ইফিষীয়রাংনা 4:17 - Garo New Testament

¹⁷ ইনি গিম্মিন আংআ আগানিংজক, আরো গিত্তেলনি হং·এ মংসংবাত্তেন আগানিংজক- গিপ্পিন জাতরাং জেদাক্কে নামগিজা চানচিয়াও বিসংনি জাংগিখো মিৎথাংআ না·সং উগিত্তাদে জাংগিখো দা·আ মিৎথাংআবো।

ইফিষীয়রাংনা 4:17 Iomraidhean Croise

লূকনি চকগিবা নাম্মা খাৎথা 16:28

জেদাক্কে বিয়া আংনি সাকবংআ জংগিবারাংখো সিমসাকেতনা মা·ন্না; ইন্দাকজাওদে বিসংবা ইয়া দুকনি হা·দামওনা রি·বানুয়া।’

ওয়াত্তেতারাংনা 14:15

“রিপ্পেংরাং, না·সং মুয়ানা ইন্দাকে দাক্কিংআ? চিংআদে মান্দি মা·মাংসা, না·সং গিত্তান চিংনি গিসিক দাক্কা। চিংআ না·সংচা নাম্মা খাৎথাখো আগানফ্রাকিংআ জেদাক্কে না·সং ইন্দাকা নামগিজারাংখো ওয়াত্তে থাংগিবা ইসলওনা ফি·ল্লা। বিয়ান সিলগা, হা·গিলসাক, সাগাল আরো উরাংনি গিসেপো দংগিবা গিম্মিকখোন থারিজক।

ওয়াত্তেতারাংনা 18:5

সীল আরো তীমথিয় ম্যাসিডোনিয়াওনি রি·বানি জা·মানো পৌল ইসলনি খাৎথাখো আগানফ্রাকেন সালখো রি·য়াংএতনা হা·বাচেংজক। যীশুন খ্রীষ্ট ইন্নে বিয়া যিহূদীরাংচা সাক্ষি হ·ন্নুয়ামিং।

ওয়াত্তেতারাংনা 2:40

ইনাআগ্রেবা বাং·আ খাৎথারাংখো আগানে পিতর সাক্ষি হ·ন্না হা·বাচেংজক। বিয়া বিসংনা ইন্দাকে আগানে হা·আইএতনা হাম·জক, “ইয়া চাসংনি গিসিকগ্রি মান্দিরাংওনিখো আন·থাংথাংখো জক্কেৎবো।”

ওয়াত্তেতারাংনা 20:21

যিহূদী আরো গ্রীকরাংচা আংআ মংসংবাত্তে আগানজক, পাপওনি গিসিকখো ফি·ল্লেতি ইসলচানা বিসংনি ফিল·না নাংনুয়া আরো আনচিংনি গিত্তেল যীশুখো বিবিরা·না নাংনুয়া।

রোমানরাংনা 1:21

মান্দি বিখো হা·আইনা মা·ন্নেবা ইসল ইন্নে বিনি রাসংখোবা দাকজা, বিনা মিৎথেলাখোবা হন·জা। বিসংনি চানচিয়ানি বিল সকজাজক আরো বিসংনি বুদ্ধিগ্রি খা·থং আন্দালাও গাপজক।

1ম করিন্থীয়রাংনা 1:12

আংআ ইয়া খাৎথাখো আগান্না হা·ম্মিংআ, না·সংনি গিসেপো সাবা আগানা, “আংআ পৌলনি দলনি”; সাবা আগানা, “আংআ আপল্লোনি দলনি”; সাবা আগানা, “আংআ পিতরনি দলনি”; দা·আবা সাবা আগানা, “আংআ খ্রীষ্টনি দলনি।”

1ম করিন্থীয়রাংনা 15:50

জংআদারাং, আংআ জেখো আগানিংআ উয়া ইয়ান- মান্দি বিনি বে·এন-হান·চিখো রা·এ ইসলনি সংনকখো মান·রিকগিবা হং·না মান·জা। জেআন নাসিনুয়া উয়া ইন্দাকা মামুংনি মান·রিকগিবা হং·না মান·জা জেআন নাসিজানুয়া।

