ইফিষীয়রাংনা 4:25 - Garo New Testament

²⁵ ইনি গিম্মিন না·সং বু·আখো ওয়াতবো আরো সাকসা সাকগিপ্পিনচা বিবিখো আগানবো, মুয়ানা আনচিং গিম্মিকান সাকসা সাকগিপ্পিনমুং নাংরিমা।

ইফিষীয়রাংনা 4:25 Iomraidhean Croise

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

রোমানরাংনা 12:5

থিক উয়ানদাক্কে আনচিং বাং·ওবা খ্রীষ্টমুং নাংরিমে বে·এন গি·সান হং·জক। আনচিং গিম্মিকান সাকসা সাকগিপ্পিনমুং দংফাআ।

1ম করিন্থীয়রাংনা 10:17

আনচিং বাং·ওবা বে·এনসান হং·আ, মুয়ানা গি·সাসান রুটি দংআ, আরো আনচিং গিম্মিকান উয়া রুটি গি·সানি বাকখোন রা·আ।

2য় করিন্থীয়রাংনা 7:14

আংআ খুসি হং·জক, মুয়ানা না·সংখো রা·এ আংআ বিচা রাসং দাক্কামিং, আরো উনি হা·সেল আংনি খ্রাচা·আখো মা·ন্না নাংজাজক। উনা বাত্তে না·সংচা আগানা চিংনি গিম্মিক খাৎথা জেগিত্তা বিবি হং·আমিং, উগিত্তান তীতচা না·সংখো রা·এ চিংনি রাসং দাক্কাবা বিবিন হং·আ ইখো ফিন্নিকা হং·জক।

ইফিষীয়রাংনা 4:15

বাত্তেসা আনচিং খা·সানি গিসিকখো রা·এ খ্রীষ্টনি গিম্মিনো বিবিখো আগান্নুয়া আরো গিম্মিক গিত্তা দাল·রোরোএ খ্রীষ্ট গিত্তা হং·নুয়া। বিয়ান বে·এননি স্খুথং।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

ইফিষীয়রাংনা 4:31

মাংমেংআরাংখো ফিন্নিকা, খা·আওনাংআখো ফিন্নিকা, খা·আওনাংআ, চ্রিকে নিরিয়া-গিসিয়াখো, সাউইয়া-খা·চাআখো, আরো গিম্মিক মিকনেংআরাংখো না·সংচাখো চে·ল্লেতবো।

ইফিষীয়রাংনা 5:30

মুয়ানা আনচিং বিনি বে·এননি বাক হং·আ।

কলসীয়রাংনা 3:8

ইন্দিবা দা·আওদে খা·আওনাংআখো, মিকনেংআখো, খা·চাআ-সাউইয়াখো আরো নামগিজা খু·সুকরাংখো না·সংচানিখো চে·ল্লেতবো।

কলসীয়রাংনা 3:9

সাকসা সাকগিপ্পিনচা দা·আ বু·এ আগানাবো, মুয়ানা না·সংনি গিৎচাম ‘আংআ’খো বিনি কাম মাংগ্মাং বা·রা গিত্তা অক্কে গাল্লে না·সংদে গিত্তাল ‘আংআ’খো গানজক। ইয়া গিত্তাল ‘আংআ’ আরোবা গিত্তাল হং·রিকরিকে বিনি আৎচিয়েতগিবা জা গিত্তা হং·ইংজক, জেদাক্কে উয়া আৎচিয়েতগিবাখো না·সং চু·গিম্মিক দাক্কে হা·আইনা মা·ন্না।

1 তীমথিয় 1:10

জেরাং থি·ল্লেকা, জেরাং মি·আসা-মি·আসাস্খা মিচিক-মিচিকস্খামুং নামগিজাখো দাক্কা, জেরাং নকখল-বাদিংআনি কামখো দাক্কা, জেরাং বু·এ খু·সুক আগানা আরো বু·আখো সাক্ষি হ·ন্না, আরো জেরাং বিবিগিবা স্খিয়ানি সাক্কাও দিংথাং কামখো দাক্কা।

1 তীমথিয় 4:2

গিসিক সেল·জাজক ইন্দাকা বু·এ চা·গিবা মান্দিরাংনি বু·এ চা·আনা ইন্দাকে হং·নুয়া।

তীতনা 1:12

বিসংনি আন·থাংথাংনিন সাকসা আগানসোগিবা ইয়া খাৎথাখো আগানজক, “ক্রীট চিচাংনি মান্দিরাং ফাংনান বু·এ চা·গিবা, ব্রিংনি মাৎবুরুংরাং গিত্তা আরো আলসিয়া আরো চা·না নালগিবা হং·আ।”

তীতনা 1:2

ফাংনাজলনি জাংগিখো মা·ন্না খা·দংএ আংআ খ্রীষ্টনা দাকচাকে রি·য়াংইংজক। হা·গিলসাক হং·না স্খাংআন ইসল, জেআন বু·আখো আগানজা, বিয়া ইয়া জাংগিখো র·ন্না খু·রাচাক্কামিং।

ইব্রীয়রাংনা 12:1

ইন্দাকোদে নিকনা মা·ন্না, ইসলনা বিবিরা·না খ্রাগিবানি সাক্ষি গিত্তা বাং·আ মান্দিরাং আনচিংখো উইলউইলে দংআ। ইনি গিম্মিন হাই, আনচিং গিম্মিক চাংফেংআখো আরো জে পাপ আনচিংখো রিম·চিখাপা উখো চে·ল্লাচা জিত্তেতি মিকখাংনি খাতসুসাও চাকচিকে খাতনা।

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

পিতর 2:1

ইনি গিম্মিন গিপ্পিনরাংনি নামগিজাখো দাকনা গিম্মিক হা·সিকা, গিম্মিক বু·দাপা, বু·এ চা·আ, মিকনেংআ আরো গিম্মিক জিআনি খাৎথারাংখো না·সংনি খা·থংওনিখো হা·রিকেতবো।

ফারাকগিবা খাৎথা 21:8

ইন্দিবা চিং·গিবা ওয়া·আল আরো গন্ধকনি চিমিকও দংআন হং·নুয়া খেনগিবা, বিবিরা·গিজাগিবা, মিৎচিনা খ্রাগিবা, স·ওতগিবা, থিল·লেকগিবা, মনতল দাকগিবা, বিমাংখো অলাখিগিবা আরো গিম্মিক বু·এ চা·গিবারাংনি বন·চতগিবা অবস্থা। ইয়ান হং·জক গ্মিগিবা সিয়া।”

ফারাকগিবা খাৎথা 22:15

আচাক গিত্তা নামজাস্রাং মান্দি, মনতল দাকগিবা, থিল·লেকগিবা, স·ওতগিবা, বিমাংখো অলাখিগিবা, আরে জেরাং বুআখো নামনিকা আরো বু·আও রি·আ বিসং গিম্মিকান হা·ফালচা গা·আকে দংআ।