ইফিষীয়রাংনা 2:2 - Garo New Testament

² হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 2:2 Iomraidhean Croise

মথিনি চকগিবা নাম্মা খাৎথা 11:19

আরো মান্দিনি দেফান্থি রি·বাএ চা·জক রিংজক ইন্নে মান্দিরাং আগানিংআ, ‘হাইওয়া নিবো, চা·ফেকগিবা আরো আংগুর বিৎচিখো রিংফেকগিবা, খাজিনা গিলগিবা আরো নামগিজা মান্দিরাংনি রিপ্পেং।’ ইন্দিবা হা·আইয়া আন·থাংনি কামরাংচান খাকখেৎ হং·আখো ফিন্নিকজক।’’

মথিনি চকগিবা নাম্মা খাৎথা 13:22

বুসুগ্রিমো গা·আকগিবা বিৎচ্রিচা বিসংখোন আগানজক জেরাং উয়া খাৎথাখো খিন্না, ইন্দিবা নকদাংনা চানচিয়ারাং আরো গামজিননা খা·ফাকারাং উয়া খাৎথাখো দিকফ্রিপে দন্না। উনি গিম্মিন উনো মামুং বিথি নাংজা।

মথিনি চকগিবা নাম্মা খাৎথা 13:38

হা·বাদে ইয়া হা·গিলসাক, আরো সালগিনি মান্দিরাংদে নামগিবা বিৎচ্রি। সামবিথিদে শয়তাননি মান্দিরাং।

মার্ক 4:19

ইন্দিবা নকদাংনা চানচিয়ারাং, গামজিননা খা·ফাকা আরো গিপ্পিন গিপ্পিন বস্তুরাংনা মাদ্দুুয়া ইরাং উয়া খাৎথাখো দিকফ্রিপা,

লূকনি চকগিবা নাম্মা খাৎথা 16:8

উয়া নকখল বিবিগিজাগিবা হং·ওবা বুদ্ধি দাক্কে কাম দাক্কানি হা·সেলো নকগিবা বিখো মিৎথেলজক। ইয়োন হা·আইনা মা·ন্না, ইয়া হা·গিলাসাকনি মান্দিরাং আন·থাং গিত্তা দাকগিবা মান্দিরাংমুং দাকবেওয়ালরাংও সেং·আনি মান্দিরাংনা বাত্তে বুদ্ধিগ্মাং হং·আ।

লূকনি চকগিবা নাম্মা খাৎথা 22:31

“শিমোন, শিমোন, নিবো, শয়তান না·সংখো গমখো চালুনিও চালিয়া গিত্তা চালি নিনা ইন্নে বি·জক।

যোহননা 12:31

ইয়া হা·গিলসাকনি মান্দিরাংখো বিচাল দাক্কানি সাল দা·আও সকবাজক, আরো হা·গিলসাকখো শাসন দাকগিবাখো দা·আও হা·রিকেতনুয়া।

যোহননা 13:2

উনো চা·মিত্তিংমিং। শয়তান ইনা স্খাংআন যীশুখো বোবিলরাংনি জাক্কো রি·ম্মে হ·ন্না শিমোননি দেগিবা যিহূদা ইষ্কারিয়োতনি গিসিকো হা·সিকেতজক।

যোহননা 13:27

রুটিখো রা·আনি জা·মানোন শয়তান যিহূদানি নিং·আও নাপজক। যীশু বিনা আগানজক, “জেখো দাকনা হা·ম্মা উখো বিকবিক দাকবো।”

যোহননা 14:30

আংআ না·সংমুং বাং·এ আগানগ্রিকজানাজক, মুয়ানা হা·গিলসাকনি নকগিবা রি·বাংজক। আংনি সাক্কাও বিনি বিল দংজা।

যোহননা 15:19

না·সং ইয়া হা·গিলসাকনি হং·ওদে মান্দিরাং বিসংনি আন·থাংনি মান্দি ইন্নে না·সংনা খা·সানুয়ামিং। ইন্দিবা না·সং ইয়া হা·গিলসাকনি হং·জা, বাত্তেসা আংআ হা·গিলসাকনিখো না·সংখো বাচ্ছিয়ে রা·জক ইন্নে হা·গিলসাকনি মান্দিরাং না·সংনা মিৎচিয়া।

