ইফিষীয়রাংনা 4:13 - Garo New Testament

¹³ ইনি মিকসংআ হং·জক, জেদাক্কে আনচিং গিম্মিকান ইসলনি দেফান্থিখো বিবিরা·এ আরো বিখো নাম্মেদাক্কে হা·আইনা মা·ন্নে আপসান হং·আ; আরো খ্রীষ্ট জেদাক্কে গিম্মিক গুণও চু·সকগিবা হং·আ, আনচিংবা জেদাক্কে উগিত্তান গিম্মিক গুণও চু·সকগিবা হং·আ। উনোদে আনচিং আরবা বি·সা গিত্তা দংজানুয়া।

ইফিষীয়রাংনা 4:13 Iomraidhean Croise

মথিনি চকগিবা নাম্মা খাৎথা 11:27

‘‘দিমদাকখোন আংনি আপফা আংনি জাক্কো হন·জক। ফাগিবানা আগ্রে দেফান্থিখো দারাংবা হা·আইজা আরো দেফান্থিনা আগ্রে ফাগিবাখো সাকসাবা হা·আইজা, আরো দেফান্থি জেচা ফাগিবাখো ফারাকেতনা হা·ম্মা উয়ান বিখো হা·আইনা মা·ন্না।

যোহননা 1:16

আনচিং দিমদাকান বিনি উয়া গাপসুয়াকাওনিখো খা·সাচাক্কানি সাক্কাও দা·আবা খা·সাচাক্কাখো মান·জক।

যোহননা 16:3

বিসং ইন্দাকে দাকনুয়া মুয়ানা বিসং ফাগিবাখোবা হা·আইখুজা, আংখোবা হা·আইখুজা।

যোহননা 17:21

আপফা, না·আ জেদাক্কে আংমুং দংফা আরো আংআ নাং·মুং দংফা উয়ানদাক্কেন বিসংবা আনচিংমুং দংফাখানা। উনোদে না·আন আংখো ওয়াত্তেতজক, ইন্নে হা·গিলসাকনি মান্দিরাং বিবিরা·না মা·ন্নুয়া।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 6:69

চিংআ বিবিরা·জক আরো হা·আইনাবা মান·জক, না·আন ইসলনি উয়া রংথালগিবা মান্দি হং·আ।”

ওয়াত্তেতারাংনা 4:32

খ্রীষ্টও বিবিরা·গিবারাং গিম্মিকান গিসিক আরো খা·থংচা আপসান হং·আমিং। মামুংখোন বিসং আন·থাংনি ইন্নে ইনজানুয়ামিং ইন্দিবা গিম্মিকখোন আন·থাংথাংনি নাংআ গিত্তা জাকখালনুয়ামিং।

1ম করিন্থীয়রাংনা 1:10

জংআদারাং, আনচিংনি গিত্তেল যীশু খ্রীষ্টনি হং·এ আংআ না·সংখো নাম্মেন মল·মলিংজক, না·সং গিম্মিকান আপসান হং·রিমবো। না·সংনি গিসেপো মা·আৎগ্রিকানি দংজাখানা, বাত্তেসা না·সং গিসিকসান আরো চানচিয়াসান হং·বো।

1ম করিন্থীয়রাংনা 14:20

জংআদারাং, বি·সারাং গিত্তা দা·আ চানচিয়াবো। নামগিজারাংনি গিম্মিনো না·সংনি গিসিক বি·সারাং গিত্তা স্রংখানা, ইন্দিবা চানচিয়াও না·সং জা·দালগিবা হং·বো।

1ম করিন্থীয়রাংনা 2:6

খ্রীষ্টান জাংগি থাংআও চু·সকগিবারাংচা আনচিং হা·আইয়ানি খাৎথাখো আগানা; ইন্দিবা উয়া হা·আইয়াদে ইয়া হা·গিলসাকনি হং·জা, বা ইয়া হা·গিলসাকনি দাল·গিবারাংনিবা হং·জা জেরাং বিলগ্রি হং·ইংজক।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

