ইফিষীয়রাংনা 2:3 - Garo New Testament

³ আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

ইফিষীয়রাংনা 2:3 Iomraidhean Croise

মার্ক 4:19

ইন্দিবা নকদাংনা চানচিয়ারাং, গামজিননা খা·ফাকা আরো গিপ্পিন গিপ্পিন বস্তুরাংনা মাদ্দুুয়া ইরাং উয়া খাৎথাখো দিকফ্রিপা,

যোহননা 1:13

ইয়া মান্দিরাং হান·চিওনি আৎচিজা, বে·এননি বা মি·আসা মান্দিনি হা·সিকাওনিবা হং·জা, ইন্দিবা ইসলোনিসা হং·আ।

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

ওয়াত্তেতারাংনা 14:16

স্খাংও গিম্মিক জাতখোন বিয়া বিসংনি হা·সিকা গিত্তা রি·না হন·জক,

রোমানরাংনা 1:24

ইনি গিম্মিন ইসল মান্দিখো বিনি খা·থংনি হা·সিকা গিত্তা মাংনামগিজা কামখো দাকনা হন·জক। ইনি হা·সেল বিসং সাকসা সাকগিপ্পিনমুং মাংনামগিজা কামখো দাক্কে আন·থাংনি বে·এনথাংথাংখো চন্নিকজক।

রোমানরাংনা 11:30

না·সং স্খাংও ইসলখো মানিজামিং ইন্দিবা যিহূদীরাংনি মানিজানি গিম্মিন দা·আও ইসলনি খা·সাচাক্কাখো মান·জক,

রোমানরাংনা 13:14

না·সং বা·রা গিত্তা দাক্কে গিত্তেল যীশু খ্রীষ্টচা আন·থাংথাংখো ফিনদাপবো; পাপ-বেওয়ালনি হা·সিকাখো চু·সকেৎনা দা·আ গিসিক হ·ন্নাবো।

রোমানরাংনা 2:14

গিপ্পিন জাতরাং মোশিনি নিয়ামখো মান·জা, ইন্দাকোবা বিসং আন·থাংথাংআন নিয়াম গিত্তা কাম দাক্কোদে নিয়ামখো মান·জাওবা বিসং আন·থাংআন আন·থাংনি নিয়াম হং·আ।

রোমানরাংনা 5:10

আনচিং ইসলনি বোবিল দংমিত্তিংও বিনি দেফান্থিনি সিয়াওন বিমুং আনচিং নাংরিমজক। ইন্দাকে নাংরিমজক ইন্নে খ্রীষ্টনি সিচাকানা আনচিং পাপওনি জক্কাখো মান·বিবিনুয়া।

রোমানরাংনা 5:9

ইন্দিদে খ্রীষ্টনি হান·চিচা আনচিংখো দোসগ্রি ইন্নে রা·চাকোদে আনচিং খ্রীষ্টওন ইসলনি শাস্তিওনি জক্কাখো মান·বিবিনুয়া।

রোমানরাংনা 6:12

ইনি গিম্মিন সিয়ানি নিং·আও দংগিবা না·সংনি ইয়া বে·এননি সাক্কাও পাপখো দা·আ শাসন দাকনা হ·ন্নাবো। হ·ন্নোদে না·সংনি বে·এননি নামগিজা হা·সিকানি নিং·আওন না·সং রি·নুয়া।

রোমানরাংনা 7:18

আংআ হা·আইয়া, আংনি পাপ-বেওয়ালও নাম্মানি মামুংবা দংজা। নামবিবিয়াখো দাকনা আংআ হা·সিকা ইন্দিবা বিল দংজা।

রোমানরাংনা 9:22

উয়ানদাক্কেন ইসল বিনি খা·আওনাংআ আরো বিলখো ফিন্নিকনা হা·ম্মামিং; ইন্দাকোবা জে মান্দিরাংনি সাক্কাও বিনি খা·আওনাংআখো ফারাকনুয়া, বিসংখো বিয়া নাম্মেন চাকচিকজক। ব·ন্নাংআন ইয়া মান্দিরাংনি মিংসা মা·মাং মা·ন্নানি হং·আমিং।

1ম করিন্থীয়রাংনা 4:7

গিপ্পিনরাংনা বাত্তে নাং·খো মংসংগিবা দাক্কে দারাংবা চানচিজা। নাং·নি ইন্দাকগিবা মুয়া দংআ জেখো না·আ হ·ন্নানি গিত্তা মান·জা? আরো না·আ মা·ন্নেন দংওদে মান·খুজা ইন্নে মুয়ানা রাসং দাক্কিংআ?

