ইফিষীয়রাংনা 2:18 - Garo New Testament

¹⁸ বিচান আপসান গিসিক রংথালগিবাচা ফাগিবাচা রি·য়াংআনি বিল আনচিংনি গিম্মিকনি দংআ।

ইফিষীয়রাংনা 2:18 Iomraidhean Croise

মথিনি চকগিবা নাম্মা খাৎথা 28:19

ইনি গিম্মিন না·সং রি·য়াংএ গিম্মিক জাতরাংনি মান্দিরাংখো আংনি জা·রিকগিবা থারিবো। ফাগিবানি, দেগিবানি আরো গিসিক রংথালগিবানি বিমুংও বিসংখো রিপ্পলেতবো।

যোহননা 10:7

উনি গিম্মিন যীশু দা·আবা আগানফিলজক, “আংআ না·সংনা বিবিন আগানিংআ, আংআন মেষরাংনি দ·গা হং·আ।

যোহননা 10:9

আংআন দ·গা। সাবা আং গিত্তা নিং·আচানা নাপবাওদে বিয়া জকনুয়া। বিয়া নিং·আচা রি·বানুয়া আরো হা·ফালচা রি·য়াংনুয়া আরো চা·আম্মানি হা·দামখো মা·ন্নুয়া।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

রোমানরাংনা 5:2

ইসলনি ইন্দাকা জে খা·সাচাক্কানি রামাও আনচিং দা·আও রি·ইংজক আনচিং খ্রীষ্টও বিবিরা·এ উয়ো সকজক। ইসলনি রাসংখো মা·ন্না খা·দংএ আনচিং খুসি হং·ইংআ।

রোমানরাংনা 8:15

না·সংদে নকখলনি গিসিকখো মান·জা জেনি হা·সেল খেন্নুয়া; জে না·সংখো দেদ্রাং হং·খানা বিল হন·জক না·সং উয়া ইসলনি গিসিকখো মান·জক। উনি গিম্মিনান ইসলখো আনচিং আপফা ইন্নে রিক্কামা।

1ম করিন্থীয়রাংনা 12:13

আনচিং যিহূদী বা যিহূদী হং·গিজাগিবা, নকখল বা জাকগিত্তেল হং·গিবা, দিমদাকান আপসান গিসিক রংথালগিবাচা আপসান বে·এনো রিপ্পলজক। আনচিং গিম্মিকান উয়া আপসান গিসিক রংথালগিবাখো মান·জক।

1ম করিন্থীয়রাংনা 8:6

ইন্দাকোবা আনচিংনাদে ইসল সাকসাসান দংআ। বিয়ান ফাগিবা; বিচানিন গিম্মিক রি·বাআ আরো বিনি গিম্মিনান আনচিং থাংএ দংআ। আরো গিত্তেলবা আনচিংনি সাকসাসান দংআ, বিয়ান যীশু খ্রীষ্ট। বিচান গিম্মিক রি·বাআ আরো বিচান আনচিং থাংএ দংআ।

গালাতীয়রাংনা 4:6

না·সং দেদ্রাং ইন্নেন ইসল বিনি দেফান্থিনি গিসিকখো না·সংনি খা·থংও দংনা ওয়াত্তেতজক। উয়া গিসিক ইসলখো আব্বা আব্বা, আগানস্খাওদে আপফা ইন্নে রিক্কামা।

ইফিষীয়রাংনা 3:12

খ্রীষ্টমুং নাংরিমে বিখো বিবিরা·আচা আনচিং ইসলনি মিকখাংও খেনমানগিজা চাদেংনা বিল মান·জক।

ইফিষীয়রাংনা 3:14

সালগি আরো হা·গিলসাকনি গিম্মিক জাংগিগ্মাংরাংনি দিংথাং দিংথাং নকনি গিম্মিকখো জেনি দেদ্রাং ইন্নে রিক্কামা উয়া আপফানি মিকখাংও আংআ বি·না জা·স্খু দে·ম্মিংজক।

ইফিষীয়রাংনা 4:4

ইসল না·সংখো রিক্কামজক ইন্নে না·সংনি গিসেপো মিংসাসান খা·দংআ দংআ, গি·সাসান বে·এন দংআ, সাকসাসান গিসিক রংথালগিবা দংআ,

ইফিষীয়রাংনা 6:18

গিসিক রংথালগিবাচা রি·এ গিসিকো ফাংনান বি·বো। ইনি গিম্মিন মিকরাকে দংএ ইসলনি গিম্মিক মান্দিরাংনা ফাংনান বি·আরি দংবো।

যাকোব 3:9

ইয়া স্রিবাকচান আনচিং আনচিংনি গিত্তেল আরো আপফা ইসলখো মিৎথেলা, দা·আবা ইয়া স্রিবাকচান বিগিত্তা থারিগিবা মান্দিখো শাপ র·ন্না।

পিতর 1:17

ফাগিবা ইসল গিম্মিক মান্দিনি কামনি খ্রি বিনি বিচালখো দাক্কা, দারাংনি মিকখাংখো নিএ উখো দাকজা। ইনি গিম্মিন বিখো না·সং ফাগিবা ইন্নে রিক্কামোদে ইয়া হা·গিলসাকো জেওনা দিপ্পাৎ হা·সং গিপ্পিননি মান্দি গিত্তা দংআ উয়োনা দিপ্পাৎ বিনা খা·ফাকে খেন্নাও না·সংনি জাংগিখো মিৎথাংবো।

পিতর 1:21

ইসল বিখো সিয়াওনি থাংচাএতি রাসংখো রন·জক আরো বিওন না·সং ইসলখো বিবিরা·জক; আরো উনি গিম্মিনান না·সংনি বিবিরা·আ আরো খা·দংআ ইসলনি সাক্কাওন দংআ।

পিতর 3:18

খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

যিহূদা 1:20

ইন্দিবা খা·সাগিবা রিপ্পেংরাং, না·সং না·সংনি রংথালা বিবিরা·আনি সাক্কাও ফাংচাকে আন·থাংথাংখো থারিয়ে রা·বো আরো গিসিক রংথালগিবাচা রি·দিলাখো মা·ন্নে বি·বো।