ইফিষীয়রাংনা 4:19 - Garo New Testament

¹⁹ বিসংনি চানচিয়া গক্কা হং·জক, উনি হা·সেল খা·নামগিজা হা·সিকাখো রা·এ মারাং নাংগিবা গিম্মিক কামরাংখো দাকনা বিসং লাগামগ্রি হা·সিকাও আন·থাংথাংখো ওয়াত্তেতজক।

ইফিষীয়রাংনা 4:19 Iomraidhean Croise

মার্ক 7:22

মাদ্দুয়া, গিপ্পিননা নামগিজাখো দাকনা হা·ম্মা, দাক্কামব্রুআ, হা·সিগিজা দাক্কা, মিক্‌নেংআ, সাউইয়া, রাসং দাক্কা আরো চন্নিকা, সেল·গিজা দাক্কা হং·খাতবাআ।

ইফিষীয়রাংনা 4:17

ইনি গিম্মিন আংআ আগানিংজক, আরো গিত্তেলনি হং·এ মংসংবাত্তেন আগানিংজক- গিপ্পিন জাতরাং জেদাক্কে নামগিজা চানচিয়াও বিসংনি জাংগিখো মিৎথাংআ না·সং উগিত্তাদে জাংগিখো দা·আ মিৎথাংআবো।

কলসীয়রাংনা 3:5

উনি গিম্মিন না·সংনি পাপ-বেওয়ালও দংগিবারাংখো ব·ন্নেতবো। উয়ো থি·ল্লেকারাং, মারাং নাংআরাং, নামগিজা হা·সিকারাং আরো মাদ্দুয়ারাং দংআ জেখো মিত্তে বিমাংখো অলাখিয়া ইন্নেবা আগান্না মা·ন্না।

1 তীমথিয় 4:2

গিসিক সেল·জাজক ইন্দাকা বু·এ চা·গিবা মান্দিরাংনি বু·এ চা·আনা ইন্দাকে হং·নুয়া।

পিতর 4:3

জেরাং ইসলখো হা·আইজা বিসং গিত্তা না·সংবা স্খাংওদে নামজাস্রাংখো দাক্কে, নামগিজা হা·সিকারাংও দংএ, চু ফেক্কে, জেজাকবিয়ে চু রিংএ আরো চা·এ-রিংএ আরো মিৎচিয়ানি মিত্তে বিমাংখো হামুয়ে বাং·আ সময় রি·য়াংএতনুয়ামিং।

২ পিতর 2:22

বিসংনি গিম্মিনো ইয়া আগানজ্রিংগিবা খাৎথা বিবি হং·জক, “আছাক আন·থাংনি ওয়াকগাল্লাচাবাক্কা নিফিলা,” আরো “ওয়াকখো হাবুএতোবা উয়া হা·দুবেকও থুরিমরিমা।”

যিহূদা 1:11

হং·সিখানা উয়া মান্দিরাংনা! বিসং কয়িননি রামাচানা রি·য়াংজক, মান·দাপনা ইন্নে বিলিয়মনি ব্রাংআও আন·থাংথাংখো ফাকওয়াতজক আরো কোরহ গিত্তা বোবিল দাক্কে ব·ন্নাংজক।

ফারাকগিবা খাৎথা 18:3

মুয়ানা উয়া উনি থিল·লেকানি চুখো গিম্মিক জাতনান রিংনা হন·জক। হা·গিলসাকনি রাজারাং উমিং থিল·লেকজক, আরো হা·গিলসাকনি বাদিংগিবারাং উনি লাগামগ্রি হা·সিকাচা নকমা হং·জক।”