গালাতীয়রাংনা 4:19

আংনি দেদ্রাং, জেওনা দিপ্পাৎ না·সং খ্রীষ্ট গিত্তা হং·জানুয়া উয়োনা দিপ্পাৎ দা·আবা আংআ না·সংনি গিম্মিন বি·সা বা·আ গিত্তা দুকখো চাক্কিংজক।

ইফিষীয়রাংনা 1:17

বি·মিত্তিংও আংআ না·সংখো গুয়ালজা। আংআ বি·আ জেদাক্কে আনচিংনি গিত্তেল যীশু খ্রীষ্টনি ইসল, আগানস্খাওদে উয়া রাসংনি ফাগিবা না·সংনা গিসিকনি হা·আইয়ানি বিলখো র·ন্না, জেদাক্কে না·সং বিখো আরোবা নাম্মেদাক্কে হা·আইনা মা·ন্না।

ইফিষীয়রাংনা 1:23

ইয়া মন্ডলী চং·মতদে খ্রীষ্টনিন বে·এন। জেআন গিম্মিক গিত্তা গিম্মিকখো চু·সকেতা উয়া খ্রীষ্টনি চু·সকা হং·জক ইয়া মন্ডলী।

ইফিষীয়রাংনা 4:12

বিয়া ইরাংখো বাচ্ছিয়ে রা·জক জেদাক্কে ইসলনি মান্দি গিম্মিক বিনান দাকচাকে র·ন্না থারিসোআ আরো ইন্দাকে খ্রীষ্টনি বে·এন রিক্কা হং·আ।

ইফিষীয়রাংনা 4:3

জে থম·থমা আনচিংখো নাংরিমেতজক উয়া থম·থমাচা গিসিক রংথালগিবানি রন·গিবা নাংরিমাখো রাক্ষিনা মংসংবাত্তে খ্রেংবো।

ইফিষীয়রাংনা 4:5

সাকসাসান গিত্তেল দংআ, মিংসাসান বিবিরা·আ দংআ, মিংসাসান রিপ্পলা দংআ,

ফিলিপীয়রাংনা 3:10

আংআ খ্রীষ্টখো হা·আইনা হা·ম্মা আরো জে বিলচা সিয়াওনি বিখো থাংচাএতামিং উয়া বিলখো হা·আইনা হা·ম্মা। আংআ বিনি দুকরাংখো মান·ফানা হা·ম্মা। জে গিসিকখো রা·এ বিয়া সিয়ামিং আংআবা উয়া গিসিকখো মা·ন্না হা·ম্মা।

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

কলসীয়রাংনা 1:28

আরো উয়া খ্রীষ্টনি গিম্মিনো চিংআ আগানফ্রাকা, আগানস্খাওদে ইসলনি হন·গিবা হা·আইয়ামুং চিংআ মান্দি গিম্মিকখো সিমসাকেতা আরো স্খিয়েতা, জেদাক্কে গিম্মিকখোন চিংআ খ্রীষ্টও চু·সকেতনা মা·ন্না।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

ইব্রীয়রাংনা 5:14

জেরাংনি বিলসি সকজক বিসংসান রাক্কা চা·আখো চা·না মা·ন্না, আগানস্খাওদে ইসলনি খাৎথানি রাক্কা স্খিয়ারাংখো হা·আইনা মা·ন্না। বাং·আ বেওয়ালরাংনি গিম্মিন বিসং নাম্মা-নামজাখো বিচাল দাকনা স্খিজক।

২ পিতর 1:4

বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

1 যোহন 5:20

আনচিং আরোবা হা·আইয়া, ইসলনি দেফান্থি রি·বাএ আনচিংনা হা·আইয়ানি বিলখো হন·জক জেদাক্কে বিবিগিবা ইসলখো আনচিং হা·আইনা মা·ন্না। জেআন বিবিগিবা ইসল আনচিং বিমুং নাংরিমা, আগানস্খাওদে বিনি দেফান্থি যীশু খ্রীষ্টমুং নাংরিমা। বিয়ান চং·মতগিবা ইসল আরো বিয়ান ফাংনাজলনি জাংগি।