ইফিষীয়রাংনা 4:21 - Garo New Testament

²¹ না·সং বিনি গিম্মিন খিন্নামিং, আরো বিমুং নাংরিমে বিনি গিসেপো জে বিবি দংআ উগিত্তা স্খিয়াখো মা·ন্নামিং।

ইফিষীয়রাংনা 4:21 Iomraidhean Croise

মথিনি চকগিবা নাম্মা খাৎথা 17:5

পিতরনি খাৎথা আগানমিত্তিংও চিং·গিবা গাদিলা খানসা রি·বাএ বিসংখো সালাখিমদাপজক। উয়া গাদিলাওনি ইয়া খু·রাংখো খিন্নানা মান·জক, ‘‘ইয়ান আংনি খা·সাগিবা দেফান্থি, জেও আংআ খুসি হং·বিয়া। না·সং বিনি খাৎথাখো খিন্নাচাকবো।’’

লূকনি চকগিবা নাম্মা খাৎথা 10:16

যীশু দা·আবা আন·থাংনি জা·রিকগিবারাংনা আগানজক, “না·সংনি খাৎথাখো খিন্নাচাকগিবা আংনি খাৎথাখোন খিন্নাচাক্কা। না·সংখো জিচাকগিবা আংখোন জিচাকা। আংখো জিচাকগিবা আংখো ওয়াত্তেতগিবাখোন জিচাক্কা।”

যোহননা 1:17

মোশিচা নিয়ামরাংখো হ·ন্নামিং, ইন্দিবা যীশু খ্রীষ্টচা খা·সাচাক্কা আরো বিবি রি·বাজক।

যোহননা 10:27

আংনি মেষরাং আংনি খু·রাংখো খিন্নাচাক্কা। আংআ উরাংখো হা·আইয়া আরো উরাং আংখো জা·রিকা।

যোহননা 14:17

উয়া দাকচাকগিবান বিবিনি গিসিক হং·আ। হা·গিলসাকনি মান্দিরাং বিখো রা·চাকনা মান·জা, মুয়ানা বিসং বিখো নিকজা আরো বিখো হা·আইয়াবা হা·আইজা। ইন্দিবা না·সং বিখো হা·আইয়া, মুয়ানা বিয়া না·সংমুং দংআ আরো না·সংনি খা·থংও দংনুয়া।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

রোমানরাংনা 10:14

ইন্দিবা জেখো বিসং বিবিরা·জাজক বিখো বাদিকে দাক্কে রিক্কামনুয়া? জেনি গিম্মিন বিসং খিন্নাখুজা বিখো বিসং বাদিকে দাক্কে বিবিরা·নুয়া? আগানফ্রাকগিবা দংজাওদে বিসং বাদিকে দাক্কেবা খিন্নানুয়া?

2য় করিন্থীয়রাংনা 1:20

বিয়া ফাংনান “হো·এ” হং·আ। ইসলনি গিম্মিক খু·রাচাক্কা খ্রীষ্টও “হো·এ” ইন্নে আগানা। উনি গিম্মিন ইসলনি রাসংনা খ্রীষ্টও আনচিং “আমেন” ইন্নে আগানা।

2য় করিন্থীয়রাংনা 11:10

আংও খ্রীষ্টনি জে বিবি দংআ উগিত্তা আংআ আগান্না, আখায়া হা·দকনি মামুং হা·দামওন আংনি ইয়া রাসং দাক্কাখো দারাংবা দনচাংএতনা মান·জানুয়া।

ইফিষীয়রাংনা 1:13

আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

ইফিষীয়রাংনা 2:17

না·সং জেরাং চে·ল্লাচা দংআমিং আরো বিসং জেরাং সেফাংও দংআমিং, দিমদাকচান বিয়া রি·বাএ থম·থমানি নাম্মা খাৎথাখো আগানফ্রাকামিং।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

কলসীয়রাংনা 1:6

ইয়া নাম্মা খাৎথা হা·গিলসাক গিম্মিকও গিপ্পাংএ বিথি নাংইংজক আরো সালনিসাল বাতরোরোংজক। জেনসালো না·সং ইয়া নাম্মা খাৎথাখো খিন্নাজক আরো ইসলনি খা·সাচাক্কাখো হা·আইবিবিজক উনসালোনি উয়া না·সংওবা উয়ানদাক্কেন কাম দাক্কিংজক।

কলসীয়রাংনা 2:7

খ্রীষ্টও জা·দিল সু·এ নাপ্পে বিনি গিসেপোন না·সং দাল·রোরোবো। না·সং স্খিয়াখো মা·ন্নে জেখো বিবিরা·জক উয়ো খেম·খেমে দংবো আরো ইসলখো সালাজ্রিং মিৎথেলে দংবো।

1 যোহন 5:20

আনচিং আরোবা হা·আইয়া, ইসলনি দেফান্থি রি·বাএ আনচিংনা হা·আইয়ানি বিলখো হন·জক জেদাক্কে বিবিগিবা ইসলখো আনচিং হা·আইনা মা·ন্না। জেআন বিবিগিবা ইসল আনচিং বিমুং নাংরিমা, আগানস্খাওদে বিনি দেফান্থি যীশু খ্রীষ্টমুং নাংরিমা। বিয়ান চং·মতগিবা ইসল আরো বিয়ান ফাংনাজলনি জাংগি।