ইফিষীয়রাংনা 4:32 - Garo New Testament

³² না·সং সাকসা সাকগিপ্পিননা খা·সাচাকবো, গিপ্পিননি দুকও দুক মান·ফাবো, আরো ইসল জেগিত্তা খ্রীষ্টও না·সংখো ক্ষেমা দাকজক উগিত্তা না·সংবা সাকসা সাকগিপ্পিনখো ক্ষেমা দাকবো।

ইফিষীয়রাংনা 4:32 Iomraidhean Croise

মথিনি চকগিবা নাম্মা খাৎথা 6:12

চিংনি সাক্কাও জেরাং অন্যায় দাক্কা, চিংআ জেদাক্কে বিসংখো ক্ষেমা দাকজক উগিত্তান না·আবা চিংখো ক্ষেমা দাকবো।

মার্ক 11:25

না·সং জেনসালো বি·আ উয়া সময়ও সানিবা সাক্কাও না·সংনি খা·আওনাংআনি দংওদে, বিখো ক্ষেমা দাকবো, জেদাক্কে না·সংবা না·সংনি সালগিও দংগিবা ফানি ক্ষেমা দাক্কাখো মা·ন্না।’’

লূকনি চকগিবা নাম্মা খাৎথা 11:4

চিংনি পাপরাংখো ক্ষেমা দাকবো, মুয়ানা জেরাং চিংনি সাক্কাও পাপ দাক্কা চিংআ বিসংখো ক্ষেমা দাক্কা। চিংখো না·আ রুরাও দা·আ গাল্লাবো।’ ”

লূকনি চকগিবা নাম্মা খাৎথা 17:4

সালসানো নাং·নি সাক্কাও চাংস্নি পাপ দাক্কোদে আরো চাংস্নিআন রি·বাএ ‘আংআ পাপওনি গিসিক ফিল·জক,’ ইন্নে আগানোদে বিখো ক্ষেমা দাকনা নাংনুয়া।”

লূকনি চকগিবা নাম্মা খাৎথা 6:35

ইন্দিবা না·সং আন·থাংথাংনি বোবিলরাংনা খা·সাবো আরো বিসংনা নাম্মাখো দাকবো। মামুংখো ফি·ল্লে মা·ন্নানিখো চানচিগিজা থাংখা স্রোনা হন·বো। ইন্দাকোদে না·সংনি মা·ন্নানি দংআ, আরো না·সং চুবাৎগিবা ইসলনি দেদ্রাং হং·নুয়া, মুয়ানা বিয়া নামগিজারাংনাবা খা·সাচাক্কা।

লূকনি চকগিবা নাম্মা খাৎথা 6:37

“গিপ্পিনরাংনি গ্রোখো দা·আ রি·ম্মাবো, উনি গিম্মিন না·সংনি গ্রোখোবা রিম·জানুয়া। গিপ্পিনরাংনা শাস্তি হ·ন্না দা·আ চানচিয়াবো, উনি গিম্মিন না·সংনাবা শাস্তি হন·জানুয়া। গিপ্পিনরাংখো ক্ষেমা দাকবো, উনি গিম্মিন না·সংখোবা ক্ষেমা দাকনুয়া।

ওয়াত্তেতারাংনা 28:2

উয়া চিচাংনি মান্দিরাং চিংমুং নাম্মা বেওয়ালখো দাকজক। উনো মিকখা গা·আকিংআমিং আরো সি·ন্নামিং ইন্নে বিসং ওয়া·আলখো সো·এ চিংখো গিম্মিকখো রিক্কামজক।

রোমানরাংনা 12:10

সাকসা সাকগিপ্পিননা জংআদা গিত্তা নাম্মেন খা·সাগ্রিকবো। আন·থাংনা বাত্তে সাকগিপ্পিনখো বাং·এ মান্দিরা·বো।

1ম করিন্থীয়রাংনা 13:4

খা·সা ফাংনান চাকচিকা, খা·সাচাক্কা, মিকনেংজা, রাসং দাকজা, গাং·বিংজা,

2য় করিন্থীয়রাংনা 2:10

মামুংনি গিম্মিন না·সং সাখোবা ক্ষেমা দাক্কোদে আংআবা বিখো ক্ষেমা দাক্কা। আরো বিবিন আংআ মামুংখো ক্ষেমা দাক্কে দংওদে খ্রীষ্টনি মিকখাংও না·সংনি গিম্মিনান উখো দাকজক,

2য় করিন্থীয়রাংনা 2:7

ইনাবাত্তে না·সং দা·আও বিখো ক্ষেমা দাকবো আরো খা·নাম্মেতবো, জেদাক্কে বিয়া দুক মান·বিএ খা·দংআগ্রি হং·জা।

2য় করিন্থীয়রাংনা 6:6

ইনাআগ্রে চিংনি খাকখেৎ জাংগিচা, চিংনি হা·আইয়াচা, চাকচিকানি গুণচা আরো খা·সাচাক্কাচা, গিসিক রংথালগিবাচা, চিংনি খাকখেৎ খা·সাচা,

ইফিষীয়রাংনা 5:1

ইসলনি খা·সাগিবা দেদ্রাং গিত্তা না·সং ইসল গিত্তা দাক্কে রি·বো।

যাকোব 5:11

জেরাং চাকচিকে সেংসোজক বিসংখো আনচিং ফাত্তিয়া মান·গিবা ইন্না। না·সং ইয়োবনি চাকচিকানি খাৎথাখো খিন্নাজক আরো গিত্তেলনি কামরাংনি বন·চতগিবা বিথিরাং নাম্মা উখোবা নিকজক। গিত্তেল নাম্মেন খা·সাবিয়া আরো খা·সাচাক্কা।

২ পিতর 1:7

খা·ফাকামুং জংআদানা খা·সা আরো উয়া খা·সামুং আরোবা নাম্মেমানচা খা·সানি গিসিকখো দনফাবো।

1 যোহন 1:9

আনচিং আনচিংনি পাপখো খু·রাচাক্কোদে বিয়া উনোন আনচিংনি পাপখো ক্ষেমা দাক্কা আরো গিম্মিক খ্রাগিজাওনিখো আনচিংখো রংথালেতা, মুয়ানা বিয়া ফাংচাকনা খ্রাগিবা আরো মামুং সালোবা খ্রাগিজাখো দাকজা।

1 যোহন 2:12

বি·সারাং, খ্রীষ্টনি গিম্মিন না·সংনি পাপখো ক্ষেমা দাকজক ইন্নেন আংআ না·সংচা চক্কিংজক।