30 না·সং ইসলনি গিসিক রংথালগিবাখো দা·আ দুক র·ন্নাবো, জেচা ইসল জক্কানি সালোনা দিপ্পাৎ না·সংখো সিল সু·এ দনজক।
যীশু উনো খা·আওনাংএ বিসংচা নিএতজক আরো বিসংনি খা·থং রাক্কানা নাম্মেন দুক্ মা·ন্নে উয়া মান্দিখো আগানজক, ‘‘নাং·নি জাকখো সিল্লেতবো।’’ উয়া মান্দি জাকখো সিল্লে হ·ন্নানি জা·মানোন উনি জাকবা নামস্রাংজক।
ইরাং হং·বামিত্তিংও না·সং চাখাতবো আরো মিকখাং দি·চাবো, মুয়ানা না·সংনি জক্কানি সাল সেফাংজক।”
বিনি সাক্ষিখো রা·চাকগিবা ইখোন ফিন্নিকজক, ইসল জেখো আগানা উয়ান বিবি হং·আ।
“ও গিত্তকগ্রেং রাকগিবা জাতরাং! না·সংনি নাচিল আরো খা·থংরাং গিপ্পিন জাতরাং গিত্তান হং·আ, আরো না·সংবা না·সংনি ফাগিৎচামরাং গিত্তান হং·আ। না·সং ফাংনান গিসিক রংথালগিবাখো চাংফেংআ।
যীশুখো সিয়াওনি থাংচাএতগিবা উয়া ইসলনি গিসিক না·সংনি খা·থংও দংওদে ইসল উয়া গিসিকচা সিয়ানি নিং·আও দংগিবা না·সংনি বে·এনখোবা থাংচাএতনুয়া।
ইয়াসান হং·জা, ইন্দিবা জে রাসংখো জা·মানো মা·ন্নুয়া উনি স্খাংগিবা বিথি গিত্তা গিসিক রংথালগিবাখো মা·ন্নে আনচিং আন·থাংবা খা·থংও মা·আমিংআ। আরো উয়া সালনা সেংএ দংআ জেনসালো আনচিংখো ইসলনি দেদ্রাং গিত্তা ফারাকনুয়া, আগানস্খাওদে ব·ন্নাংআনি জাকওনিখো আনচিংখো জক্কেৎনুয়া।
খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।
জেআন নাসিয়া আরো সিয়া, উরাং জেনসালো উয়ানদাক্কে দিংথাং হং·নুয়া উনো রংথালগিবা শাস্ত্রনি ইয়া খাৎথা চু·সকনুয়া, সিয়া ব·ন্নাংএ হা·ম্মা সকজক।
গিসিক রংথালগিবাখো দা·আ খিম্মিতেতাবো।
ইন্দাকোদে ইসলনি দেফান্থিখো জেআন মিৎচিজক, জে হান·চিচা বিয়া রংথালজক ইসলনি উয়া খু·রাচাক্কানি হান·চিখো জেআন মারাং নাংআ চানচিজক আরো জেআন খা·সাচাক্কা উয়া গিসিক রংথালগিবাখো জেআন চন্নিকজক, চানচিয়ে নিবো, বিয়া আরোবা বাসিক শাস্তিখো মা·ন্না খ্রাগিবা হং·আ!
আংআ বিসংনি সাক্কাও নাম্মেন মাংমেংএ আগানামিং, ‘ইয়া মান্দিরাংনি খা·থং ব্রাংগিবা রামাও রওমিংজক; বিসং আংনি রামাখো হা·আইজাজক।’
আরো বিলসি সৎব্রি দিপ্পাৎ ইসল সারাংনি সাক্কাও খা·আওনাংএ দংআমিং? বিসং উয়া মান্দিরাং হং·জামা জেরাং পাপ দাক্কামিং আরো জেরাংনি মাংগিসিরাং হা·গিসি জওলো গা·আকে দংআমিং?