ইফিষীয়রাংনা 4:5 - Garo New Testament

⁵ সাকসাসান গিত্তেল দংআ, মিংসাসান বিবিরা·আ দংআ, মিংসাসান রিপ্পলা দংআ,

ইফিষীয়রাংনা 4:5 Iomraidhean Croise

মথিনি চকগিবা নাম্মা খাৎথা 28:19

ইনি গিম্মিন না·সং রি·য়াংএ গিম্মিক জাতরাংনি মান্দিরাংখো আংনি জা·রিকগিবা থারিবো। ফাগিবানি, দেগিবানি আরো গিসিক রংথালগিবানি বিমুংও বিসংখো রিপ্পলেতবো।

ওয়াত্তেতারাংনা 10:36

ইসল ইস্রায়েলরাংনা ইয়া নাম্মা খাৎথাখো ওয়াত্তেতামিং, যীশু খ্রীষ্ট, জেআন গিম্মিকনি গিত্তেল, বিচান থম·থমাখো মা·ন্না।

ওয়াত্তেতারাংনা 2:36

“ইনি গিম্মিন গিম্মিক ইস্রায়েল জাতরাং ইয়া খাৎথাখো খাকখেৎ দাক্কে হা·আইবো, জেখো না·সং চিসলো দাৎখাপামিং ইসল উয়া যীশুখোন গিত্তেল আরো খ্রীষ্ট দাক্কে থারিজক।”

রোমানরাংনা 3:30

মুয়ানা ইসলদে সাকসাসান। বিয়া যিহূদীরাংখো জেদাক্কে বিবিরা·আচা দোসগ্রি ইন্নে রা·চাকনুয়া উয়ানদাক্কে গিপ্পিন জাতরাংখোবা রা·চাকনুয়া।

1ম করিন্থীয়রাংনা 1:13

ইন্দিবা খ্রীষ্টখো বাক দাকজকমা? পৌলখো না·সংনি গিম্মিন চিসলো দাৎখাপামিংমা? না·সং পৌলনি বিমুংও রিপ্পলজকমা?

1ম করিন্থীয়রাংনা 12:13

আনচিং যিহূদী বা যিহূদী হং·গিজাগিবা, নকখল বা জাকগিত্তেল হং·গিবা, দিমদাকান আপসান গিসিক রংথালগিবাচা আপসান বে·এনো রিপ্পলজক। আনচিং গিম্মিকান উয়া আপসান গিসিক রংথালগিবাখো মান·জক।

1ম করিন্থীয়রাংনা 12:5

আনচিং দিংথাং দিংথাং চলচা গিত্তেল আপসাননা দাকচাকে হ·ন্নিংআ।

1ম করিন্থীয়রাংনা 8:6

ইন্দাকোবা আনচিংনাদে ইসল সাকসাসান দংআ। বিয়ান ফাগিবা; বিচানিন গিম্মিক রি·বাআ আরো বিনি গিম্মিনান আনচিং থাংএ দংআ। আরো গিত্তেলবা আনচিংনি সাকসাসান দংআ, বিয়ান যীশু খ্রীষ্ট। বিচান গিম্মিক রি·বাআ আরো বিচান আনচিং থাংএ দংআ।

2য় করিন্থীয়রাংনা 11:4

জে যীশুনি খাৎথাখো চিংআ আগানফ্রাকজক সাবা বিনা আগ্রে গিপ্পিন যীশুনি খাৎথাখো না·সংচা আগানফ্রাকোদে, বা জে গিসিক রংথালগিবাখো না·সং মান·জক বিনা আগ্রে দিংথাং দাকগিবা গিসিকখো না·সং মা·ন্নোদে, বা জে নাম্মা খাৎথাখো না·সং রা·চাকজক উনা আগ্রে দিংথাং দাকগিবা নাম্মা খাৎথাখো না·সং মা·ন্নোদে, খুসি হং·এন উরাংখো মানিয়ে রা·আ।

গালাতীয়রাংনা 5:6

মুয়ানা জেরাং খ্রীষ্ট যীশুনি হং·আ, বিসংচা বিগিল রাত্তা বা রাতগিজানি মামুং দামআন দংজা, বাত্তেসা জে বিবিরা·আ খা·সাচা কাম দাক্কা উয়া বিবিরা·আন চং·মত হং·আ।