যোহননা 16:11

বিচালনি গিম্মিন সিমসাকেতনুয়া, মুয়ানা হা·গিলসাকনি নকগিবানি বিচাল হং·জক।

যোহননা 7:7

হা·গিলসাকনি মান্দিরাং না·সংখো মিৎচিনা মান·জা ইন্দিবা আংখোন মিৎচিয়া, মুয়ানা বিসংনি গিম্মিক কামআন নামজা ইন্নে আংআ বিসংনি গিম্মিন সাক্ষি হ·ন্না।

যোহননা 8:23

যীশু বিসংনা আগানজক, “আংআ সাক্কাওনি রি·বাআ আরো না·সং খা·মাওনি রি·বাজক। না·সং ইয়া হা·গিলসাকনি হং·আ, ইন্দিবা আংআ ইয়া হা·গিলসাকনি হং·জা।

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

ওয়াত্তেতারাংনা 19:35

বন·খামও সংজিলমানি কাম রিম·গিবা সাকসা মান্দিরাংখো স্রক দাক্কেতি আগানজক, “ইফিষীয় মান্দিরাং, ইখো গিম্মিকান হা·আইয়া, দাল·গিবা আর্তেমিস মিত্তে মিচিকখো অলাখিগিবা নকখো আরো সিলগাওনি বিনি গা·আকগিবা মিত্তে বিমাংখো রাক্ষিগিবা হং·জক ইফিষ সংজিলমা।

ওয়াত্তেতারাংনা 5:3

উনোন পিতর আগানজক, “অননিয়, বাদিকে দাক্কে শয়তান নাং·নি গিসিকখো মান·জক, না·আ গিসিক রংথালগিবানা বু·এ আগানজক আরো হা·বা ফাল্লানি থাংখানিখো মিত্তাম থাংখা আন·থাংনা রা·রিকজক?

রোমানরাংনা 12:2

ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

1ম করিন্থীয়রাংনা 5:10

ইয়া হা·গিলসাকনি নামগিজা মান্দি, মাদ্দুগিবা, বু·এ চা·গিবা বা জেরাং মিত্তে বিমাংখো হামুয়া বিসংখোদে আংআ আগানজা, মুয়ানা উনোদে না·সং ইয়া হা·গিলসাকনি হা·ফালও রি·য়াংনা নাংনুয়া।

1ম করিন্থীয়রাংনা 6:11

না·সংও সাবা সাবা উয়ানদাকগিবান হং·আমিং, ইন্দিবা গিত্তেল যীশু খ্রীষ্টও আরো আনচিংনি ইসলনি গিসিকও না·সংখো সু·গালে থাল্লেতজক, ইসলনা মিংএ দিংথাং দাক্কেতজক আরো দোসগ্রি ইন্নে রা·চাকজক।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

ইফিষীয়রাংনা 1:21

সালগিসাকো জেরাংনি জাক্কো গিম্মিক শাসন আরো বিলরাং দংআ বিসংখো বিয়া খ্রীষ্টনি নিং·আও দনজক। আরো জেনা জে বিমুংখোন দনখানা, উয়া ইয়া চাসংওন হং·খানা বা রি·বাগিবা চাসংওন হং·খানা, গিম্মিক বিমুংনি সাক্কাও খ্রীষ্টনি বিমুং দংআ।

ইফিষীয়রাংনা 2:11

আৎচিয়া গিত্তাদে না·সং যিহূদী হং·জা। জাকচা বে·এনো জেরাংখো বিগিল রাতজক, আগানস্খাওদে জেরাং আন·থাংথাংখো বিগিল রাতগিবা মান্দি ইন্নে আগানে দংআ বিসং না·সংখো বিগিল রাতগিজা মান্দি ইন্নে আগানা।

