ইফিষীয়রাংনা 3:17 - Garo New Testament

¹⁷ আরো বিবিরা·আচা খ্রীষ্ট না·সংনি খা·থংখো চু·গিম্মিক মান·রিকা। আংআ আরোবা বি·না জেদাক্কে খ্রীষ্টনি খা·সাও না·সং জা·দিল সু·এ নাপ্পে খেম·খেমে দংআ,

ইফিষীয়রাংনা 3:17 Iomraidhean Croise

মথিনি চকগিবা নাম্মা খাৎথা 13:6

ইন্দিবা সাল দিং·এ নাবাওন উয়া খামজক আরো নাম্মেদাক্কে জা·দিল সু·না মান·জানি গিম্মিন সিক্রেপজক।

লূকনি চকগিবা নাম্মা খাৎথা 6:48

বিয়া ইন্দাকগিবা সাকসা মান্দি গিত্তা হং·আ, জে মান্দি নক রিকনা ইন্নে হা·আখো থিং·নাপে চো·এ রং·থিনি সাক্কাও রিকজক। জা·মানো চি দাল·বাজক আরো চি বালজকবাএ উয়া নকখো রিপ্পেতজক, ইন্দিবা উয়া নকখো গা·আকেতনা মান·জাজক, মুয়ানা উখো নাম্মেদাক্কেন রিক্কামিং।

যোহননা 14:17

উয়া দাকচাকগিবান বিবিনি গিসিক হং·আ। হা·গিলসাকনি মান্দিরাং বিখো রা·চাকনা মান·জা, মুয়ানা বিসং বিখো নিকজা আরো বিখো হা·আইয়াবা হা·আইজা। ইন্দিবা না·সং বিখো হা·আইয়া, মুয়ানা বিয়া না·সংমুং দংআ আরো না·সংনি খা·থংও দংনুয়া।

যোহননা 14:23

যীশু বিনা আগানচাকজক, “সাবা আংনা খা·সাওদে বিয়া আংনি খাৎথাখো মানিনুয়া। আপফা বিনা খা·সানুয়া আরো চিংআ বিচা রি·বানুয়া আরো বিমুং দংনুয়া।

যোহননা 17:23

আগানস্খাওদে আংআ বিসংমুং দংফা আরো না·আ আংমুং দংফা, আরো ইন্দাকে চু·সকে বিসং আপসানগ্রিকখানা। উনোদে না·আন আংখো ওয়াত্তেতজক ইন্নে হা·গিলসাকনি মান্দিরাং হা·আইখানা, আরো আংনা খা·সা গিত্তা বিসংনাবা খা·সাবো।

যোহননা 6:56

আংনি বে·এনখো আরো হান·চিখো চা·গিবা আংওন দংআ আরো আংআবা বিও দংআ।

রোমানরাংনা 5:5

ইয়া খা·দংআ আনচিংখো খ্রাচা·এতজা, মুয়ানা ইসল বিনি হন·গিবা গিসিক রংথালগিবাচা আনচিংনি খা·থংখো বিনি খা·সাচাক্কাচা গাপ্পেতজক।

1ম করিন্থীয়রাংনা 3:6

আংআ বিৎচ্রিখো গি·আমিং, আপল্লো উয়ো চি রুআমিং, ইন্দিবা ইসলান উখো দা·ল্লেতামিং।

1ম করিন্থীয়রাংনা 8:1

দা·আও আংআ মিত্তে বিমাংনা চিন·গিবা চা·আনি গিম্মিনো আগানিংজক। আনচিং হা·আইয়া, আনচিংনি গিম্মিকনি হা·আইয়া দংআ। হা·আইয়া মান্দিখো গাং·বিংএতা, ইন্দিবা খা·সাদে মান্দিখো থারিয়া।

2য় করিন্থীয়রাংনা 13:5

না·সং আন·থাংথাংখো নিফিলে নিবো না·সং বিবিন খ্রীষ্টখো বিবিরা·আমা রা·খুজা। না·সং আন·থাংথাংখো নাম্মেদাক্কে নিবো। খ্রীষ্ট যীশু না·সংনি খা·থংও দংআ, ইখো না·সং হা·আইজামা? ইন্দাকোবা নাম্মেদাক্কে নিয়ানি গিম্মিন জেদাক্কে না·সংনি খাকখেৎ হং·গিজাখো রিম·না মান·জা।

2য় করিন্থীয়রাংনা 6:16

আরো ইসলনি দংগিবা নকও মিত্তে বিমাংনি হা·দাম বাও? আনচিংদে থাংগিবা ইসলনি দংআনি নক হং·আ। রংথালগিবা শাস্ত্রও ইসল আগানজক, “আংআ আংনি মান্দিরাংনি গিসেপো দংনুয়া, আরো বিসংমুংআন রি·ফানুয়া। আংআ বিসংনি ইসল হং·নুয়া, আরো বিসং আংনি আন·থাংনি মান্দি হং·নুয়া।”

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

গালাতীয়রাংনা 5:6

মুয়ানা জেরাং খ্রীষ্ট যীশুনি হং·আ, বিসংচা বিগিল রাত্তা বা রাতগিজানি মামুং দামআন দংজা, বাত্তেসা জে বিবিরা·আ খা·সাচা কাম দাক্কা উয়া বিবিরা·আন চং·মত হং·আ।

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

কলসীয়রাংনা 2:7

খ্রীষ্টও জা·দিল সু·এ নাপ্পে বিনি গিসেপোন না·সং দাল·রোরোবো। না·সং স্খিয়াখো মা·ন্নে জেখো বিবিরা·জক উয়ো খেম·খেমে দংবো আরো ইসলখো সালাজ্রিং মিৎথেলে দংবো।

1 যোহন 4:16

ইসল আনচিংনা খা·সা ইখো আনচিং হা·আইয়া, আরো বিনি খা·সানি সাক্কাও আনচিংনি বিবিরা·আ দংআ। ইসল আন·থাংআন খা·সা হং·আ। খা·সাও জেআন দংআ বিয়া ইসলওন দংআ আরো ইসল বিও দংআ।

1 যোহন 4:4

ইন্দিবা বি·সারাং, না·সং ইসলনি। না·সং উয়া বু·এ চা·গিবারাংনি সাক্কাও হামজক, মুয়ানা ইয়া হা·গিলসাকো জেআন দংআ, উনা বাত্তে জেআন না·সংনি খা·থংও দংআ বিয়া দাল·বাতা।

ফারাকগিবা খাৎথা 3:20

নিবো, আংআ দ·গাচিল কেচ্চিও চাদেংএ দকথিকিংআ। সাবা আংনি খু·রাংখো খিন্নাএ দ·গা এংএ হ·ন্নোদে আংআ নিং·আচা বিচা রি·য়াংনুয়া আরো বিমুং চা·নুয়া-রিংনুয়া, আরো বিয়াবা আংমুং চা·নুয়া-রিংনুয়া।