ইফিষীয়রাংনা 4:13

ইনি মিকসংআ হং·জক, জেদাক্কে আনচিং গিম্মিকান ইসলনি দেফান্থিখো বিবিরা·এ আরো বিখো নাম্মেদাক্কে হা·আইনা মা·ন্নে আপসান হং·আ; আরো খ্রীষ্ট জেদাক্কে গিম্মিক গুণও চু·সকগিবা হং·আ, আনচিংবা জেদাক্কে উগিত্তান গিম্মিক গুণও চু·সকগিবা হং·আ। উনোদে আনচিং আরবা বি·সা গিত্তা দংজানুয়া।

ফিলিপীয়রাংনা 2:11

আরো ফাগিবা ইসলনি রাসংনা যীশু খ্রীষ্টআন গিত্তেল ইন্নে খু·রাচাক্কা।

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

তীতনা 1:4

খ্রীষ্টখো বিবিরা·আও জেআন আংমুং আপসান হং·ফাজক, আংনি উয়া চং·মত বি·সা তীতনা আংআ ইয়া চিঠিখো চক্কিংআ। আপফা ইসল আরো আনচিংখো জক্কেৎগিবা খ্রীষ্ট যীশু নাং·না খা·সাচাকখানা আরো থম·থমাখো রন·খানা।

ইব্রীয়রাংনা 13:7

জেরাং না·সংচা ইসলনি খাৎথাখো আগান্নুয়ামিং না·সংনি উয়া দাল·গিবারাংনি খাৎথাখো গিসিক রা·বো। বিসংনি জাংগিনি বন·চতগিবা বিথিনি খাৎথাখো নাম্মে চানচিবো আরো বিসং গিত্তা না·সংবা বিবিরা·বো।

ইব্রীয়রাংনা 6:6

আরো উনি জা·মানো খ্রীষ্টওনি ফি·ল্লে রি·য়াংজক, বিসংখো দা·আবা গিত্তাল দাক্কে গিসিক ফি·ল্লানি রামাও রিমবানা মান·জা। ইয়াদে হং·না মান·জা, মুয়ানা বিসং আন·থাংআন ইসলনি দেফান্থিখো দা·আবা চিসলো দাৎখাপিংজক আরো গিম্মিকনি মিকখাংও বিখো মান্দিরা·জাংজক।

যাকোব 2:18

সাবা আগান্নাবা দংআ, ‘‘নাং·ও বিবিরা·আ দংআ আরো আংও নামগিবা কাম দংআ।’’ ইয়াদে নাম্মান। কামগ্রি নাং·নি বিবিরা·খো আংনা ফিন্নিকবো, আরো আংআ আংনি বিবিরা·আখো কামচা নাং·না ফিন্নিকনুয়া।

পিতর 3:21

ইয়া হং·জক রিপ্পলানি গি·সা ছবি দা·আও না·সংখো জেআন জক্কেতা। রিপ্পলা না·সংনি বে·এননিখো ময়লাখো থাল্লেতা ইন্দাকে হং·জা; ইসলচা ইয়া গি·সা রংথালা চানচিয়ানি হং·আ। যীশু খ্রীষ্টনি সিয়াওনি থাংচাএ চাখাতাচা না·সংখো জক্কেতানি হং·আ।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

যিহূদা 1:20

ইন্দিবা খা·সাগিবা রিপ্পেংরাং, না·সং না·সংনি রংথালা বিবিরা·আনি সাক্কাও ফাংচাকে আন·থাংথাংখো থারিয়ে রা·বো আরো গিসিক রংথালগিবাচা রি·দিলাখো মা·ন্নে বি·বো।

যিহূদা 1:3

খা·সাগিবা রিপ্পেংরাং, পাপওনি জে জক্কেতাখো আনচিং দিমদাকান মান·জক উয়া জক্কেতানি গিম্মিনো আংআ না·সংচা চকনা হা·সিকবিয়ামিং। ইন্দাকোবা খ্রীষ্টান থরমনি বিবিরা·আ, জেখো ইসল বিনি মান্দিরাংনা ফাংনাজলনা হন·জক, উনা চাক্কে জেদাক্কে না·সং জাংগিগাল্লে দাকগ্রিকা উনা খা·দংএতনা ইন্নে আংআ না·সংচা চকনা নাংআখো চানচিজক।