ইফিষীয়রাংনা 2:13

চেংও না·সং চে·ল্লাও দংআমিং, ইন্দিবা খ্রীষ্ট যীশুমুং নাংরিমজক ইন্নে না·সংখো দা·আও বিনি হান·চিচা সেফাংচানা রা·বাজক।

ইফিষীয়রাংনা 2:3

আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

ইফিষীয়রাংনা 4:17

ইনি গিম্মিন আংআ আগানিংজক, আরো গিত্তেলনি হং·এ মংসংবাত্তেন আগানিংজক- গিপ্পিন জাতরাং জেদাক্কে নামগিজা চানচিয়াও বিসংনি জাংগিখো মিৎথাংআ না·সং উগিত্তাদে জাংগিখো দা·আ মিৎথাংআবো।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

ইফিষীয়রাংনা 5:6

বু·আ খাৎথারাংচা সাবা না·সংখো ব্রাংগিবা রামাচানা রিম্মাংজাখানা, মুয়ানা জেরাং মানিগিজা উয়া কামরাংখো দাক্কা ইসলনি শাস্তি বিসংনি সাক্কাও রি·বাআ।

ইফিষীয়রাংনা 5:8

মুয়ানা স্খাংও না·সং আন্দালাও দংওবা দা·আওদে গিত্তেলমুং নাংরিমে সেং·আওনা রি·বাজক। সেং·আও চু·সকগিবা মান্দিনি জেগিত্তা রি·না নাংআ না·সং উগিত্তা রি·বো,

ইফিষীয়রাংনা 6:12

আনচিংনি ইয়া দাকগ্রিকা মান্দিনি সাক্কাওদে হং·জা, বাত্তেসা উয়া আন্দালানি সংনকখো শাসন দাকগিবা আরো বিলখো মান·রিকগিবারাংনি সাক্কাও, আন্দালা হা·গিলসাকনি বিল্লাকগিবা গিসিকরাংনি সাক্কাও, আরো সিলগানি গিম্মিক গিসিক নামগিজাগিবারাংনি সাক্কাও।

কলসীয়রাংনা 1:21

সালসাদে না·সং ইসলচানি চে·ল্লে দংআমিং আরো বিনি সাক্কাও না·সংনি গিসিকো বোবিল দাক্কা দংআমিং। না·সংনি নামগিজা কামরাংও উয়া ফারাকা হং·জক।

2 তীমথিয় 4:10

মুয়ানা দীমা দা·আওনি হা·গিলসাকখো নামনিকে আংখো ওয়াত্তে থিষলনীকীচা রি·য়াংজক। ইনাআগ্রেবা ক্রীষ্কেন্ত গালাতিয়াচা আরো তীত দালমাতিয়াচা রি·য়াংজক;

যাকোব 1:27

রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।

যাকোব 1:7

ইন্দাকগিবা মান্দিদে ইসলচাখো মামুংখোবা মা·ন্না খা·দংজাখানা।

যাকোব 4:4

বিবিরা·গিজাগিবা মান্দিরাং! হা·গিলসাকনি রিপ্পেং হং·আদে ইসলনি বোবিল হং·আ, ইখো না·সং হা·আইজামা? উনি গিম্মিন জে মান্দি হা·গিলসাকনি রিপ্পেং হং·না হা·সিকা বিয়াদে আন·থাংখো ইসলনি বোবিল দাক্কে থারিয়ে রা·আ।

পিতর 1:14

ইসলনি নিং·আও বাম্মে দংগিবা বি·সা গিত্তা না·সং না·সংনি স্খাংনি নামগিজা হা·সিকা গিত্তা জাংগিখো দা·আ মিৎথাংআবো; উনোদে না·সং ইসলখো হা·আইজামিং।

পিতর 4:3

জেরাং ইসলখো হা·আইজা বিসং গিত্তা না·সংবা স্খাংওদে নামজাস্রাংখো দাক্কে, নামগিজা হা·সিকারাংও দংএ, চু ফেক্কে, জেজাকবিয়ে চু রিংএ আরো চা·এ-রিংএ আরো মিৎচিয়ানি মিত্তে বিমাংখো হামুয়ে বাং·আ সময় রি·য়াংএতনুয়ামিং।

