ইফিষীয়রাংনা 3:1 - Garo New Testament

¹ ইনি গিম্মিন আংআ পৌল ইসলচা বি·ইংজক। না·সং জেরাং গিপ্পিন জাত হং·আ না·সংনান আংআ খ্রীষ্ট যীশুনি বন্দি হং·জক।

ইফিষীয়রাংনা 3:1 Iomraidhean Croise

লূকনি চকগিবা নাম্মা খাৎথা 21:12

“ইয়া গিম্মিক হা·সেলরাং হং·না স্খাং মান্দিরাং না·সংখো রিম·নুয়া আরো না·সংখো দুক হ·ন্নুয়া। বিচাল দাকনা ইন্নে মান্দিরাং না·সংখো থম·দাকরামচা রা·আংনুয়া আরো জেলো দন্নুয়া। আংনি গিম্মিন রাজারাংনি আরো শাসন দাকগিবারাংনি মিকখাংচানা না·সংখো রিম্মাংনুয়া,

ওয়াত্তেতারাংনা 21:33

উনোন সুবিদার রি·বাএ পৌলখো রিম·জক আরো গি·গ্মি জেংজুলচা বিখো খানা গি·য়েৎজক। উনি জা·মানো বিয়া সিং·জক, “ইয়া মান্দি সা? বিয়া মুয়াখো দাক্কা?”

ওয়াত্তেতারাংনা 23:18

উনোন উয়া সুবিদার উয়া ফান্থ্থিখো কমান্ডারচা রিম্মাংএ আগানজক, “বন্দি পৌল আংখো রিংগামে ইয়া ফান্থ্থিখো নাং·চা রিমবাখানা আগানা, মুয়ানা নাং·চা বিনি আগানানি দংআনা।”

ওয়াত্তেতারাংনা 26:29

পৌল আগানজক, “সাল বাং·জাখানা বা বাং·খানা, আংআ ইসলচা ইন্দাকে বি·আ, না·আসান হং·জা, ইন্দিবা ইয়া জেংজুলনি আগ্রে, দা·আলো আংনি খাৎথাখো খিন্নাগিবা গিম্মিকান আং গিত্তা হং·খানা।”

ওয়াত্তেতারাংনা 9:15

ইন্দিবা গিত্তেল অননিয়না আগানজক, “না·আ রি·য়াংবো, মুয়ানা গিপ্পিন জাতরাংচা আরো বিসংনি রাজারাংচা আরো ইস্রায়েলনি মান্দিরাংচা আংনি গিম্মিন আগানফ্রাকনা আংআ ইয়া মান্দিখোন বাচ্ছিয়ে রা·জক।

2য় করিন্থীয়রাংনা 1:6

চিংআ জে দুকখো চাক্কা উখো না·সংখো খা·নাম্মেতনা আরো জক্কেৎনা মিকসংএন চাক্কা। জে খা·নাম্মেতাখো চিংআ মা·ন্না উখো না·সংখো খা·নাম্মেতনা মিকসংএন মা·ন্না। জেনসালো না·সং চিং গিত্তা দাক্কে আপসান দুকখো চাকনুয়া উনো ইয়া খা·নাম্মা উয়া দুকরাংখো চাকচিকে চাকনা দাকচাকনুয়া।

2য় করিন্থীয়রাংনা 10:1

খ্রীষ্টনি সনথল আরো খা·সাচাকগিবা খা·থংনি খাৎথাখো গিসিক রা·এ আংআ পৌল আন·থাংআন না·সংখো মল·মলিংজক। মান্দিরাং আগানা, আংআ না·সংমুং দংমিত্তিংও খেনসিক খেনসিক দাক্কে দংআ, ইন্দিবা দংজামিত্তিংওদে খেনমানগিজাগিবা হং·আ।

2য় করিন্থীয়রাংনা 11:23

বিসং খ্রীষ্টনা দাকচাকে হন·গিবা হং·আমা? আংআ আরোবা বাং·এ দাক্কে উয়ান হং·আ। গিসিকো রা·রিকবো, আংআ খোরে মান্দি গিত্তা খাৎথা আগানিংআ। খ্রীষ্টনা দাকচাকে হ·ন্না রি·য়াংএ আংআ বিসংনা বাত্তে বাং·এ বিমচিপজক, বাং·এ জেলো দংজক, আরোবা বাং·এ দক্কা চা·জক, রাং·নিরাং সিনা গিত্তিক হং·জক।

