ইফিষীয়রাংনা 4:2 - Garo New Testament

² না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

ইফিষীয়রাংনা 4:2 Iomraidhean Croise

মথিনি চকগিবা নাম্মা খাৎথা 11:29

আংনি জোয়ালখো না·সংনি সাক্কাও গাত্তে রা·বো আরো আংচানিখো স্খিবো, মুয়ানা আংআ গিসিক নম·গিবা আরো রিন্নকগিবা হং·আ।

মার্ক 9:19

যীশু উনো আগানজক, ‘‘বিবিরা·গিজাগিবা মান্দিরাং! আংআ বাসিক সালসা না·সংমুং দংনুয়া? বাসিক না·সংনা চাকচিকনুয়া? বি·সাখো আংচানা রা·বাবো।’’

ওয়াত্তেতারাংনা 20:19

যিহূদীরাংনি বাং·এ খু·চিংআনি গিম্মিন আংখো রুরাআও গা·আকনা নাংআমিং, ইন্দিবা আংআ নাম্মেন সনথল দাক্কে মিক্‌চি গাল্লে গিত্তেলনি নকখল হং·এ বিনা দাকচাকে হন·জক।

রোমানরাংনা 15:1

আনচিং বিবিরা·আও বিল্লাকগিবারাং আনচিং আন·থাংথাংনি নামনিকাখো দাকগিজা বিবিরা·আও বিলগ্রিরাংখো চাকচিকনা নাংআ।

1ম করিন্থীয়রাংনা 13:7

খা·সা গিম্মিকখোন চাক্কা, গিম্মিকখোন বিবিরা·না হা·ম্মা, গিম্মিকো খা·দংআ আরো গিম্মিক অবস্থাওন খেম·খেম দংআ।

গালাতীয়রাংনা 6:2

না·সং সাকসা সাকগিপ্পিননি বোজাখো রিপ্পিএ রা·বো। ইন্দাকেন না·সং খ্রীষ্টনি নিয়ামখো মানিনা মা·ন্নুয়া।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

কলসীয়রাংনা 1:11

ইন্দাকে হং·না মা·ন্না, মুয়ানা ইসল বিনি বিল গিম্মিকচা না·সংখো বিল্লাকেতিংজক জেদাক্কে সালাজ্রিং না·সং হান·সেংএ চাকচিকে গিম্মিকখো চাক্কা আরো ফাগিবা ইসলখো মিৎথেলা। সেং·আনি সংনকো ইসলনি মান্দিরাং জে বিলখো মা·ন্নুয়া উখো মান·রিকনা বিয়া না·সংখো খ্রাগিবা দাকজক,

1 তীমথিয় 6:11

ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

2 তীমথিয় 2:25

জেরাং বিনি সাক্কাও চাদেংআ বিসংখো বিনি রিন্নকে স্খিএতনা নাংনুয়া। উয়া স্খিয়াখো বিয়া জেদাক্কে ইখো খা·দংএ হ·ন্না, ইসল বিসংনি গিসিকখো ফি·ল্লেতানি চলখো হ·ন্নুয়া জেদাক্কে ইসলনি বিবিখো বিসং নিং·থুয়ে হা·আইনা মা·ন্না। আনচিংনি

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

পিতর 3:15

বাত্তেসা খ্রীষ্টখো না·সংনি খা·থংও গিত্তেল দাক্কে হা·দাম রন·বো। না·সংনি খা·দংআনি গিম্মিনো সাবা সিং·ওদে বিনা আগানচাকনা ফাংনান থারিয়ে দংসোবো, ইন্দিবা ইন্দাকে আগানচাক্কাখো সনথল দাক্কে আরো খা·ফাকে রন·বো।

পিতর 3:8

বন·চতাও আগান্না, না·সংনি গিম্মিকনি গিসিক আপসান হং·খানা। না·সং সাকসা সাকগিপ্পিননি দুকও দুক মান·ফাবো, জংআদা গিত্তা খা·সানি গিসিকখো রা·রিকবো আরো খা·সাচাকবো আরো সনথল হং·বো।