2য় করিন্থীয়রাংনা 7:1

খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

গালাতীয়রাংনা 3:22

ইন্দিবা রংথালগিবা শাস্ত্র মান্দি গিম্মিকখো পাপনি হা·সেল দোসি ইন্নে থিক দাকজক, জেদাক্কে যীশু খ্রীষ্টখো জেরাং বিবিরা·আ বিসং বিসংনি উয়া বিবিরা·আনি গিম্মিন খু·রাচাকগিবা ফাত্তিয়াখো মা·ন্না।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

কলসীয়রাংনা 1:21

সালসাদে না·সং ইসলচানি চে·ল্লে দংআমিং আরো বিনি সাক্কাও না·সংনি গিসিকো বোবিল দাক্কা দংআমিং। না·সংনি নামগিজা কামরাংও উয়া ফারাকা হং·জক।

1 থিষলনীকী 4:13

জংআদারাং, জেরাং সিজক বিসংনি মুয়া হং·নুয়া উখো না·সং হা·আইজাখানা ইখো চিংআ হাম·জা, জেদাক্কে জেরাংনি গিসিকো মামুং খা·দংআনি দংজা বিসং গিত্তা দাক্কে না·সং দুকও গা·আকজা।

1 থিষলনীকী 5:6

উনি গিম্মিন গিপ্পিনরাং গিত্তা জেদাক্কে আনচিং থুজা, বাত্তেসা মিকরাকে দংআ আরো আন·থাংথাংখো বাম্মেতে দন্না।

1 তীমথিয় 6:9

ইন্দিবা জেরাং মা·ন্নে চা·গিবা হং·না হা·ম্মা বিসং বাং·আ রুরাও আরো জা·গাও গা·আকা, আরো ইন্দাকা নামগিজাস্রাং হা·সিকা বিসংনি হং·আ জেরাং মান্দিখো ব·ন্নেতাও আরো হং·সিয়াও গাল্লেতা।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

পিতর 1:14

ইসলনি নিং·আও বাম্মে দংগিবা বি·সা গিত্তা না·সং না·সংনি স্খাংনি নামগিজা হা·সিকা গিত্তা জাংগিখো দা·আ মিৎথাংআবো; উনোদে না·সং ইসলখো হা·আইজামিং।

২ পিতর 2:14

বিসংনি মিক্রোন থি·ল্লেকাও গাপ্পা আরো বিসং পাপ দাক্কাখো দনথংজা। গিসিক খেম·খেম দংগিজাগিবারাংখো বিসং মাদ্দুএতি ব্রাংগিবা রামাচানা রিম্মাংআ। বিসংনি খা·থং মাদ্দুনাসান ্লিংআ। বিসংনি সাক্কাও শাপ দংআ। বিসং স্রংআ রামাখো দন্নে ব্রাংআ রামাচা রি·য়াংজক।

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

1 যোহন 2:16

মুয়ানা হা·গিলসাকো জেরাং দংআ- বে·এননি হা·সিকা, মিক্রোননি মাদ্দুয়া আরো নকদাংনি বিদিংও গাং·বিংআ-ইরাং মামুংআন ফাগিবাওনি রি·বাজা, হা·গিলসাকওনিন রি·বাআ।

1 যোহন 2:8

ইন্দিদে ইয়া জে গি·য়েতানি খাৎথাখো দা·আও আংআ না·সংচা চক্কিংআ উয়া গিৎচাম হং·ওবা গিত্তাল। ইয়া গি·য়েতানি বিবিখো যীশু খ্রীষ্টও আরো না·সংনি জাংগিও নিকনা মান·জক, মুয়ানা আন্দালা গিম্মাংজক আরো উয়া চং·মত সেং·আ দা·আও চিং·ইংআ।