ইফিষীয়রাংনা 2:4 - Garo New Testament

⁴ ইন্দিবা ইসল খা·সাচাক্কাও চু·সকগিবা হং·আ; বিয়া আনচিংখো নাম্মেন খা·সাআ।

ইফিষীয়রাংনা 2:4 Iomraidhean Croise

রোমানরাংনা 10:12

যিহূদী আরো যিহূদী হং·গিজারাংনি গিসেপো দিংথাংগ্রিকানি দংজা, মুয়ানা গিম্মিকনি গিত্তেল আপসান। জেরাং বিখো রিক্কামা বিসংনা বিয়া বাং·এন ফাত্তিয়াখো হ·ন্না।

রোমানরাংনা 2:4

না·আদে ইসলনি বন·চাংগিজা খা·সাচাক্কাখো আরো চাকচিকাখো চন্নিকিংআ। পাপওনি নাং·খো গিসিক ফি·ল্লেতনা মিকসংএ ইসল খা·সাচাক্কা, ইখো না·আ গুয়ালজক।

রোমানরাংনা 5:8

ইন্দিবা ইসল আনচিংনা খা·সাআ, উখো খ্রীষ্ট আনচিংনি পাপী দংমিত্তিংওন সিচাকে ফিন্নিকজক।

রোমানরাংনা 9:23

দা·আবা বিয়া বিনি বন·চাংগিজা রাসংনি খাৎথাখোবা হা·আইএতনা হা·ম্মামিং। জেরাংনা বিয়া খা·সাচাক্কা বিসংনা বিয়া বিনি রাসংখো মান·খানা স্খাংআন থারিসোএ দন্নামিং।

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 2:7

বিয়া ইন্দাকা কামরাংখো দাকজক জেদাক্কে বিয়া বিনি বন·চাংগিজা খা·সাচাক্কাখো রি·বাগিবা চাসংরাংনা ফিন্নিকনা মা·ন্না। বিয়া খ্রীষ্ট যীশুও আনচিংনা খা·সাচাক্কে জেখো দাকজক উয়োন বিনি ইয়া খা·সাচাক্কা ফারাকজক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

2 থিষলনীকীয়রাংনা 2:13

গিত্তেলনি খা·সাগিবা আংনি জংআদারাং, না·সংনা ফাংনান ইসলখো চিংআ মিৎথেলনা নাংআ, মুয়ানা পাপওনি জকনা ইসল স্খাংওনিন না·সংখো বাচ্ছিয়ে রা·জক। গিসিক রংথালগিবাচা ইসলনি গিম্মিন না·সংখো দিংথাং দাক্কে দন্নাও আরো নাম্মা খাৎথানি বিবিও না·সংনি বিবিরা·আও না·সং পাপওনি জক্কাখো মান·জক।

1 তীমথিয় 1:14

আনচিংনি গিত্তেল আংনা চৎচাংগিজা খা·সাচাকজক আরো খ্রীষ্ট যীশুমুং নাংরিমানি গিম্মিনো জে বিবিরা·আ আরো খা·সা রি·বাআ উখো হন·জক।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,