ইফিষীয়রাংনা 2:19 - Garo New Testament

¹⁹ ইনি গিম্মিন না·সংখো হা·আইগিজানিবা হং·জা, গিপ্পিন হা·সংনিবা হং·জা; ইন্দিবা ইসলনি মান্দিরাংমুং না·সংবা বিনি সংনকনি আরো বিনি নকনি মান্দি হং·জক।

ইফিষীয়রাংনা 2:19 Iomraidhean Croise

মথিনি চকগিবা নাম্মা খাৎথা 10:25

স্নিংগিবা আন·থাং স্খিগিবা গিত্তা আরো নকখল আন·থাং নকগিবা গিত্তা আপসান হং·আন চু·য়োংআ। বিসং নকনি নকগিবাখোন বেল্‌সবূল মিংওদে, ইন্দাকোদে বাদিকে উনা বাতখালে নকনি গিপ্পিন মান্দিরাংখোবা বেল্‌সবূল মিংনুয়া!

গালাতীয়রাংনা 6:10

চলখো মান·জোকনোন আনচিং জেদাক্কে গিম্মিকনা, মংসংদে ইসলনি নকনি মান্দিরাংনা নাম্মাখো দাক্কা।

ইফিষীয়রাংনা 2:12

গিসিক রা·রিকবো, স্খাংও না·সং খ্রীষ্টওনি দিংথাং দংআমিং; ইস্রায়েল জাতনি জে বিল দংআ না·সং উয়া বিলনি হা·ফালও দংআমিং; ইস্রায়েল জাতনা ইসল জে গি·সা গি·গ্মি খু·রাচাক্কাগ্মাং নিয়ামখো দাক্কামিং উমুং না·সংনি মামুং নাংরিমা দংজামিং; না·সংনি মামুং খা·দংআ দংজামিং; আরো ইয়া হা·গিলসাকো না·সং ইসলগ্রিন দংআমিং।

ইফিষীয়রাংনা 3:6

উয়া নিং·থুয়া মিকসংআ হং·জক ইয়ান - নাম্মা খাৎথাচা গিপ্পিন জাতরাং খ্রীষ্ট যীশুমুং নাংরিমে যিহূদীরাংমুং আপসান চলখো মান·রিকগিবা হং·নুয়া, আপসান বে·এননি বাক হং·নুয়া, আরো আপসান খু·রাচাকগিবা ফাত্তিয়াখো মান·রিকগিবা হং·নুয়া।

ফিলিপীয়রাংনা 3:20

ইন্দিবা আনচিংনি চং·মত দংরামদে সালগিসা; উয়োনি আনচিংনি জক্কেৎগিবা গিত্তেল যীশু খ্রীষ্টনি রি·বানি সালনা আনচিং খা·দংএ সেংসোংআ।

ইব্রীয়রাংনা 11:13

ইয়া মান্দিরাং বিবিরা·আও জাংগি মিৎথাংএ সিজক। ইসল বিসংনা জেখো হ·ন্না খু·রাচাক্কামিং উখো বিসং মান·জা, ইন্দিবা চে·ল্লাওনি উখো নিক্কামিং আরো খুসিবা হং·আমিং। ইয়া হা·গিলসাকো বিসং হা·সং গিপ্পিননি আরো গিপ্পিন হা·সংও সংদংগিবা হং·আ উখো বিসং খু·রাচাক্কাবা খু·রাচাক্কামিং।

ইব্রীয়রাংনা 13:14

মুয়ানা ইনো আনচিংনি দংখামগিবা সংজিলমা দংজা; ইন্দিবা জে সংজিলমা সকবানুয়া উনা আনচিং সেংসোএ দংআ।

পিতর 2:11

খা·সাগিবা রিপ্পেংরাং, ইয়া হা·গিলসাকো না·সং হা·সং গিপ্পিননি মান্দি হং·আ আরো হা·সং গিপ্পিনো বাং·গিজা সালনা সংদংগিবা ইন্নে আংআ না·সংখো মংসংবাত্তে মল·মলিংআ, না·সং পাপ-বেওয়ালনি হা·সিকারাংওনি চে·ল্লে দংবো,

1 যোহন 3:1

নিবো, আপফা ইসল আনচিংনা বাসিক খা·সাআ! বিয়া আনচিংখো বিনি দেদ্রাং ইন্নে রিক্কামা, আরো চং·মতদে আনচিং উয়ান। ইনি গিম্মিন হা·গিলসাক আনচিংখো হা·আইজা, মুয়ানা হা·গিলসাক ইসলখোবা হা·আইজাজক।