ইফিষীয়রাংনা 3:2 - Garo New Testament

² না·সং ইখো খিন্নাবিবিজকান, ইসল বিনি খা·সাচাক্কানি নিয়ামখো হা·আইএতানি কামখো আংনা ফাকওয়াতজক।

ইফিষীয়রাংনা 3:2 Iomraidhean Croise

ওয়াত্তেতারাংনা 13:2

বিসং অকগুমিন দংএ গিত্তেলখো অলাখিমিত্তিংও গিসিক রংথালগিবা বিসংনা আগানজক, “বার্ণবা আরো শৌলখো আংআ জে কামনা রিক্কামা আংনি উয়া কামনি গিম্মিন দা·আও বিসংখো দিংথাং দাকবো।”

ওয়াত্তেতারাংনা 13:46

উনোন পৌল আরো বার্ণবা খেনমানগিজা বিসংনা ইন্দাকে আগানচাকজক, “ইসলনি খাৎথাখো না·সংচা স্খাং আগান্না নাংআমিং, ইন্দিবা না·সং উখো জেগালজক আরো ফাংনাজলনি জাংগিখো মা·ন্না খ্রাগিবা ইন্নে আন·থাংথাংখো চানচিজা উনা গিপ্পিন জাতরাংচা চিংআ ফি·ল্লিংজক।

ওয়াত্তেতারাংনা 22:21

“উনোন গিত্তেল আংনা আগানজক, ‘না·আ রি·য়াংবো, আংআ নাং·খো চে·ল্লাচানা গিপ্পিন জাতরাংচা ওয়াত্তেতনুয়া।’ ”

ওয়াত্তেতারাংনা 9:15

ইন্দিবা গিত্তেল অননিয়না আগানজক, “না·আ রি·য়াংবো, মুয়ানা গিপ্পিন জাতরাংচা আরো বিসংনি রাজারাংচা আরো ইস্রায়েলনি মান্দিরাংচা আংনি গিম্মিন আগানফ্রাকনা আংআ ইয়া মান্দিখোন বাচ্ছিয়ে রা·জক।

রোমানরাংনা 1:5

বিগিত্তান বিনি বিমুংনান চিংআ খা·সাচাক্কাখো আরো ওয়াত্তেতা হং·আখো মান·জক, জেদাক্কে গিম্মিক জাতনি মান্দিরাং বিবিরা·এ ইসলখো মানিয়া।

রোমানরাংনা 11:13

গিপ্পিন জাতরাং, আংআ না·সংনা আগানিংজক, গিপ্পিন জাতরাংনা ওয়াত্তেতা হং·এ আংআ আন·থাংনি কামনা নাম্মেন রাসং দাকনিকিংজক।

রোমানরাংনা 12:3

আংআ ইসলচাখো জে মংসংগিবা খা·সাচাক্কাখো মান·জক উচা আংআ না·সং গিম্মিকনা আগানিংজক, আন·থাংখো জেচিকিন দাল·নিকনা নাংআ উনা বাত্তে না·সং আন·থাংথাংখো দা·আ দাল·নিকাবো, বাত্তেসা জেচিকিন খ্রাআ উচিকিনান দাল·নিকবো। ইসল জেনা জেচিকিন বিবিরা·আনি বিলখো হ·ন্না উনা বাত্তে বাং·এ সাকসাবা আন·থাংখো চানচিজাখানা।

1ম করিন্থীয়রাংনা 4:1

চিংআ খ্রীষ্টনা দাকচাকে হন·গিবা আরো ইসলনি নিং·থুগিবা খাৎথাখো হা·আইএতনা চিংখো দন্না ইন্নে মান্দিরাং চিংখো চানচিখানা।

গালাতীয়রাংনা 1:13

যিহূদী থরমখো মানিমিত্তিংও আংআ বাদিকে দাক্কে জাংগি মিৎথাংনুয়ামিং না·সং উখো খিন্নাজক। আরো না·সং ইখোবা খিন্নাজক, বাদিকে বিল্লংএন আংআ ইসলনি মন্ডলীরাংখো গিচ্চিয়েতনুয়ামিং আরো উখো ব·ন্নেতনা হাম·নুয়ামিং।

ইফিষীয়রাংনা 1:10

বিয়া থারিয়ে দনসোআমিং, সাল চু·সকানি জা·মানো উয়া মিকসংআ গিত্তা কাম দাকনা ইন্নে বিয়া সালগিনি আরো হা·গিলসাকনি গিম্মিকখো আপসান দাক্কেতি খ্রীষ্টনি শাসননি নিং·আও রা·বানুয়া।

ইফিষীয়রাংনা 3:7

ইসল বিনি দাল·বাতা বিলচা আংনা জেগিত্তা খা·সাচাকজক উয়া খা·সাচাক্কানি র·ন্নানি গিত্তা বিয়া আংনা নাম্মা খাৎথাখো আগানফ্রাকানি কামখো রন·জক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 3:9

ইনা আগ্রে বিনি নিং·থুয়া মিকসংআখো বাদিকে দাক্কে কাম দাক্কেতনুয়া উখো ফারাকানি কামখোবা বিয়া আংনা রন·জক। গিম্মিকখো থারিগিবা ইসল বাসোকোনিন বিনি উয়া মিকসংআখো সিউল দাক্কে দন্নামিং।

ইফিষীয়রাংনা 4:21

না·সং বিনি গিম্মিন খিন্নামিং, আরো বিমুং নাংরিমে বিনি গিসেপো জে বিবি দংআ উগিত্তা স্খিয়াখো মা·ন্নামিং।

ইফিষীয়রাংনা 4:7

ইন্দিবা খ্রীষ্ট জেদাক্কে থারিয়ে দনসোজক উয়া গিত্তাদে আনচিং গিম্মিকান মংসংগিবা খা·সাচাক্কাখো মান·জক।

কলসীয়রাংনা 1:6

ইয়া নাম্মা খাৎথা হা·গিলসাক গিম্মিকও গিপ্পাংএ বিথি নাংইংজক আরো সালনিসাল বাতরোরোংজক। জেনসালো না·সং ইয়া নাম্মা খাৎথাখো খিন্নাজক আরো ইসলনি খা·সাচাক্কাখো হা·আইবিবিজক উনসালোনি উয়া না·সংওবা উয়ানদাক্কেন কাম দাক্কিংজক।

1 তীমথিয় 1:11

রাসংগ্মাং ইসলনি নাম্মা খাৎথা গিত্তা জে স্খিয়া, উয়া স্খিয়ান চং·মত স্খিয়া হং·আ। ইয়া নাম্মা খাৎথাখো আগানফ্রাকানি কামখো বিয়া আংনা হন·জক।

1 তীমথিয় 1:4

বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

1 তীমথিয় 2:7

আরো ইয়া সাক্ষিখো হ·ন্না ইন্নে ইসল আংখো আগানফ্রাকগিবা, ওয়াত্তেতা আরো গিপ্পিন জাতরাংচা বিবিরা·আনি আরো বিবিনি স্খিগিবা গিত্তা বাচ্ছিয়ে রা·জক। আংআ বিবিখো আগানিংআ, বু·আখোদে আগানজা।

2 তীমথিয় 1:11

আরো ইয়া নাম্মা খাৎথাখো হা·আইএতনান আংখো আগানফ্রাকগিবা, ওয়াত্তেতা আরো স্খিগিবা দাক্কে বাচ্ছিয়ে রা·জক।