2য় করিন্থীয়রাংনা 9:6

গিসিক দনবো, জেআন বিৎচ্রিখো অকখিসা গোওয়া বিয়া মিবিথিখো অকখিসান রাতনুয়া আরো জেআন বিৎচ্রিখো বাং·এ গোওয়া বিয়া মিবিথিখো বাং·এ রাতনুয়া।

গালাতীয়রাংনা 3:17

আংনি খাৎথানি অর্থ হং·জক, ইসল অব্রাহামনি সময়ও খু·রাচাকগিবা গি·সা নিয়ামখো র·ন্নামিং। উনি বিলসি রিৎচাব্রি খলাৎচিনি জা·মানো নিয়ামখো র·ন্নামিং, ইন্দিবা ইনি হা·সেল স্খাংনি উয়া খু·রাচাক্কাখো গালজাজক; ইনি গিম্মিন বিনি খু·রাচাকগিবান দংআরিজক।

গালাতীয়রাংনা 5:3

আংআ দা·আবা গিম্মিকচা ইন্দাকে সাক্ষি র·ন্নিংআ, জেনি বিগিল রাত্তা হং·আ বিয়া নিয়াম গিম্মিকখো মানিনা নাংআ।

ইফিষীয়রাংনা 1:22

গিম্মিকখো ইসল খ্রীষ্টনি জা·চক নিং·আও দনজক আরো বিনা গিম্মিকনি বিলখো রন·জক, আরো বিখোন মন্ডলীনি স্খু দাক্কে বাচ্ছিয়ে রা·জক।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

কলসীয়রাংনা 2:18

আন·থাংথাংনি বে·এনখো দুক হ·ন্না আরো সা·গ্রেরাংখো অলাখিনা নাংআ ইন্নে জেরাং চানচিয়া বিসং জেদাক্কে না·সংনি বকসিসখো মা·ন্নাও চাংফেংজা। ইন্দাকগিবা মান্দি জেখো নিকজক ইন্নে দাকমিকা উনি গিম্মিনো দা·ল্লা দা·ল্লা খাৎথাখো আগানা আরো ইন্দাকারিন গাং·বিংআ, মুয়ানা বিসংনি গিসিক পাপ-বেওয়ালনি নিং·আও হং·আ।

কলসীয়রাংনা 2:4

আংআ না·সংনা ইয়া খাৎথাখো আগানিংজক জেদাক্কে দারাংবা গিসিক ব্রাংএতানি খু·ফারাংচা না·সংখো ব্রাংগিবা রামাচা রা·আংজাখানা।

1 থিষলনীকী 4:6

ইনি গিম্মিনো অন্যায় দাক্কে সাকসা দা·আও সাকসা জংআদাখো থকাইজাখানা। চিংআ স্খাংআন না·সংনা আগানজক আরো সিমসাকেতজক, ইন্দাকা অন্যায়রাংনা গিত্তেলান শাস্তি হ·ন্নুয়া,

1 তীমথিয় 5:21

ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

1 তীমথিয় 6:13

ইসল জেআন গিম্মিকনা জাংগিখো হ·ন্না আরো খ্রীষ্ট যীশু, জেআন পন্তীয় পিলাতনি মিকখাংও বিবিনি গিম্মিনো সাক্ষি হ·ন্নামিং, উয়া ইসল আরো খ্রীষ্ট যীশুনি মিকখাংও আংআ নাং·না ইখো গি·য়েতিংজক-

2 তীমথিয় 4:1

খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

পিতর 1:18

না·সং হা·আইয়া, জাংগিনি রামাও রি·না না·সংনি ফাগিৎচামরাংচাখো মান·গিবা নামগিজা বেওয়ালরাংওনি সোনা বা রূপা গিত্তা দাক্কে চা·ম্মে ব·ন্নাংগিবা মামুং জিনিসচা না·সংখো জক্কেৎজাজক;

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।