ইফিষীয়রাংনা 4:18 - Garo New Testament

¹⁸ বিসংনি গিসিক আন্দালাও গা·আকে দংআ। খা·থং রাক্কা ইন্নে বিসং ইসলনি গিম্মিনো মামুংখো হা·আইজা, আরো উনি গিম্মিন ইসলনি রন·গিবা জাংগিওনি বিসং বাং·এ চে·ল্লাও দংআ।

ইফিষীয়রাংনা 4:18 Iomraidhean Croise

মথিনি চকগিবা নাম্মা খাৎথা 13:15

ইন্দাকগিবা মান্দিরাংনি খা·থং গক্কা হং·জক আরো নাচিল মিৎথিপজক, আরো বিসং আন·থাংথাংনি মিক্রোনখোবা মিকচিপে দনজক, জেদাক্কে বিসং মিক্রোনচা নিকনা মান·জা, নাচিলচা খিন্নাজা আরো খা·থংচা হা·আইজা, আরো নামনা ইন্নে আংচা রি·বাফিলনা মান·জা।

মার্ক 3:5

যীশু উনো খা·আওনাংএ বিসংচা নিএতজক আরো বিসংনি খা·থং রাক্কানা নাম্মেন দুক্‌ মা·ন্নে উয়া মান্দিখো আগানজক, ‘‘নাং·নি জাকখো সিল্লেতবো।’’ উয়া মান্দি জাকখো সিল্লে হ·ন্নানি জা·মানোন উনি জাকবা নামস্রাংজক।

যোহননা 12:40

“ইসল বিসংনি মিক্রোনরাংখো মিকগ্রি দাক্কেতজক আরো খা·থংরাংখো গক্কা দাক্কেতজক, জেদাক্কে বিসং মিক্রোনচা নিকজা আরো খা·থংচা হা·আইজা, আরো নামনা ইন্নে বিচানা রি·বাফিলজা।”

ওয়াত্তেতারাংনা 17:30

চেংও মান্দিরাং হা·আইজামিং ইন্নে ইসল ইরাংখো নিক্কেবা নিকজা। ইন্দিবা দা·আওদে বিয়া গিম্মিক হা·দামচা মান্দি গিম্মিকখো পাপওনি গিসিক ফিল·খানা গি·য়েতিংজক,

ওয়াত্তেতারাংনা 3:17

“দা·আও জংআদারাং, না·সংনি দাল·গিবারাং গিত্তা না·সংবা হা·আইগিজান যীশুখো চিসলো দাৎখাপামিং।

রোমানরাংনা 1:28

ইন্দাকে মান্দি ইসলখো মানিনা হাম·জানি গিম্মিন ইসলবা পাপও গাপ্পা গিসিকনি জাক্কো বিসংখো ওয়াত্তেতজক, আরো উনি হা·সেলান মান্দি খ্রাগিজা কামখো দাক্কিংআ।

রোমানরাংনা 11:25

জংআদারাং, না·সং আন·থাংথাংখো হা·আইগিবা ইন্নে চানচিজাখানা আংআ না·সংনা মিংসা সিউল দনগিবা বিবিখো হা·আইএতি দন্না হা·ম্মিংআ। উয়াদে ইয়ান- গিপ্পিন জাতরাংনি চু·সকগিজানা দিপ্পাৎ ইস্রায়েলনি বাং·আ মান্দিরাংনি খা·থং রাক্কেন দংনুয়া।

রোমানরাংনা 11:7

ইন্দাকোদে হা·আইনা মা·ন্না, ইস্রায়েলনি মান্দিরাং জেখো মা·ন্না হা·ম্মামিং উখো বিসং মান·জাজক, ইন্দিবা ইসল জেরাংখো বাচ্ছিয়ে দন্নামিং বিসংআন উখো মান·জক, আরো সাকগিপ্পিনরাংনি খা·থংদে রং·থি গিত্তা রাকজক।

রোমানরাংনা 2:19

না·আ মিকগ্রিরাংনা রামা ফিন্নিকিংজক ইন্নে না·আ চানচিয়া। জেরাং আন্দালাও দংআ বিসংচা না·আ সেং·আ গিত্তা হং·আ ইন্নে না·আ চানচিয়া।

