ইফিষীয়রাংনা 4:1 - Garo New Testament

¹ উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ইফিষীয়রাংনা 4:1 Iomraidhean Croise

ওয়াত্তেতারাংনা 9:31

উয়া সময়ও যিহূদিয়া, গালীল আরো শমরিয়া হা·দকনি মন্ডলীরাংও থম·থমা দংআমিং, আরো উয়া মন্ডলীরাং হং·বাংআমিং। উনি গিম্মিন গিত্তেলনা খা·ফাকাও আরো গিসিক রংথালগিবানি খা·দংএতাও বিসংবা জালরোরোজক।

রোমানরাংনা 11:29

ইসল জেখো হন·খামা আরো জেখো রিক্কামা উনি গিম্মিন বিয়া বিনি গিসিকখো দিংথাং দাকফিলজা।

রোমানরাংনা 12:1

ইন্দাকোদে জংআদারাং, ইসলনি ইন্দাকে খা·সারাংনান আংআ না·সংচা মংসংবাত্তে মল·মলিংআ, না·সং না·সংনি বে·এনখো থাংগিবা, রংথালগিবা আরো ইসলনি রা·চাকনা খ্রাগিবা বলি গিত্তা ইসলনি জাক্কো হন·বো। উয়ান না·সংনি খ্রাগিবা দাকচাকে হ·ন্না হং·নুয়া।

1ম করিন্থীয়রাংনা 4:16

উনি গিম্মিনান আংআ না·সংচা মংসংএ মল·মলিংজক, আংআ জেখো দাক্কা না·সংবা উখোন দাকবো;

2য় করিন্থীয়রাংনা 10:1

খ্রীষ্টনি সনথল আরো খা·সাচাকগিবা খা·থংনি খাৎথাখো গিসিক রা·এ আংআ পৌল আন·থাংআন না·সংখো মল·মলিংজক। মান্দিরাং আগানা, আংআ না·সংমুং দংমিত্তিংও খেনসিক খেনসিক দাক্কে দংআ, ইন্দিবা দংজামিত্তিংওদে খেনমানগিজাগিবা হং·আ।

2য় করিন্থীয়রাংনা 5:20

উনি গিম্মিনান চিংআ খ্রীষ্টনি খবল হন·গিবা গিত্তা বিনি হং·এ খাৎথা আগানিংজক। আসলদে ইসল আন·থাংআন চিংনি গিসেপো মান্দিরাংচা মল·মলজক। উনি গিম্মিন খ্রীষ্টনি হং·এ চিংআ মল·মলিংজক, “না·সং ইসলমুং নাংরিমগ্রিকবো।”

2য় করিন্থীয়রাংনা 6:1

ইসলমুং কাম রিম·ফাগিবা হং·এ চিংআ না·সংখো ইন্দাকে মল·মলিংজক, ইসলনি খা·সাচাক্কাখো মান·জক ইন্নে না·সং উখো দা·আ নাসি-নাদা দাক্কেতাবো।

গালাতীয়রাংনা 4:12

জংআদারাং, আংআ না·সংখো মল·মলিংআ, না·সং আং গিত্তা হং·বো, মুয়ানা আংআবা না·সং গিত্তা হং·জক। না·সং আংনি সাক্কাও মামুং অন্যায়খো দাকজা।

ইফিষীয়রাংনা 2:10

আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

ইফিষীয়রাংনা 3:1

ইনি গিম্মিন আংআ পৌল ইসলচা বি·ইংজক। না·সং জেরাং গিপ্পিন জাত হং·আ না·সংনান আংআ খ্রীষ্ট যীশুনি বন্দি হং·জক।

ইফিষীয়রাংনা 4:17

ইনি গিম্মিন আংআ আগানিংজক, আরো গিত্তেলনি হং·এ মংসংবাত্তেন আগানিংজক- গিপ্পিন জাতরাং জেদাক্কে নামগিজা চানচিয়াও বিসংনি জাংগিখো মিৎথাংআ না·সং উগিত্তাদে জাংগিখো দা·আ মিৎথাংআবো।

