ইফিষীয়রাংনা 2:14 - Garo New Testament

^14-15 বিয়ান আনচিংনি থম·থমা হং·আ। যিহূদী আরো যিহূদী হং·গিজাগিবা ইয়া জাতগ্মিখো বিয়ান আপসান দাকজক। বিয়া বিনি চিসলো দাৎখাপগিবা বে·এনচা গি·য়েতা গিম্মিকখো আরো নিয়াম মাংগ্মাং মোশিনি নিয়ামনি বিলখো দি·গাল্লেতজক। ইন্দাকেন জে বোবিল দাকগিবা গিসিক ইয়া জাতগ্মিও দেয়াল গিত্তা চাদেংএ দংআমিং উখো বিয়া ফি·এ গালজক। বিয়া ইখো দাক্কামিং জেদাক্কে ইয়া জাতগ্মিচা বিয়া আন·থাংআন সাকসা গিত্তাল মান্দি থারিনা মা·ন্না, আরো ইন্দাকেন উয়া জাতগ্মিও জেদাক্কে থম·থমা দংআ।

ইফিষীয়রাংনা 2:14 Iomraidhean Croise

লূকনি চকগিবা নাম্মা খাৎথা 1:79

জেদাক্কে আন্দালাও আরো সিয়ানি সালাখিমও জেরাং আসংএ দংআ বিসংনা সেং·আখো হ·ন্না মা·ন্না, আরো থম·থমানি রামাও আনচিংখো রি·দিলনা মা·ন্না।”

লূকনি চকগিবা নাম্মা খাৎথা 2:14

“সালগিও ইসলনি রাসং হং·খানা, হা·গিলসাকও জেরাংখো বিয়া নামনিকবিয়া বিসংনি থম·থম হং·খানা।”

যোহননা 10:16

ইয়া নলোনি হং·গিজাগিবা আংনি আরোবা মেষরাং দংআ; উরাংখোবা আংনি রা·বানা নাংনুয়া। উরাং আংনি খু·রাংখো খিন্নাচাকনুয়া, আরো উনোদে মেষ থম·দাকসা আরো রাক্ষুয়াল সাকসা হং·নুয়া।

যোহননা 11:52

যিহূদী জাতনি গিম্মিনসান হং·জা, ইন্দিবা বিলদিং বিলদাং দাক্কে দংগিবা ইসলনি দেদ্রাংখো চিম্মংএ আপসান দাক্কেতনাবা বিয়া সিনুয়া।

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

ওয়াত্তেতারাংনা 10:28

উনোন বিয়া বিসংনা আগানজক, “না·সংদে ইখো হা·আইয়ান, সাকসা যিহূদী মান্দিনা গিপ্পিন জাতনি মান্দিমুং আপসান হং·রিমা বা বিমুং গ্রংআরাং চিংনি থরমনি নিয়াম হং·জা। ইন্দিবা ইসল আংনা ফিন্নিকজক সাকসাখোবা রংথালগিজাগিবা বা মারাং নাংগিবা ইন্না আংনি খ্রাজা।

ওয়াত্তেতারাংনা 10:36

ইসল ইস্রায়েলরাংনা ইয়া নাম্মা খাৎথাখো ওয়াত্তেতামিং, যীশু খ্রীষ্ট, জেআন গিম্মিকনি গিত্তেল, বিচান থম·থমাখো মা·ন্না।

রোমানরাংনা 5:1

বিবিরা·আচান আনচিংখো দোসগ্রি ইন্নে রা·চাকজক আরো উনি গিম্মিনান গিত্তেল যীশু খ্রীষ্ট গিত্তা ইসল আরো আনচিংনি গিসেপো থম·থমানি হং·জক।

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

ইফিষীয়রাংনা 2:17

না·সং জেরাং চে·ল্লাচা দংআমিং আরো বিসং জেরাং সেফাংও দংআমিং, দিমদাকচান বিয়া রি·বাএ থম·থমানি নাম্মা খাৎথাখো আগানফ্রাকামিং।

ইফিষীয়রাংনা 4:16

গিম্মিক বে·এনখো ইন্দাকে খাআ দংআ, জেদাক্কোদে বাক গিম্মিক আন·থাংথাংনি হা·দামও দংএ বে·এনমুং নাংরিমে দংআ। বাক গিম্মিক থিক দাক্কে কাম দাকমিত্তিংও বে·এন গিম্মিকান স্খুনি রি·দিলাও দাল·রোরোআ আরো খা·সাও আন·থাংখো রিক্কা।

কলসীয়রাংনা 1:20

ইনাআগ্রে হা·গিলসাকোবা হং·খানা বা সালগিওবা হং·খানা, খ্রীষ্টও বিয়া আন·থাংমুং গিম্মিকখো নাংরিমেতনাবা হা·ম্মামিং। খ্রীষ্ট চিসলনি সাক্কাও বিনি হান·চিখো হ·ন্নে থম·থমাখো রা·বামিং ইন্নেন ইন্দাকে নাংরিমনা মা·ন্না।

কলসীয়রাংনা 2:20

খ্রীষ্টমুং সিফাএ না·সং হা·গিলসাকনি বেওয়ালরাংওনি চে·ল্লাচানা জিত্তে রি·বাওদে হা·গিলসাকনি মান্দিরাং গিত্তান না·সং মুয়ানা দা·আবা হা·গিলসাকনি নিয়ামনি নিং·আও দংইংজক?

কলসীয়রাংনা 3:11

ইন্দাকা অবস্থাও গিপ্পিন জাত বা যিহূদী জাতরাংও, বিগিল রাতগিবা বা বিগিল রাতগিজাগিবা মান্দিরাংও, পড়িগিজারাংও, চনগিবা জাতরাংও, নকখল বা জাকগিত্তেলগিবা মান্দিনি গিসেপো দিংথাং হং·আনি মামুং দংজা; উয়ো খ্রীষ্টন দাল·গিবা আরো বিয়া সাকফ্র্রাকফ্রাকওন দংআ।

কলসীয়রাংনা 3:15

জে থম·থমাখো খ্রীষ্ট হ·ন্না উয়া থম·থমা না·সংনি খা·থংও দংএ না·সংখো রি·দিলেতখানা। থম·থমাও দংখানা ইন্নেন না·সংখো বে·এনসান গিত্তা রিক্কামজক। না·সং মিৎথেলবো।

ইব্রীয়রাংনা 13:20

জে হান·চিও থম·থমেতগিবা ইসলনি জ্রিংজ্রৎনি খু·রাচাক্কা দংআ উচা ইসল আনচিংনি গিত্তেল যীশু খ্রীষ্টখো, আগানস্খাওদে মেষরাংনি উয়া দাল·বাৎগিবা নিরকখিগিবাখো সিয়াওনি থাংচাএতজক।

ইব্রীয়রাংনা 7:2

আরো অব্রাহাম গিম্মিক জিনিসরাংনি বাক চিখুংওনি বাকসাখো বিনা হ·ন্নামিং। মল্কীষেদক বিমুংখো ফি·ওদে ইনি অর্থ হং·জক খাকখেৎনি রাজা। মল্কীষেদক দা·আবা শালেমনিবা রাজামিং, আরো উনি অর্থ হং·আ থম·থমানি রাজা।