ইফিষীয়রাংনা 4:10 - Garo New Testament

¹⁰ জেআন হং·ওনবামিং বিয়ান গিম্মিকখো চু·সকেতনা দা·আবা সিলগানা বাত্তেবা সাক্কাচানা গাদোজক।

ইফিষীয়রাংনা 4:10 Iomraidhean Croise

মথিনি চকগিবা নাম্মা খাৎথা 24:34

আংআ না·সংনা বিবিন আগানিংআ, জেনসালো ইয়ারাং হং·নুয়া ইয়া চাসংনি মিত্তাম মান্দি উনোবা থাংএ দংখুনুয়া।

লূকনি চকগিবা নাম্মা খাৎথা 24:44

জা·মানো বিয়া বিসংনা আগানজক, “আংআ না·সংমুং দংমিত্তিংও আগানামিং, মোশিনি নিয়ামও, আগানসোগিবারাংনি চকগিবা আরো গীতরাংও আংনি গিম্মিনো চকগিবা গিম্মিকান চু·সকনা নাংনুয়া।”

যোহননা 1:16

আনচিং দিমদাকান বিনি উয়া গাপসুয়াকাওনিখো খা·সাচাক্কানি সাক্কাও দা·আবা খা·সাচাক্কাখো মান·জক।

যোহননা 19:24

উখো নিক্কে সিপাইরাং সাকসা সাকগিপ্পিননা আগানজক, “ইখো চিৎগিজা ইন্দিবা লটারি খা·ল্লে নিখুনা ইয়া সানি হং·নুয়া।” ইরাং হং·জক জেদাক্কে রংথালগিবা শাস্ত্রনি ইয়া খাৎথা চু·সকা, বিসং আন·থাংথাংনি গিসেপো আংনি বা·রারাংখো সুয়ালা, আরো আংনি বা·রানা বিসং লটারি খা·ল্লা। আরো বিবিন সিপাইরাং ইরাংখো দাক্কামিং।

যোহননা 19:28

ইনি জা·মানো গিম্মিকান বন·খামজক ইখো হা·আইএ রংথালগিবা শাস্ত্রনি খাৎথা চু·সকখানা ইন্নে যীশু আগানজক, “আংআ চি রিংনা হা·সিকা।”

যোহননা 19:36

ইরাং হং·আমিং জেদাক্কে রংথালগিবা শাস্ত্রনি ইয়া খাৎথা চু·সকা, “বিনি গ্রেং গি·সাখোবা ফি·আ হং·জানুয়া।”

ওয়াত্তেতারাংনা 1:11

“গালীলনি মান্দিরাং, ইনো চাদেংএ সিলগাচানা মুয়ানা নিএ দংআ? না·সংওনি জেখো রা·দোআংজক উয়া যীশুখো জেদাক্কে না·সং সালগিচানা রি·য়াংআখো নিকজক উয়ানদাক্কেন বিয়া রি·বাফিলনুয়া।”

ওয়াত্তেতারাংনা 1:9

ইয়া খাৎথাখো আগানানি জা·মানো জা·রিকগিবারাংনি মিকখাংওন যীশুখো রা·দোআংজক আরো বিয়া গাদিলা ফিলসানি মিৎথিনাও রি·য়াংজক।

ওয়াত্তেতারাংনা 2:33

ইসলনি জাক্রাচা আসংআনি রাসংখো বিনাসান হ·ন্না আরো খু·রাচাকগিবা গিসিক রংথালগিবাখো বিয়ান ফাগিবা ইসলচানিখো মা·ন্না; আরো দা·আও না·সং জেখো নিক্কিংআ আরো খিন্নানা মা·ন্নিংআ উখো যীশুন হ·ন্না।

ওয়াত্তেতারাংনা 3:18

ইন্দিবা ইসল গিম্মিক আগানসোগিবারাংচা স্খাংওন আগানসোআমিং বিনি খ্রীষ্টখো দুক চাকনা নাংনুয়া; আরো উয়া খাৎথাখো ইসল ইন্দাকেন চু·সকেতজক।

2য় করিন্থীয়রাংনা 12:2

খ্রীষ্টও বিবিরা·গিবা সাকসা মান্দিখো আংআ হা·আইয়া। বিলসি চি·ব্রিনা স্খাং সালগিওনা সক্কে বিখো রা·দোআংআমিং। উনো বিয়া বিনি বে·এন বিমাংও দংআমা দংজামিং উখো আংআ হা·আইজা, ইসল হা·আইয়া।

ইফিষীয়রাংনা 3:19

খ্রীষ্টনি উয়া খা·সাখো বুদ্ধিচা হা·আইনা মান·জা; ইন্দাকোবা আংআ বি·না জেদাক্কে না·সং উয়া খা·সাখো হা·আইনা মা·ন্না, জেদাক্কে ইসলনি গিম্মিক চু·সকাও না·সং চু·সকগিবা হং·আ।

কলসীয়রাংনা 1:19

ইসল হা·ম্মামিং জেদাক্কে বিনি গিম্মিক চু·সকা খ্রীষ্টওন দংআ।

কলসীয়রাংনা 2:9

ইসলনি গিম্মিক চু·সকা খ্রীষ্টও বে·এন বিমাংখো রা·এ দংখামিংজক, আরো খ্রীষ্টমুং নাংরিমে না·সংবা উয়া চু·সকাখো মান·জক।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

ইব্রীয়রাংনা 4:14

ইনি গিম্মিন হাই, আনচিং স্রংস্রাং দাক্কে ইসলনি দেফান্থি যীশুনি সাক্কাও আনচিংনি বিবিরা·আখো খু·রাচাক্কে রি·য়াংনা, মুয়ানা বিয়ান আনচিংনি খামাল দাল·বাৎগিবা হং·আ জেআন সালগিচা রি·য়াংএ দা·আও ইসলনি মিকখাংও দংআ।

ইব্রীয়রাংনা 7:26

ইন্দাকা সাকসা রংথালগিবা, দোসগ্রি আরো খাকখেৎ দাল·বাৎগিবা খামালান আনচিংনা নাংআমিং। বিয়া পাপী মান্দিনা বাত্তে দিংথাং হং·আ আরো ইসল বিখো সিলগানা বাত্তেবা চু·য়াকাও দি·দোজক।

ইব্রীয়রাংনা 8:1

চিংআ জেখো আগানিংআ উনি চং·মত খাৎথা ইয়ান, আনচিংনি ইন্দাকগিবা সাকসা খামাল দাল·বাৎগিবা দংআ জেআন সালগিও চুবাৎগিবা ইসলনি সিংহাসননি জাক্রাচা আসংজক।