২ পিতর 2:14

বিসংনি মিক্রোন থি·ল্লেকাও গাপ্পা আরো বিসং পাপ দাক্কাখো দনথংজা। গিসিক খেম·খেম দংগিজাগিবারাংখো বিসং মাদ্দুএতি ব্রাংগিবা রামাচানা রিম্মাংআ। বিসংনি খা·থং মাদ্দুনাসান ্লিংআ। বিসংনি সাক্কাও শাপ দংআ। বিসং স্রংআ রামাখো দন্নে ব্রাংআ রামাচা রি·য়াংজক।

1 যোহন 3:10

জেরাং খ্রাগিবা কামও আন·থাংথাংখো বিমচিপে দনজা আরো জংআদানা খা·সাজা, বিসং ইসলনি হং·জা। ইয়োন নিকনা মা·ন্না, সারাং ইসলনি দেদ্রাং হং·আ আরো সারাংবা শয়তাননি দেদ্রাং হং·আ।

1 যোহন 3:8

জেআন পাপ দাক্কেন দংআরিয়া বিয়া শয়তাননি হং·আ, মুয়ানা শয়তান স্খাংওনিন পাপ দাক্কে রি·বাংজক। শয়তাননি কামখো ব·ন্নেতনা ইন্নেন ইসলনি দেফান্থি ফারাকামিং।

1 যোহন 4:4

ইন্দিবা বি·সারাং, না·সং ইসলনি। না·সং উয়া বু·এ চা·গিবারাংনি সাক্কাও হামজক, মুয়ানা ইয়া হা·গিলসাকো জেআন দংআ, উনা বাত্তে জেআন না·সংনি খা·থংও দংআ বিয়া দাল·বাতা।

1 যোহন 5:19

আনচিং হা·আইয়া আনচিং ইসলনি হং·আ, আরো হা·গিলসাক দিমদাক শয়তাননি বিলনি নিং·আও গা·আকে দংআ।

1 যোহন 5:4

মুয়ানা ইসলনি সাকফ্রাক বি·সা হা·গিলসাকখো হাম্মা। হা·গিলসাকনি সাক্কাও হাম্মা হং·জক আনচিংনি বিবিরা·আ।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 13:14

উয়া স্খাংগিবা মাৎবুরুংনি হং·এ জে আইয়াও ইনমানগিবা কামরাংখো দাকনা বিনা বিলখো হন·নামিং বিয়া উরাংখো দাক্কে মান্দিরাংখো ব্রাংগিবা রামাচানা রা·আংনা হা·বাচেংজক। স্খাংগিবা মাৎবুরুং জেআন মিল্লামচা মাত্তাখো মান·নেবা থাংএ দংআমিং, গ্মিগিবা মাৎবুরুং মান্দিরাংনা আগানজক জেদাক্কে বিসং বিনি গি·সা বিমাংখো থারিয়া।

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 16:17

জা·মানো স্নিগিবা সা·গ্রে বিনি দনচাক্রাখো বালওয়াও ফাক্কেতজক। উনো থরম নকনি সিংহাসনওনি রাক্কে ইয়া খাৎথারাংখো আগানা হং·জক, “জেআন হং·আনি উয়া হং·আংজক।”

ফারাকগিবা খাৎথা 20:2

বিয়া উয়া চিপ্পুখো, আগানস্খাওদে উয়া গিৎচাম চিপ্পু জেখো দিয়াবল বা শয়তান মিংআ বিখো রিম·মে বিলসি হাজালসানা খাজক আরো উয়া থিং·নাপগিবা হা·খলচা গাল্লেতজক। জা·মানো বিয়া উয়ো তালা হন·নে উনি সাক্কাও মোহর সু·জক, জেদাক্কে ইয়া বিলসি হাজালসা বন·জা দিপ্পাৎ ইয়া হা·গিলসাকনি জাতরাংখো আর ব্রাংআনি রামাচানা রা·আংনা মান·জা; উনি জা·মানো বিখো বাং·গিজা সালনা ওয়াত্তেতনুয়া।