ইফিষীয়রাংনা 3:9 - Garo New Testament

⁹ ইনা আগ্রে বিনি নিং·থুয়া মিকসংআখো বাদিকে দাক্কে কাম দাক্কেতনুয়া উখো ফারাকানি কামখোবা বিয়া আংনা রন·জক। গিম্মিকখো থারিগিবা ইসল বাসোকোনিন বিনি উয়া মিকসংআখো সিউল দাক্কে দন্নামিং।

ইফিষীয়রাংনা 3:9 Iomraidhean Croise

মথিনি চকগিবা নাম্মা খাৎথা 10:27

আংআ জেখো না·সংনা আন্দালাও আগানিংআ উখো না·সং সেং·আও আগানবো। জেখো না·সং নাচিখলো খিন্নাংআ উখো নকরাংনি সাক্কাও আগানফ্রাকবো।

মথিনি চকগিবা নাম্মা খাৎথা 13:35

ইরাং হং·জক জেদাক্কে আগানসোগিবাও আগানা ইয়া খাৎথা চু·সকা: আংআ স্খিয়ে হ·ন্না গল্পরাংচা খু·সুক আগান্নুয়া; হা·গিলসাক হং·চেংওনি থুম্মুয়ে দনগিবারাংখো আগান্নুয়া।

মথিনি চকগিবা নাম্মা খাৎথা 25:34

“উনি জা·মানো রাজা আন·থাংনি জাক্রাচা দংগিবা মান্দিরাংনা আগান্নুয়া, ‘না·সং জেরাং আংনি ফানি ফাত্তিয়াখো মান·জক, রি·বাবো। হা·গিলসাক হা·বাচেংওনি না·সংনা দাকসোগিবা সংনকখো মান·রিকবো।

মথিনি চকগিবা নাম্মা খাৎথা 28:19

ইনি গিম্মিন না·সং রি·য়াংএ গিম্মিক জাতরাংনি মান্দিরাংখো আংনি জা·রিকগিবা থারিবো। ফাগিবানি, দেগিবানি আরো গিসিক রংথালগিবানি বিমুংও বিসংখো রিপ্পলেতবো।

লূকনি চকগিবা নাম্মা খাৎথা 24:47

আরোবা চক্কা দংআ, যিরূশালেমোনি হা·বাচেংএ গিম্মিক জাতনা খ্রীষ্টনি বিমুংও ইয়া খাৎথাখো আগানফ্রাকনুয়া, পাপওনি গিসিক ফি·ল্লোদে পাপওনি ক্ষেমা মা·ন্না।

যোহননা 10:30

আংআ আরো আপফা সাকসান হং·আ।”

যোহননা 5:17

উনোন বিয়া উয়া দাল·গিবারাংনা আগানজক, “আংনি ফা ফাংনান কাম দাক্কিংআ আরো আংআবা দাক্কিংআ।”

যোহননা 5:19

উনি গিম্মিন যীশু উয়া দাল·গিবারাংনা আগানজক, “আংআ বিবিন না·সংনা আগানিংআ, দেফান্থি আন·থাংওনি মামুংখোন দাকনা মান·জা। ফাগিবাখো জেখো দাক্কাখো নিক্কা উখোসান দাকনা মা·ন্না, মুয়ানা ফাগিবা জেখো দাক্কা দেফান্থিবা উখোন দাক্কা।

ওয়াত্তেতারাংনা 15:18

স্খাংওনি ইরাং বিনি গিসিকো দংআমিং।”

রোমানরাংনা 11:25

জংআদারাং, না·সং আন·থাংথাংখো হা·আইগিবা ইন্নে চানচিজাখানা আংআ না·সংনা মিংসা সিউল দনগিবা বিবিখো হা·আইএতি দন্না হা·ম্মিংআ। উয়াদে ইয়ান- গিপ্পিন জাতরাংনি চু·সকগিজানা দিপ্পাৎ ইস্রায়েলনি বাং·আ মান্দিরাংনি খা·থং রাক্কেন দংনুয়া।

