ইফিষীয়রাংনা 3:4 - Garo New Testament

⁴ খ্রীষ্টনি গিম্মিনো উয়া নিং·থুয়া মিকসংআখো হা·আইয়ানি বিল আংনি দংআ ইন্নে না·সং উখো পড়িজোকনো হা·আইনা মা·ন্নুয়া।

ইফিষীয়রাংনা 3:4 Iomraidhean Croise

মথিনি চকগিবা নাম্মা খাৎথা 13:11

বিয়া জা·রিকগিবারাংনা আগানচাকে ইনজক, ‘‘সালগিনি সংনকনি নিং·থুয়া খাৎথাখো না·সংনা হা·আইনা হন·জক ইন্দিবা বিসংনাদে হন·জা,

লূকনি চকগিবা নাম্মা খাৎথা 8:10

উনো যীশু আগানজক, “ইসলনি সংনকনি নিং·থুয়া খাৎথাখো না·সংনান হা·আইনা হন·জক, ইন্দিবা সাকগিপ্পিনরাংচা আংআ উখো গল্পচা আগানা, জেদাক্কে বিসং নিক্কেবা নিকজা আরো খিন্নাএবা হা·আইজা।

রোমানরাংনা 11:25

জংআদারাং, না·সং আন·থাংথাংখো হা·আইগিবা ইন্নে চানচিজাখানা আংআ না·সংনা মিংসা সিউল দনগিবা বিবিখো হা·আইএতি দন্না হা·ম্মিংআ। উয়াদে ইয়ান- গিপ্পিন জাতরাংনি চু·সকগিজানা দিপ্পাৎ ইস্রায়েলনি বাং·আ মান্দিরাংনি খা·থং রাক্কেন দংনুয়া।

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

1ম করিন্থীয়রাংনা 13:2

আগানসোগিবা গিত্তা খাৎথা আগানানি বিল দংওদে, নিং·থুগিবারাংখো হা·আইনা মা·ন্নোদে, আরো আংনি গিম্মিক হা·আইয়ারাং দংওদে, আরোবা হা·ব্রিখো হা·দাম দামসাওনি হা·দাম দামসাওনা জিত্তেতনা গিত্তা বিবিরা·আ দংওদে, ইন্দিবা আংও খা·সা দংজাওদে আংনি মামুং দামআন দংজা।

1ম করিন্থীয়রাংনা 4:1

চিংআ খ্রীষ্টনা দাকচাকে হন·গিবা আরো ইসলনি নিং·থুগিবা খাৎথাখো হা·আইএতনা চিংখো দন্না ইন্নে মান্দিরাং চিংখো চানচিখানা।

2য় করিন্থীয়রাংনা 11:6

আংআ নাম্মেদাক্কে খাৎথা আগান্না মান·জা ইন্দাকোবা আংনি হা·আইয়া দংআ আরো উখো গিম্মিক গিত্তান না·সংচা ফারাকজক।

ইফিষীয়রাংনা 1:9

জেগিত্তা বিয়া হা·ম্মামিং আরো স্খাংআন খ্রীষ্টও থারিয়ে দনসোআমিং, উগিত্তান বিয়া বিনি নিং·থুয়া মিকসংআখো আনচিংনা আগানামিং।

ইফিষীয়রাংনা 3:3

বিনি নিং·থুয়া মিকসংআখো বিয়া মংসংগিবা ফারাকাচা আংনা আগানজক, আরো ইনি গিম্মিনো আংআ না·সংচা অকখিসা খু·সুকচা চকজক।

ইফিষীয়রাংনা 3:9

ইনা আগ্রে বিনি নিং·থুয়া মিকসংআখো বাদিকে দাক্কে কাম দাক্কেতনুয়া উখো ফারাকানি কামখোবা বিয়া আংনা রন·জক। গিম্মিকখো থারিগিবা ইসল বাসোকোনিন বিনি উয়া মিকসংআখো সিউল দাক্কে দন্নামিং।

ইফিষীয়রাংনা 5:32

ইয়া মিংসা নিং·থুয়া খাৎথা-ইন্দিবা চং·মতদে আংআ খ্রীষ্ট আরো বিনি মন্ডলীনি খাৎথাখো আগানিংআ।

ইফিষীয়রাংনা 6:19

আংনাবা বি·বো জেদাক্কে আংনি খাৎথা আগানমিত্তিংও ইসল আংনা ইন্দাকা খু·সুকখো র·ন্না জেদাক্কোদে আংআ খেনমানগিজা বিনি রন·গিবা নাম্মা খাৎথানি নিং·থুয়া খাৎথারাংখো আগানফ্রাকনা মা·ন্না।

কলসীয়রাংনা 1:26

ইসলনি খাৎথাও জে নিং·থুয়া খাৎথা চেংওনি মান্দিরাংচা চাসংওনি চাসংওনা দিপ্পাৎ থুম্মুয়ে দংআমিং, দা·আও বিনি মান্দিরাংচা উয়া ফারাকা হং·জক।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

কলসীয়রাংনা 4:3

আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

1 তীমথিয় 3:9

জেদাক্কে বিসং রংথালা গিসিকো খ্রীষ্টান থরমখো বিবিরা·আনি নিং·থুয়া বিবিখো রি·ম্মে রা·রিকা।