ইফিষীয়রাংনা 3:16 - Garo New Testament

¹⁶ আংআ বি·না জেদাক্কে ইসলনি বন·চাংগিজা রাসং গিত্তা বিয়া না·সংনা ইন্দাকগিবা বিলখো র·ন্না জেদাক্কে গিসিক রংথালগিবাচা না·সংনি খা·থং বিল্লাকা,

ইফিষীয়রাংনা 3:16 Iomraidhean Croise

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

রোমানরাংনা 2:29

ইন্দিবা খা·থংও যিহূদী হং·গিবান খাকখেৎ যিহূদী হং·আ। খাকখেৎ বিগিল রাত্তানি কাম খা·থংওন হং·আ। উয়াদে গিসিকনি গিম্মিন হং·আ, চকগিবা নিয়াম মানিয়ানি হং·জা। ইন্দাকগিবা মান্দি মান্দিরাংচাখো মিৎথেলাখো মান·জা, ইন্দিবা ইসলচাখো মিৎথেলাখো মা·ন্না।

রোমানরাংনা 7:22

আংনি খা·থং ইসলনি নিয়ামনা হান·সেংআ;

রোমানরাংনা 9:23

দা·আবা বিয়া বিনি বন·চাংগিজা রাসংনি খাৎথাখোবা হা·আইএতনা হা·ম্মামিং। জেরাংনা বিয়া খা·সাচাক্কা বিসংনা বিয়া বিনি রাসংখো মান·খানা স্খাংআন থারিসোএ দন্নামিং।

1ম করিন্থীয়রাংনা 16:13

না·সং সিমসাকবো, বিবিরা·আও খেম·খেম দংবো, খেনমানগিজাগিবা আরো বিল্লাকগিবা হং·বো।

2য় করিন্থীয়রাংনা 12:9

ইন্দিবা বিয়া আংনা আগানজক, “আংনি খা·সাচাক্কান নাং·না চু·ওংআ, মুয়ানা বিলগ্রিওন আংনি বিল চু·গিম্মিক দাক্কে ফারাকা।” উনি গিম্মিন আংনি বিলগ্রিনা আংআ খুসি হং·বিএন রাসং দাকনুয়া, জেদাক্কে খ্রীষ্টনি বিল আংনি সাক্কাও দংআ।

2য় করিন্থীয়রাংনা 4:16

ইনি গান্দা চিংআ খা·দংআগ্রি হং·জা। চিংনি হা·ফালনি বে·এন ব·ন্নাংওবা চিংনি নিং·আনি মান্দি সালনি সাল গিত্তাল হং·বারিকরিকিংআ।

ইফিষীয়রাংনা 1:18

আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 2:7

বিয়া ইন্দাকা কামরাংখো দাকজক জেদাক্কে বিয়া বিনি বন·চাংগিজা খা·সাচাক্কাখো রি·বাগিবা চাসংরাংনা ফিন্নিকনা মা·ন্না। বিয়া খ্রীষ্ট যীশুও আনচিংনা খা·সাচাক্কে জেখো দাকজক উয়োন বিনি ইয়া খা·সাচাক্কা ফারাকজক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 6:10

বন·চতাও আগান্না, গিত্তেলমুং নাংরিমে বিনিন রন·গিবা বিলও বিল্লাকগিবা হং·বো।

ফিলিপীয়রাংনা 4:13

জেআন আংনা বিলখো র·ন্না বিচান আংআ গিম্মিকখো দাকনা মা·ন্না।

ফিলিপীয়রাংনা 4:19

আরো উনি গিম্মিন ইসল খুসি হং·আ। আংনি ইসল বিনি রাসংগ্মাং বন·চাংগিজা গামনি খ্রি খ্রীষ্ট যীশুও না·সংনি গিম্মিক নাংআখো চু·সকেতনুয়া।

কলসীয়রাংনা 1:11

ইন্দাকে হং·না মা·ন্না, মুয়ানা ইসল বিনি বিল গিম্মিকচা না·সংখো বিল্লাকেতিংজক জেদাক্কে সালাজ্রিং না·সং হান·সেংএ চাকচিকে গিম্মিকখো চাক্কা আরো ফাগিবা ইসলখো মিৎথেলা। সেং·আনি সংনকো ইসলনি মান্দিরাং জে বিলখো মা·ন্নুয়া উখো মান·রিকনা বিয়া না·সংখো খ্রাগিবা দাকজক,

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

ইব্রীয়রাংনা 11:34

ওয়া·আলনি বিলখো খিমিতামিং, মি·ল্লামচা সু·আওনি জক্কামিং, বিলগ্রি হং·এবা বিল্লাকামিং, দাকগ্রিকাও বিলখো ফিন্নিকামিং আরো হা·সং গিপ্পিননি সিপাইনি দলরাংখো হা·রিকেতামিং।

পিতর 3:4

বাত্তেসা জেনি নিথুয়া ব·ন্নাংজানুয়া উয়া ন·ম্মা আরো থম·থম দাকগিবা গিসিক-বেওয়ালচা না·সংনি খা·থংখো সাজাইবো। ইসলনি মিক্রোনও উয়ান গামচাৎবিয়া।