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

1ম করিন্থীয়রাংনা 2:8

ইয়া চাসংনি দাল·গিবারাংও সাকসাবা উখো হা·আইজাজক; হা·আইওদে উয়া রাসং গাপগিবা গিত্তেলখো চিসলো দাৎখাপজানুয়ামিং।

2য় করিন্থীয়রাংনা 3:14

ইন্দিবা উয়া মান্দিরাংনি গিসিক রাকজকমিং। উনি গিম্মিন দা·আওবা উয়া গিৎচাম খু·রাচাক্কাখো পড়িজোকনো বিসংনি খা·থংনি সাক্কাও উয়ানদাকগিবা পর্দা দংআরিয়ান, মুয়ানা খ্রীষ্টমুং নাংরিমে দংওসান উয়া পর্দা জিত্তাংআ।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

গালাতীয়রাংনা 4:8

স্খাংও জেনসালো না·সং ইসলখো হা·আইজামিং উনো না·সং জেরাংনা দাকচাকে র·ন্নামিং উরাং মামুং মিত্তেআন হং·জা।

ইফিষীয়রাংনা 2:1

বামগিজানা আরো পাপনি হা·সেল না·সং সিগিবামিং।

ইফিষীয়রাংনা 2:12

গিসিক রা·রিকবো, স্খাংও না·সং খ্রীষ্টওনি দিংথাং দংআমিং; ইস্রায়েল জাতনি জে বিল দংআ না·সং উয়া বিলনি হা·ফালও দংআমিং; ইস্রায়েল জাতনা ইসল জে গি·সা গি·গ্মি খু·রাচাক্কাগ্মাং নিয়ামখো দাক্কামিং উমুং না·সংনি মামুং নাংরিমা দংজামিং; না·সংনি মামুং খা·দংআ দংজামিং; আরো ইয়া হা·গিলসাকো না·সং ইসলগ্রিন দংআমিং।

কলসীয়রাংনা 1:21

সালসাদে না·সং ইসলচানি চে·ল্লে দংআমিং আরো বিনি সাক্কাও না·সংনি গিসিকো বোবিল দাক্কা দংআমিং। না·সংনি নামগিজা কামরাংও উয়া ফারাকা হং·জক।

ইব্রীয়রাংনা 5:2

জেরাং হা·আইগিজা পাপ দাক্কা আরো ব্রাংআ রামাচা রি·য়াংআ বিসংমুং বিয়া সনথল বেওয়ালখো দাকনা মা·ন্না, মুয়ানা বিনি গিসেপোবা বিলগ্রি হং·আনি দংআ।

ইব্রীয়রাংনা 9:7

ইন্দিবা গ্মিগিবা বাকও, আগানস্খাওদে রংথালবাৎগিবা হা·দামও খামাল দাল·বাৎগিবাসান নাপনুয়ামিং। বিলসিও রাং·সাসান বিয়া বলি হন·গিবা মাৎবুরুংনি হান·চিখো রা·এ উয়ো নাপনুয়ামিং। বিনি আন·থাংনি পাপনি হা·সেলো আরো মান্দিরাং হা·আইগিজা জে পাপরাংখো দাক্কা উনি গিম্মিনো বিয়া ইয়া হান·চিখো হন·চাকনুয়ামিং।

যাকোব 4:4

বিবিরা·গিজাগিবা মান্দিরাং! হা·গিলসাকনি রিপ্পেং হং·আদে ইসলনি বোবিল হং·আ, ইখো না·সং হা·আইজামা? উনি গিম্মিন জে মান্দি হা·গিলসাকনি রিপ্পেং হং·না হা·সিকা বিয়াদে আন·থাংখো ইসলনি বোবিল দাক্কে থারিয়ে রা·আ।

পিতর 1:14

ইসলনি নিং·আও বাম্মে দংগিবা বি·সা গিত্তা না·সং না·সংনি স্খাংনি নামগিজা হা·সিকা গিত্তা জাংগিখো দা·আ মিৎথাংআবো; উনোদে না·সং ইসলখো হা·আইজামিং।

1 যোহন 2:11

ইন্দিবা জেআন বিনি জংআদানা মিৎচিয়া বিয়া আন্দালাও দংআ আরো আন্দালাওন রি·ইংজক। বিয়া হা·আইজা বিয়া বাচ্চা রি·য়াংইংআ, মুয়ানা আন্দালা বিনি মিক্রোনখো মিকগ্রি দাক্কেতজক।