ইফিষীয়রাংনা 4:22 - Garo New Testament

²² না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

ইফিষীয়রাংনা 4:22 Iomraidhean Croise

রোমানরাংনা 6:6

আনচিং ইখো হা·আইয়া, আনচিংনি পাপ-বেওয়ালখো গিম্মায়েতনান আনচিংনি গিৎচাম ‘আংআ’খো খ্রীষ্টমুং চিসলো দাৎখাপজক জেদাক্কে আনচিংখো পাপনি নকখল হং·এ দংনা নাংজা;

রোমানরাংনা 7:11

মুয়ানা উয়া গি·য়েতানি চলখো রা·এ পাপ আংখো থকাইজক, আরো উয়া গি·য়েতাচান পাপ আংখো সিয়েতজক।

2য় করিন্থীয়রাংনা 11:3

ইন্দিবা উয়া চিপ্পু বিনি নামগিজা বুদ্ধিচা জেদাক্কে হবাখো থগিয়েতামিং উয়ানদাক্কে খ্রীষ্টনি গিম্মিন স্রংআ আরো রংথালা অলাখিয়াওনিখো সাবা না·সংখোবা থগিয়েতনা দংআ ইন্নে আংআ খেনমানিংআ।

গালাতীয়রাংনা 1:13

যিহূদী থরমখো মানিমিত্তিংও আংআ বাদিকে দাক্কে জাংগি মিৎথাংনুয়ামিং না·সং উখো খিন্নাজক। আরো না·সং ইখোবা খিন্নাজক, বাদিকে বিল্লংএন আংআ ইসলনি মন্ডলীরাংখো গিচ্চিয়েতনুয়ামিং আরো উখো ব·ন্নেতনা হাম·নুয়ামিং।

ইফিষীয়রাংনা 2:3

আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

ইফিষীয়রাংনা 4:17

ইনি গিম্মিন আংআ আগানিংজক, আরো গিত্তেলনি হং·এ মংসংবাত্তেন আগানিংজক- গিপ্পিন জাতরাং জেদাক্কে নামগিজা চানচিয়াও বিসংনি জাংগিখো মিৎথাংআ না·সং উগিত্তাদে জাংগিখো দা·আ মিৎথাংআবো।

ইফিষীয়রাংনা 4:25

ইনি গিম্মিন না·সং বু·আখো ওয়াতবো আরো সাকসা সাকগিপ্পিনচা বিবিখো আগানবো, মুয়ানা আনচিং গিম্মিকান সাকসা সাকগিপ্পিনমুং নাংরিমা।

ইফিষীয়রাংনা 4:31

মাংমেংআরাংখো ফিন্নিকা, খা·আওনাংআখো ফিন্নিকা, খা·আওনাংআ, চ্রিকে নিরিয়া-গিসিয়াখো, সাউইয়া-খা·চাআখো, আরো গিম্মিক মিকনেংআরাংখো না·সংচাখো চে·ল্লেতবো।

কলসীয়রাংনা 2:11

ইনাআগ্রে না·সং খ্রীষ্টমুং নাংরিমজক ইন্নে না·সংনি বিগিলখো রাত্তাবা হং·জক। মান্দিনি জাক্কো ইয়া বিগিলখো রাত্তা হং·জা, খ্রীষ্ট আন·থাংআন উখো রাতজক; আগানস্খাওদে বে·এননি সাক্কাও পাপ-বেওয়ালনি জে বিল দংআমিং উয়া বিলওনি বিয়া না·সংখো জক্কেৎজক।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

ইব্রীয়রাংনা 12:1

ইন্দাকোদে নিকনা মা·ন্না, ইসলনা বিবিরা·না খ্রাগিবানি সাক্ষি গিত্তা বাং·আ মান্দিরাং আনচিংখো উইলউইলে দংআ। ইনি গিম্মিন হাই, আনচিং গিম্মিক চাংফেংআখো আরো জে পাপ আনচিংখো রিম·চিখাপা উখো চে·ল্লাচা জিত্তেতি মিকখাংনি খাতসুসাও চাকচিকে খাতনা।

ইব্রীয়রাংনা 3:13

ইনা বাত্তে জেনসালোনা দিপ্পাৎ রংথালগিবা শাস্ত্রনি ‘দা·আল’ খাৎথাখো আগান্না মা·ন্না, উনি সালরিক্ষিতান না·সং সাকসা সাকগিপ্পিননা খা·দংএতবো, জেদাক্কে না·সংনি দারাংনি গিসিক পাপনি বু·দাপাও গা·আকে রাকজা;

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

যাকোব 1:26

সাবা আন·থাংখো থরম দাকগিবা ইন্নে চানচিওদে ইন্দিবা আন·থাংনি স্রিবাক্‌খো সিমসাকে রা·রিকজাওদে বিয়া আন·থাংখো থগিয়া। উনো বিনি থরম দাক্কারাং বু·আনি হং·আ।

পিতর 1:18

না·সং হা·আইয়া, জাংগিনি রামাও রি·না না·সংনি ফাগিৎচামরাংচাখো মান·গিবা নামগিজা বেওয়ালরাংওনি সোনা বা রূপা গিত্তা দাক্কে চা·ম্মে ব·ন্নাংগিবা মামুং জিনিসচা না·সংখো জক্কেৎজাজক;

পিতর 4:3

জেরাং ইসলখো হা·আইজা বিসং গিত্তা না·সংবা স্খাংওদে নামজাস্রাংখো দাক্কে, নামগিজা হা·সিকারাংও দংএ, চু ফেক্কে, জেজাকবিয়ে চু রিংএ আরো চা·এ-রিংএ আরো মিৎচিয়ানি মিত্তে বিমাংখো হামুয়ে বাং·আ সময় রি·য়াংএতনুয়ামিং।

২ পিতর 2:13

বিসংনি নামগিজা কামনি মা·ন্না গিত্তা বিসং দুকখো চাকনুয়া। ইয়া মান্দিরাং সালো চা·গ্রিম-রিংগ্রিমাও জেজাকে চু রিংএ হান·সেংআখো মা·ন্না। জেনসালো বিসং না·সংমুং চা·না আসংফা উনো জেজাকে চু রিংরিরিকে বিসংনি নামগিজা হা·সিকাও বিসং উয়া চা·আ-রিংআনি গিসেপো খ্রাচা·আ আরো মান্দিরা·গিজানিখো রা·বাআ।

২ পিতর 2:7

ইন্দিবা লোটখো বিয়া রাক্ষিয়ামিং। লোট ইসলখো অলাখিগিবা মান্দি হং·আমিং। উনি নিয়ামখো মানিগিজাগিবা মান্দিরাংনি নামগিজানা বিয়া দুক মা·ন্নুয়ামিং।