গালাতীয়রাংনা 5:11

জংআদারাং, দা·আওবা আংআ ইন্দাকে আগানফ্রাকোদে, মান্দিরাং বিগিল রাতনা নাংআ ইন্দাকোদে দা·আওবা মুয়ানা আংখো গিচ্চিয়েতিংজক? ইন্দাকোদে চিসলনি সাক্কাও খ্রীষ্টনি সিয়ানি চাংফেংআ দংজাজক।

গালাতীয়রাংনা 5:2

আংআ পৌল না·সংনা আগানিংজক, খিন্নাবো-না·সংখো বিগিল রাত্তান হং·ওদে না·সংচা খ্রীষ্টনি মামুং দাম দংজা।

গালাতীয়রাংনা 5:24

জেরাং খ্রীষ্ট যীশুনি, বিসং বিসংনি পাপ-বেওয়ালখো উনি গিম্মিক নামগিজা হা·সিকাখো চিসলো দাৎখাপে ব·ন্নেতজক।

ইফিষীয়রাংনা 3:11

ইয়ান বিনি ফাংনাজলনি হা·সিকামিং, আরো উয়া হা·সিকাখো বিয়া আনচিংনি গিত্তেল খ্রীষ্ট যীশুও চু·সকেতজক।

ইফিষীয়রাংনা 3:13

ইনি গিম্মিন আংআ মল·মলিংআ, না·সংনা আংআ দুকরাংখো চাক্কিংজক ইন্নে না·সং দা·আ খেনমানাবো, মুয়ানা না·সংনি রাসংনান উরাং হং·ইংজক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ইফিষীয়রাংনা 6:20

ইয়া নাম্মা খাৎথাখো আগানফ্রাকনা ইন্নে আংখো জেংজুলচা খাএ দন্নোবা আংআ খ্রীষ্টনি সা·গ্রেনি কামখো দাক্কিংজক। বি·বো জেদাক্কে জেলো দংএ জেগিত্তা উয়া নাম্মা খাৎথাখো আংনি আগানফ্রাকনা নাংআ উগিত্তা খেনমানগিজা উখো দাকনা মা·ন্না।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

কলসীয়রাংনা 1:24

না·সংনা আংআ জে দুকখো চাক্কিংজক উয়ো আংআ হান·সেংআখোন মা·ন্নিংজক। খ্রীষ্টনি বে·এননা, আগানস্খাওদে মন্ডলীনা বিনি দা·আওবা জে দুক চাকনা দংখুংআ উখো আংআ আংনি বে·এনোন চু·সকেতিংজক।

কলসীয়রাংনা 4:18

আংআ পৌল জাকথাংচা ইয়া সালামনি খাৎথাখো চক্কিংজক। গিসিক রা·রিকবো, আংআ বন্দি হং·এ দংআ। ইসল না·সংনা খা·সাচাকখানা।

কলসীয়রাংনা 4:3

আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।

2 তীমথিয় 1:16

অনীষিফরনি নকনি সাক্কাও গিত্তেল খা·সাচাকখানা; বিয়া বাং·এন আংখো খা·দংএতজক, আরো আংনি বন্দি হং·আনা বিয়া খ্রাচা·জাজক।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

ফিলীমনা 1:1

আংআ পৌল খ্রীষ্ট যীশুও বন্দি হং·জক। আংআ আরো চিংনি বিবিরা·গিবা জং তীমথিয় চিংনি খা·সাগিবা রিপ্পেং আরো কাম রিম·ফাগিবা ফিলীমনচা,

ফিলীমনা 1:23

ইপাফ্রা নাং·না সালাম র·ন্নিংআ; বিয়া খ্রীষ্ট যীশুনা আংমুং বন্দি হং·এ দংআ।

ফিলীমনা 1:9

ইন্দাকোবা উখো দাকগিজা খা·সানি গিম্মিন আংআ নাং·খো মল·মলিংআ। সাকসা বুদেফা হং·এ আরো দা·আওরোরো খ্রীষ্ট যীশুনা বন্দি হং·এ আংআ পৌল নাং·চা আংনি বি·সা ওনীষিমনা মল·মলিংআ। জেলো আংনি বন্দি হং·এ দংমিত্তিংও বিয়া বিবিরা·গিবা হং·এ আংনি বি·সা হং·জক।

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।