ইফিষীয়রাংনা 3:5 - Garo New Testament

⁵ গিসিক রংথালগিবাচা উয়া নিং·থুয়া মিকসংআ দা·আও জেগিত্তা বিনি রংথালগিবা ওয়াত্তেতা আরো আগানসোগিবারাংচা ফারাকজক, চেংওনি মান্দিরাংচা উগিত্তা ফারাকজা।

ইফিষীয়রাংনা 3:5 Iomraidhean Croise

মথিনি চকগিবা নাম্মা খাৎথা 13:17

আংআ না·সংনা বিবিন আগানিংআ, না·সং জেখো জেখো নিক্কিংআ উখো বাং·আ আগানসোগিবারাং আরো ইসলনা খা·ফাকগিবা মান্দিরাং নিকনা হা·সিকেবা নিকনা মান·জাজক, আরো না·সং জেখো জেখো খিন্নাংআ উখো খিন্নানা হা·সিকেবা বিসং খিন্নাজাজক।

মথিনি চকগিবা নাম্মা খাৎথা 20:7

“বিসং বিনা আগানজক, ‘দারাংবা চিংনা কাম হন·জা।’ “বিয়া উয়া মান্দিরাংনা আগানজক, ‘না·সংবা আংনি আংগুর বাগানচা কাম রিম·না রি·য়াংবো।’

মথিনি চকগিবা নাম্মা খাৎথা 23:34

উনি গিম্মিন আংআ না·সংচা আগানসোগিবা, হা·আইগিবা মান্দি আরো শাস্ত্র স্খিগিবারাংখো ওয়াত্তেতিংজক। না·সং বিসংনি গিসেপো মিত্তামরাংখো স·ওতনুয়া আরো মিত্তামরাংখো চিসলো দাৎখাপনুয়া। মিত্তামরাংখো না·সংনি থম·দাকরামও বেতচা দকনুয়া আরো সং দামসাচানিখো সং দামসাচানা হা·রিকেতনুয়া।

লূকনি চকগিবা নাম্মা খাৎথা 10:24

আংআ না·সংনা আগানিংআ, না·সং জেখো নিক্কিংআ, বাং·আ আগানসোগিবা আরো রাজারাং উখো নিকনা হা·সিকেবা নিকনা মান·জাজক; আরো না·সং জেখো খিন্নাংআ, উখো খিন্নানা হা·সিকেবা খিন্নানা মান·জাজক।”

লূকনি চকগিবা নাম্মা খাৎথা 11:49

ইনি গিম্মিন ইসল বিনি মিকসংআ গিত্তা ইয়া খাৎথাখো আগানজক, ‘আংআ বিসংচা আগানসোগিবারাংখো আরো ওয়াত্তেতগিবারাংখো ওয়াত্তেতনুয়া। বিসংনি গিসেপো মিত্তামরাংখো বিসং স·ওতে গালনুয়া আরো গিপ্পিনরাংখো হা·রিকনুয়া।’

যোহননা 14:26

উয়া দাকচাকগিবা, আগানস্খাওদে গিসিক রংথালগিবাখো জেখো আপফা আংনি বিমুংও ওয়াত্তেতনুয়া, বিয়ান না·সংনা গিম্মিকখো স্খিয়ে হ·ন্নুয়া, আরো না·সংনা আংনি আগানগিবারাংখো গিসিক রা·এতনুয়া।

যোহননা 16:13

ইন্দিবা উয়া বিবিনি গিসিক জেনসালো রি·বানুয়া উনসালো বিয়া না·সংখো রামা ফিন্নিকে চু·সকগিবা বিবিওনা রা·আংনুয়া। বিয়া আন·থাংওনি খাৎথা আগানজানুয়া, ইন্দিবা খিন্নাগিবাখোন আগান্নুয়া, আরো জেরাং হং·নুয়া উরাংখোবা বিয়া না·সংনা আগান্নুয়া।

ওয়াত্তেতারাংনা 10:28

উনোন বিয়া বিসংনা আগানজক, “না·সংদে ইখো হা·আইয়ান, সাকসা যিহূদী মান্দিনা গিপ্পিন জাতনি মান্দিমুং আপসান হং·রিমা বা বিমুং গ্রংআরাং চিংনি থরমনি নিয়াম হং·জা। ইন্দিবা ইসল আংনা ফিন্নিকজক সাকসাখোবা রংথালগিজাগিবা বা মারাং নাংগিবা ইন্না আংনি খ্রাজা।

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

1ম করিন্থীয়রাংনা 2:10

ইন্দিবা ইসল বিনি গিসিকচা উরাংখো আনচিংনা ফারাকজক, মুয়ানা গিসিক রংথালগিবানি হা·আইগিজানি মামুংবা দংজা; আরোবা বিয়া ইসলনি নিং·থুয়া বিদিংরাংখোবা হা·আইয়া।

ইফিষীয়রাংনা 2:20

ওয়াত্তেতারাং আরো আগানসোগিবারাং ফাংচাকানি হং·আ, আরো উয়া ফাংচাকানি দাল·গিবা রং·থি খ্রীষ্ট যীশু আন·থাং হং·আ। উয়া ফাংচাকানি সাক্কাওন না·সংখো রিকজক।

ইফিষীয়রাংনা 3:9

ইনা আগ্রে বিনি নিং·থুয়া মিকসংআখো বাদিকে দাক্কে কাম দাক্কেতনুয়া উখো ফারাকানি কামখোবা বিয়া আংনা রন·জক। গিম্মিকখো থারিগিবা ইসল বাসোকোনিন বিনি উয়া মিকসংআখো সিউল দাক্কে দন্নামিং।

২ পিতর 3:2

রংথালগিবা আগানসোগিবারাং জে খাৎথারাংখো আগানাংজক উরাংখো আরো না·সংনি ওয়াত্তেতারাংচা আনচিংনি গিত্তেল আরো জক্কেৎগিবা জেখো গি·য়েতি দন্নাংজক, আংআ হা·ম্মা জেদাক্কে না·সং উখো গিসিক রা·আ।

যিহূদা 1:17

ইন্দিবা খা·সাগিবা রিপ্পেংরাং, জে খাৎথারাংখো আনচিংনি গিত্তেল যীশু খ্রীষ্টনি ওয়াত্তেতারাং স্খাংআন আগানামিং উখো না·সং গিসিক রা·এ নিবো।