1ম করিন্থীয়রাংনা 2:7

চং·মতদে আনচিং ইসলনি হা·আইয়াও গাপগিবা নিং·থুগিবা মিকসংআনি খাৎথাখোন আগানা। উয়া মিকসংআখো থুম্মুয়ে দন্নামিং আরো হা·গিলসাক হং·চেংনা স্খাংআন ইসল উখো থারিসোএ দন্নামিং জেদাক্কে আনচিং বিনি রাসংখো মান·ফাগিবা হং·না মা·ন্না।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ইফিষীয়রাংনা 3:2

না·সং ইখো খিন্নাবিবিজকান, ইসল বিনি খা·সাচাক্কানি নিয়ামখো হা·আইএতানি কামখো আংনা ফাকওয়াতজক।

ইফিষীয়রাংনা 6:19

আংনাবা বি·বো জেদাক্কে আংনি খাৎথা আগানমিত্তিংও ইসল আংনা ইন্দাকা খু·সুকখো র·ন্না জেদাক্কোদে আংআ খেনমানগিজা বিনি রন·গিবা নাম্মা খাৎথানি নিং·থুয়া খাৎথারাংখো আগানফ্রাকনা মা·ন্না।

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

কলসীয়রাংনা 1:26

ইসলনি খাৎথাও জে নিং·থুয়া খাৎথা চেংওনি মান্দিরাংচা চাসংওনি চাসংওনা দিপ্পাৎ থুম্মুয়ে দংআমিং, দা·আও বিনি মান্দিরাংচা উয়া ফারাকা হং·জক।

কলসীয়রাংনা 3:3

না·সংদে সিজক আরো না·সংনি জাংগি খ্রীষ্টমুং ইসলও থুম্মুয়া দংআ।

কলসীয়রাংনা 4:3

আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।

2 থিষলনীকীয়রাংনা 2:13

গিত্তেলনি খা·সাগিবা আংনি জংআদারাং, না·সংনা ফাংনান ইসলখো চিংআ মিৎথেলনা নাংআ, মুয়ানা পাপওনি জকনা ইসল স্খাংওনিন না·সংখো বাচ্ছিয়ে রা·জক। গিসিক রংথালগিবাচা ইসলনি গিম্মিন না·সংখো দিংথাং দাক্কে দন্নাও আরো নাম্মা খাৎথানি বিবিও না·সংনি বিবিরা·আও না·সং পাপওনি জক্কাখো মান·জক।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

তীতনা 1:2

ফাংনাজলনি জাংগিখো মা·ন্না খা·দংএ আংআ খ্রীষ্টনা দাকচাকে রি·য়াংইংজক। হা·গিলসাক হং·না স্খাংআন ইসল, জেআন বু·আখো আগানজা, বিয়া ইয়া জাংগিখো র·ন্না খু·রাচাক্কামিং।

পিতর 1:20

হা·গিলসাক হং·না স্খাংআন ইসল ইনি গিম্মিন বিখো থিক দাক্কে দন্নামিং, ইন্দিবা ইয়া বন·চতা সময়ও না·সংনি গিম্মিনান বিয়া ফারাকজক।

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 14:6

জা·মানো আংআ দা·আও সাকসা সা·গ্রেখো সিলগানি নাম্মেন সাক্কাচা বিল্লাখো নিকজক। হা·গিলসাকো সংদংগিবা মান্দিরাংচা, আগানস্খাওদে গিম্মিক জাত, মা·চং, খু·সুক আরো হা·সংনি মান্দিরাংচা আগানফ্রাকনা বিচা জ্রিংজ্রৎনি নাম্মা খবল দংআমিং।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।

ফারাকগিবা খাৎথা 4:11

“আনচিংনি গিত্তেল আরো ইসল, না·আ রাসং, মান্দিরা·আ আরো বিলখো মা·ন্না খ্রাগিবা, মুয়ানা না·আন দিমদাকখো থারিজক; আরো নাং·নিন হা·সিকাচা উরাং থারিয়া হং·জক আরো দংখুংআ।”