি সাক্কাও ইসল খুসি হং·আ আরো মান্দিরাংবা বিখো নাম্মা ইন্নে চানচিয়া।

ফিলিপীয়রাংনা 1:10

ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

ফিলিপীয়রাংনা 4:18

আংনি মা·ন্নাগিবা গিম্মিকখোন আংআ মান·জক। আংনি নাংআনি বাত্তেবা আংনি বাং·এন দংআ। ইপাফ্রদীতনি জাক্কো না·সংনি ওয়াত্তেতগিবা বকসিসখো মা·ন্নে দা·আও আংনি চু·ওংজক। ইয়া বকসিসরাং সিম্মিলা আরো রা·চাকনা খ্রাগিবা বলি হং·আ,

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

1 থিষলনীকী 5:21

জেআন নাম্মা উখো রি·ম্মে রা·রিকবো,

1 তীমথিয় 2:3

আনচিংনি জক্কেৎগিবা ইসলনি মিক্রোনও উয়া নাম্মা আরো ইনান বিয়া খুসি হং·আ।

1 তীমথিয় 5:4

ইন্দিবা রান্দি মিচিকনি বি·সা-আংদি বা সু·গিবা দংওদে উয়া বি·সা-আংদি বা সু·গিবারাংআন জেদাক্কে স্খাং আন·থাংথাংনি নকনা দাক্কানিখো দাক্কে ইসলনা খা·ফাকে ফিন্নিকাখো স্খিয়া। ইন্দাকে বিসং বিসংনি ফাগিৎচামরাংনি খা·সানি জিন্নাংখো চতনা মা·ন্নুয়া, আরো ইনি গিম্মিনান ইসল খুসি হং·আ।

ইব্রীয়রাংনা 12:28

উনি গিম্মিন জে হা·খিংখো মজুমেতনা মান·জা আনচিং উয়া হা·খিংখো মা·ন্না রি·য়াংইংজক ইন্নে হাই, আনচিং ইসলচা মিৎথেলগিবা হং·না। ইন্দাকোদে ইসল জেগিত্তা খুসি হং·আ উগিত্তান আনচিং অলাখিয়ামুং আরো খেন্নামুং বিনা দাকচাকে হ·ন্না মা·ন্নুয়া।

পিতর 2:20

খ্রাগিজা কামনা দক্কা চা·এ না·সং উখো চাক্কোদে উনা রাসং দাক্কানি মুয়া দংআ? ইন্দিবা নাম্মা কামখো দাক্কেবা না·সং উনি হা·সেল দুক মা·ন্নে উখো চাক্কোদে, উয়ান ইসলনি মিক্রোনও মিৎথেলাখো মা·ন্না খ্রাআ হং·আ।