ইফিষীয়রাংনা 3:7 - Garo New Testament

⁷ ইসল বিনি দাল·বাতা বিলচা আংনা জেগিত্তা খা·সাচাকজক উয়া খা·সাচাক্কানি র·ন্নানি গিত্তা বিয়া আংনা নাম্মা খাৎথাখো আগানফ্রাকানি কামখো রন·জক।

ইফিষীয়রাংনা 3:7 Iomraidhean Croise

ওয়াত্তেতারাংনা 9:15

ইন্দিবা গিত্তেল অননিয়না আগানজক, “না·আ রি·য়াংবো, মুয়ানা গিপ্পিন জাতরাংচা আরো বিসংনি রাজারাংচা আরো ইস্রায়েলনি মান্দিরাংচা আংনি গিম্মিন আগানফ্রাকনা আংআ ইয়া মান্দিখোন বাচ্ছিয়ে রা·জক।

রোমানরাংনা 1:5

বিগিত্তান বিনি বিমুংনান চিংআ খা·সাচাক্কাখো আরো ওয়াত্তেতা হং·আখো মান·জক, জেদাক্কে গিম্মিক জাতনি মান্দিরাং বিবিরা·এ ইসলখো মানিয়া।

রোমানরাংনা 12:3

আংআ ইসলচাখো জে মংসংগিবা খা·সাচাক্কাখো মান·জক উচা আংআ না·সং গিম্মিকনা আগানিংজক, আন·থাংখো জেচিকিন দাল·নিকনা নাংআ উনা বাত্তে না·সং আন·থাংথাংখো দা·আ দাল·নিকাবো, বাত্তেসা জেচিকিন খ্রাআ উচিকিনান দাল·নিকবো। ইসল জেনা জেচিকিন বিবিরা·আনি বিলখো হ·ন্না উনা বাত্তে বাং·এ সাকসাবা আন·থাংখো চানচিজাখানা।

1ম করিন্থীয়রাংনা 15:10

ইন্দিবা আংআ দা·আও ইসলনি খা·সাচাক্কানান ইন্দাকে হং·জক। আংনি সাক্কাও বিনি উয়া খা·সাচাক্কা বিথিগ্রি হং·জা। আংআ সাকগিপ্পিন ওয়াত্তেতারাংনা বাত্তে বাং·এ কাম দাকজক; আংআসান কাম দাক্কা ইন্দাকেদে হং·জা, বাত্তেসা আংনা ইসলনি জে খা·সাচাক্কা দংআ উয়া খা·সাচাক্কান উখো দাকজক।

1ম করিন্থীয়রাংনা 3:5

আপল্লো সা? আরো পৌলবা সা? চিংআদে দাকচাকে হন·গিবাসান হং·আ জেরাং গিত্তা না·সং বিবিরা·আনি রামাওনা রি·বাজক। গিত্তেলান আনচিং সাকফ্রাকনা কাম হন·জক।

2য় করিন্থীয়রাংনা 3:6

গি·সা গিত্তাল খু·রাচাক্কাখো হা·আইএতনা বিয়ান চিংখো খ্রাগিবা দাকজক। ইয়া খু·রাচাক্কা গিম্মিকখোন মানিয়ানি বিদিং হং·জা, ইন্দিবা গিসিক রংথালগিবানি রি·দিলাও খা·থংনি বাম্মানি বিদিং হং·আ; মুয়ানা নিয়াম সিয়াখো রা·বাআ, ইন্দিবা গিসিক রংথালগিবা জাংগিখো হ·ন্না।

2য় করিন্থীয়রাংনা 4:1

ইয়া নিয়ামখো হা·আইএতানি কামখো খা·সাচাক্কে ইসল চিংনা হন·জক ইন্নে চিংআ খা·দংআগ্রি হং·জা।

গালাতীয়রাংনা 2:8

ইখো বিসং নিকনা মান·জক, মুয়ানা যিহূদীরাংচা পিতরনি ওয়াত্তেতানি কামনি খি·সাংও জেআন দংআমিং গিপ্পিন জাতরাংচা আংনি ওয়াত্তেতানি কামনি খি·সাংওবা উয়া ইসলান দংআমিং।

ইফিষীয়রাংনা 3:2

না·সং ইখো খিন্নাবিবিজকান, ইসল বিনি খা·সাচাক্কানি নিয়ামখো হা·আইএতানি কামখো আংনা ফাকওয়াতজক।

ইফিষীয়রাংনা 3:20

আনচিংনি খা·থংও ইসলনি জে বিল কাম দাক্কা উয়া বিল গিত্তা বিয়া আনচিংনি হা·ম্মা আরো চানচিয়ানা বাত্তেবা বাং·এ দাকনা মা·ন্না।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 4:16

গিম্মিক বে·এনখো ইন্দাকে খাআ দংআ, জেদাক্কোদে বাক গিম্মিক আন·থাংথাংনি হা·দামও দংএ বে·এনমুং নাংরিমে দংআ। বাক গিম্মিক থিক দাক্কে কাম দাকমিত্তিংও বে·এন গিম্মিকান স্খুনি রি·দিলাও দাল·রোরোআ আরো খা·সাও আন·থাংখো রিক্কা।

কলসীয়রাংনা 1:29

ইখো মিকসংএন ইসলনি জে বিল আংও কাম দাক্কিংআ উয়া বিল গিত্তা আংআ সিমাংথাংমাং গাম্মিংজক।

1 থিষলনীকী 2:13

চিংআ ফাংনান ইসলখো মিৎথেলিংআ, মুয়ানা ইসলনি খাৎথাখো চিংচাখো খিন্নাএ না·সং জেনসালো বিবিরা·আমিং উনো না·সং উখো মান্দিনি ইন্নে হং·জা, ইন্দিবা ইসলনি খাৎথা ইন্নেন রা·চাকামিং। আরো বিবিন উয়া ইসলনিন খাৎথা। না·সং জেরাং বিবিরা·জক, না·সংনি খা·থংও উয়া খাৎথান কাম দাক্কিংআ।

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।