ইফিষীয়রাংনা 2:13 - Garo New Testament

¹³ চেংও না·সং চে·ল্লাও দংআমিং, ইন্দিবা খ্রীষ্ট যীশুমুং নাংরিমজক ইন্নে না·সংখো দা·আও বিনি হান·চিচা সেফাংচানা রা·বাজক।

ইফিষীয়রাংনা 2:13 Iomraidhean Croise

যোহননা 10:16

ইয়া নলোনি হং·গিজাগিবা আংনি আরোবা মেষরাং দংআ; উরাংখোবা আংনি রা·বানা নাংনুয়া। উরাং আংনি খু·রাংখো খিন্নাচাকনুয়া, আরো উনোদে মেষ থম·দাকসা আরো রাক্ষুয়াল সাকসা হং·নুয়া।

ওয়াত্তেতারাংনা 15:14

ইসল বিনি আন·থাংনি মান্দি হং·খানা গিপ্পিন জাতরাংওনি মিত্তাম মান্দিখো বাচ্ছিয়ে রা·এ ফিন্নিকজক, গিপ্পিন জাতরাংনাবা বিনি চানচিয়ানি দংআ। ইয়া খাৎথাখোন শিমোন-পিতর আনচিংনা আগানজক।

ওয়াত্তেতারাংনা 2:39

না·সংনা, না·সংনি দেদ্রাংনা আরো চে·ল্লাও দংগিবারাংনা, আনচিংনি গিত্তেল ইসল বিনি আন·থাংনি মান্দি হং·খানা জেরাংখো রিক্কামনুয়া, বিসং দিমদাকনা ইখো খু·রাচাকজক।”

ওয়াত্তেতারাংনা 22:21

“উনোন গিত্তেল আংনা আগানজক, ‘না·আ রি·য়াংবো, আংআ নাং·খো চে·ল্লাচানা গিপ্পিন জাতরাংচা ওয়াত্তেতনুয়া।’ ”

রোমানরাংনা 8:1

জেরাং খ্রীষ্ট যীশুমুং নাংরিমজক বিসংখো ইসল শাস্তি মা·ন্না খ্রা ইন্নে চানচিজানুয়া।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

1ম করিন্থীয়রাংনা 12:13

আনচিং যিহূদী বা যিহূদী হং·গিজাগিবা, নকখল বা জাকগিত্তেল হং·গিবা, দিমদাকান আপসান গিসিক রংথালগিবাচা আপসান বে·এনো রিপ্পলজক। আনচিং গিম্মিকান উয়া আপসান গিসিক রংথালগিবাখো মান·জক।

1ম করিন্থীয়রাংনা 6:11

না·সংও সাবা সাবা উয়ানদাকগিবান হং·আমিং, ইন্দিবা গিত্তেল যীশু খ্রীষ্টও আরো আনচিংনি ইসলনি গিসিকও না·সংখো সু·গালে থাল্লেতজক, ইসলনা মিংএ দিংথাং দাক্কেতজক আরো দোসগ্রি ইন্নে রা·চাকজক।

2য় করিন্থীয়রাংনা 5:17

সাবা খ্রীষ্টমুং নাংরিমে দংওদে বিয়া গিত্তাল দাক্কে আৎচিজক। বিনি গিৎচাম গিম্মিক মুচ্চিয়ে গিম্মিক গিত্তাল হং·জক।

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

ইফিষীয়রাংনা 1:1

আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 2:10

আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

ইফিষীয়রাংনা 2:12

গিসিক রা·রিকবো, স্খাংও না·সং খ্রীষ্টওনি দিংথাং দংআমিং; ইস্রায়েল জাতনি জে বিল দংআ না·সং উয়া বিলনি হা·ফালও দংআমিং; ইস্রায়েল জাতনা ইসল জে গি·সা গি·গ্মি খু·রাচাক্কাগ্মাং নিয়ামখো দাক্কামিং উমুং না·সংনি মামুং নাংরিমা দংজামিং; না·সংনি মামুং খা·দংআ দংজামিং; আরো ইয়া হা·গিলসাকো না·সং ইসলগ্রিন দংআমিং।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 2:6

আনচিং খ্রীষ্ট যীশুমুং নাংরিমজক ইন্নে ইসল আনচিংখো খ্রীষ্টমুং থাংচাএতি খ্রীষ্টমুংআন সালগিও আসংএতজক।

ইব্রীয়রাংনা 9:18

উয়ানদাক্কেন স্খাংগিবা খু·রাচাক্কাবা হান·চিনি আগ্রে কাম দাক্কেতা হং·জা।

পিতর 3:18

খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।