ইফিষীয়রাংনা 4:15 - Garo New Testament

¹⁵ বাত্তেসা আনচিং খা·সানি গিসিকখো রা·এ খ্রীষ্টনি গিম্মিনো বিবিখো আগান্নুয়া আরো গিম্মিক গিত্তা দাল·রোরোএ খ্রীষ্ট গিত্তা হং·নুয়া। বিয়ান বে·এননি স্খুথং।

ইফিষীয়রাংনা 4:15 Iomraidhean Croise

যোহননা 1:47

যীশু নথনেলখো আন·থাংচানা রি·বাখো নিক্কে বিনি গিম্মিনো আগানজক, “হাইওয়া নিবো, ইস্রায়েলনি সাকসা খাকখেৎগিবা মান্দি। বিনি গিসিকো বু·আ দংজা।”

রোমানরাংনা 12:9

খা·সাও বু·এ চা·আ দংজাখানা। নামগিজাখো মিৎচিবো; নামগিবাখো রাক্কে রি·ম্মে রা·রিকবো।

1ম করিন্থীয়রাংনা 11:3

আংআ ইখোন হা·ম্মা জেদাক্কে না·সং হা·আইনা মা·ন্না, খ্রীষ্টন সাকগিম্মিক মি·আসানি স্খুথং, সেগিবা বিনি জিকগিবানি স্খুথং, আরো ইসল খ্রীষ্টনি স্খুথং হং·আ।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

2য় করিন্থীয়রাংনা 8:8

ইখো আংআ গি·য়েতিংজক ইন্দাকেদে হং·জা, ইন্দিবা গিপ্পিনরাংনি গিসিক নাংআনি খাৎথাখো না·সংনা আগানে আংআ পরীক্ষা দাক্কে নিনা হা·ম্মা না·সংনি খা·সা বাসিক খাকখেৎ হং·আ।

ইফিষীয়রাংনা 1:22

গিম্মিকখো ইসল খ্রীষ্টনি জা·চক নিং·আও দনজক আরো বিনা গিম্মিকনি বিলখো রন·জক, আরো বিখোন মন্ডলীনি স্খু দাক্কে বাচ্ছিয়ে রা·জক।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ইফিষীয়রাংনা 2:21

খ্রীষ্টমুং নাংরিমে দংআনি হা·সেল দালাননি বাক গিম্মিক আপসান হং·এ গিত্তেলনি দংআনি গি·সা রংথালা নক রিক্কা হং·ইংজক।

ইফিষীয়রাংনা 4:25

ইনি গিম্মিন না·সং বু·আখো ওয়াতবো আরো সাকসা সাকগিপ্পিনচা বিবিখো আগানবো, মুয়ানা আনচিং গিম্মিকান সাকসা সাকগিপ্পিনমুং নাংরিমা।

ইফিষীয়রাংনা 5:23

মুয়ানা খ্রীষ্ট জেদাক্কে মন্ডলীনি স্খোথং হং·আ, আগানস্খাওদে বিনি বে·এননি স্খু, উয়ানদাক্কে সেগিবাবা জিকথাংনি স্খু হং·আ। ইনা আগ্রেবা খ্রীষ্টন ইয়া বে·এননি জক্কেৎগিবা হং·আ।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

পিতর 2:2

দা·আও মা·মাং আৎচিজক ইন্দাকগিবা বি·সা গিত্তা না·সংনি গিসিকনি বাতরোরোআনি গিম্মিন খাকখেৎ সকচিখো মা·ন্না ইন্নে না·সং নাম্মেন হা·সিকমানচাবো, জেদাক্কে উচা বাতরোরোএ না·সং জক্কানি চু·সকাওনা সকনা মা·ন্না।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

1 যোহন 3:18

বি·সারাং, আনচিং জেদাক্কে খু·সুকনাসান খা·সাখো ফিন্নিকগিজা কামচা চং·মত খা·সাখো ফিন্নিকা।