ইফিষীয়রাংনা 4:4

ইসল না·সংখো রিক্কামজক ইন্নে না·সংনি গিসেপো মিংসাসান খা·দংআ দংআ, গি·সাসান বে·এন দংআ, সাকসাসান গিসিক রংথালগিবা দংআ,

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

কলসীয়রাংনা 2:6

জেদাক্কে না·সং খ্রীষ্ট যীশুখো গিত্তেল দাক্কে রা·চাকজক উয়ানদাক্কেন বিমুং নাংরিমে না·সংনি জাংগিখো মিৎথাংএতবো।

কলসীয়রাংনা 4:12

ইপাফ্রাবা না·সংনা সালাম হ·ন্নিংআ। বিয়া না·সংনি আন·থাংনি মান্দিরাংওনি সাকসা আরো বিয়া খ্রীষ্ট যীশুনি নকখল হং·আ। বিয়া সালাজ্রিং বি·আচা না·সংনা দাকগ্রিকিংজক জেদাক্কে না·সং চু·সকগিবা হং·এ আরো গিম্মিকো ইসলনি হা·সিকাখো হা·আইএ রাক্কে চাদেংনা মা·ন্না।

2 থিষলনীকীয়রাংনা 1:11

উনি গিম্মিন চিংআ ফাংনান না·সংনা বি·আ জেদাক্কে আনচিংনি ইসল না·সংখো বিনি রিক্কামনা খ্রাগিবা দাক্কে চানচিয়া, আরো জেদাক্কে বিনি বিলচা না·সংনি নাম্মা কামখো দাক্কানি হা·সিকাখো বিয়া চু·সকেতা আরো বিবিরা·আনি গিম্মিন না·সং জে কামরাংখো দাক্কিংআ উয়ো জেদাক্কে বিয়া চু·গিম্মিকেতা।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

তীতনা 2:10

আরো নকগিবারাংনি জিনিসখো চা·উজাখানা, বাত্তেসা বিসং বিবিরা·না খ্রাগিবা হং·আ উখো ফিন্নিকা, জেদাক্কে বিসং আনচিংখো জক্কেৎগিবা ইসলনি গিম্মিন জে স্খিয়া দংআ উখো গিম্মিক গিত্তা নিথোয়ে রা·না মা·ন্না।

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।

ইব্রীয়রাংনা 3:1

উনি গিম্মিন রংথালগিবা জংআদারাং, না·সং জেরাং সালগিখো মান·রিকগিবা হং·না ইন্নে বিনি রিক্কামাও খু·চাকজক, না·সং যীশুনি গিম্মিনো গিসিক নাংবো। জেখো আনচিং বিবিরা·জক বিয়ান ইসলনি ওয়াত্তেতগিবা উয়া মান্দি আরো উয়া খামাল দাল·বাৎগিবা হং·আ।

পিতর 2:11

খা·সাগিবা রিপ্পেংরাং, ইয়া হা·গিলসাকো না·সং হা·সং গিপ্পিননি মান্দি হং·আ আরো হা·সং গিপ্পিনো বাং·গিজা সালনা সংদংগিবা ইন্নে আংআ না·সংখো মংসংবাত্তে মল·মলিংআ, না·সং পাপ-বেওয়ালনি হা·সিকারাংওনি চে·ল্লে দংবো,

পিতর 3:9

অন্যায়নি সাক্কাও দা·আ অন্যায় দাক্কাবো বা সাবা খা·চাওদে বিখো দা·আ খা·চাফিলাবো, বাত্তেসা বিসংনা ফাত্তিয়াখো হাম·বো; মুয়ানা ফাত্তিয়াখো মা·ন্না ইন্নেন ইসল না·সংখো রিক্কামজক।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

2 যোহন 1:5

আনচিং জেদাক্কে সাকসা সাকগিপ্পিননা খা·সা, ইয়ান হং·জক নাং·চা আংনি মল·মলা। খা·সাগিবা ননো, আংনি চকগিবা গিত্তাল গি·য়েতা হং·জা, বাত্তেসা ইয়া গি·য়েতাখো চিংআ স্খাংওনিন মা·ন্নামিং।