ইফিষীয়রাংনা 2:12 - Garo New Testament

¹² গিসিক রা·রিকবো, স্খাংও না·সং খ্রীষ্টওনি দিংথাং দংআমিং; ইস্রায়েল জাতনি জে বিল দংআ না·সং উয়া বিলনি হা·ফালও দংআমিং; ইস্রায়েল জাতনা ইসল জে গি·সা গি·গ্মি খু·রাচাক্কাগ্মাং নিয়ামখো দাক্কামিং উমুং না·সংনি মামুং নাংরিমা দংজামিং; না·সংনি মামুং খা·দংআ দংজামিং; আরো ইয়া হা·গিলসাকো না·সং ইসলগ্রিন দংআমিং।

ইফিষীয়রাংনা 2:12 Iomraidhean Croise

লূকনি চকগিবা নাম্মা খাৎথা 1:72

বিয়া আনচিংনি ফাগিৎচামরাংনা খা·সাচাকনা আরো বিনি রংথালগিবা খু·রাচাক্কাখো আগানস্খাওদে বিনি খু·মিচেতাখো চু·সকেতনা ইন্নে আনচিংখো জক্কেৎজক।

যোহননা 10:16

ইয়া নলোনি হং·গিজাগিবা আংনি আরোবা মেষরাং দংআ; উরাংখোবা আংনি রা·বানা নাংনুয়া। উরাং আংনি খু·রাংখো খিন্নাচাকনুয়া, আরো উনোদে মেষ থম·দাকসা আরো রাক্ষুয়াল সাকসা হং·নুয়া।

যোহননা 15:5

“আংআন আংগুর বিফাং, আরো না·সং উনি ডালারাং হং·আ। সাবা আংও দংখামোদে আরো আংআ বিও দংখামোদে ইন্দিদে বিনি জাংগিও বিথি বাং·বাত্তে নাংআ, মুয়ানা আংনা আগ্রে না·সং মামুংখোবা দাকনা মান·জা।

যোহননা 4:22

না·সং জেখো হা·আইজা উখো অলাখিয়া, ইন্দিবা চিংআ জেখো হা·আইয়া উখোসা অলাখিয়া, মুয়ানা পাপওনি জক্কানি রামা যিহূদীরাং গিত্তান রি·বাআ।

ওয়াত্তেতারাংনা 2:39

না·সংনা, না·সংনি দেদ্রাংনা আরো চে·ল্লাও দংগিবারাংনা, আনচিংনি গিত্তেল ইসল বিনি আন·থাংনি মান্দি হং·খানা জেরাংখো রিক্কামনুয়া, বিসং দিমদাকনা ইখো খু·রাচাকজক।”

ওয়াত্তেতারাংনা 28:20

ইনি গিম্মিনান আংআ না·সংমুং গ্রংনা আরো খাৎথা আগান্না হা·ম্মা। ইস্রায়েল জাতনি জে খা·দংআ দংআ উয়া খা·দংআনান আংখো ইয়া জেংজুলচা খাজক।”

ওয়াত্তেতারাংনা 3:25

আরো না·সংদে উয়া আগানসোগিবারাংনিন দেরিচ্ছু-সু·রিচ্ছুরাং হং·আ। না·সংনি ফাগিৎচামরাংনা ইসল জে খু·রাচাক্কাখো থারিয়ামিং, না·সংদে উয়া খু·রাচাক্কাখো মান·রিকগিবা হং·আ। ইসল অব্রাহামনা ইয়া খাৎথাখো আগানে উয়া খু·রাচাক্কাখো থারিয়ামিং, ‘নাং·নি মা·চংচা হা·গিলসাকনি গিম্মিক জাতরাংআন ফাত্তিয়াখো মা·ন্নুয়া।’

রোমানরাংনা 9:8

ইনি অর্থ হং·জক, ইস্রায়েল জাতনি গিসেপো আৎচিয়ানা সাবা ইসলনি দে হং·আ ইয়াদে হং·জা, ইন্দিবা ইসলনি খু·রাচাক্কা গিত্তা জেরাং আৎচিজক বিসংখোন অব্রাহামনি দেরিচ্ছুনি ইন্নে চান্নুয়া।

গালাতীয়রাংনা 4:8

স্খাংও জেনসালো না·সং ইসলখো হা·আইজামিং উনো না·সং জেরাংনা দাকচাকে র·ন্নামিং উরাং মামুং মিত্তেআন হং·জা।

ইফিষীয়রাংনা 2:19

ইনি গিম্মিন না·সংখো হা·আইগিজানিবা হং·জা, গিপ্পিন হা·সংনিবা হং·জা; ইন্দিবা ইসলনি মান্দিরাংমুং না·সংবা বিনি সংনকনি আরো বিনি নকনি মান্দি হং·জক।

ইফিষীয়রাংনা 4:18

বিসংনি গিসিক আন্দালাও গা·আকে দংআ। খা·থং রাক্কা ইন্নে বিসং ইসলনি গিম্মিনো মামুংখো হা·আইজা, আরো উনি গিম্মিন ইসলনি রন·গিবা জাংগিওনি বিসং বাং·এ চে·ল্লাও দংআ।

কলসীয়রাংনা 1:21

সালসাদে না·সং ইসলচানি চে·ল্লে দংআমিং আরো বিনি সাক্কাও না·সংনি গিসিকো বোবিল দাক্কা দংআমিং। না·সংনি নামগিজা কামরাংও উয়া ফারাকা হং·জক।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

1 থিষলনীকী 4:13

জংআদারাং, জেরাং সিজক বিসংনি মুয়া হং·নুয়া উখো না·সং হা·আইজাখানা ইখো চিংআ হাম·জা, জেদাক্কে জেরাংনি গিসিকো মামুং খা·দংআনি দংজা বিসং গিত্তা দাক্কে না·সং দুকও গা·আকজা।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

1 তীমথিয় 1:1

আনচিংনি জক্কেৎগিবা ইসল আরো খ্রীষ্ট যীশুনি গি·য়েতাও আংআ পৌল যীশু খ্রীষ্টনি সাকসা ওয়াত্তেতা হং·জক। খ্রীষ্ট যীশুনি সাক্কাওন চিংনি গিম্মিক খা·দংআ।

ইব্রীয়রাংনা 11:34

ওয়া·আলনি বিলখো খিমিতামিং, মি·ল্লামচা সু·আওনি জক্কামিং, বিলগ্রি হং·এবা বিল্লাকামিং, দাকগ্রিকাও বিলখো ফিন্নিকামিং আরো হা·সং গিপ্পিননি সিপাইনি দলরাংখো হা·রিকেতামিং।

ইব্রীয়রাংনা 6:18

ইসলনি খু·রাচাক্কা আরো মিকচেতা মামুং সালোবা দিংথাং হং·জা। ইসল, জেআন বু·এ আগান্না মান·জা, বিয়ান ইখো খু·রাচাকজক আরো মিকচেতজক, জেদাক্কে আনচিংনি মিকখাংও জে খা·দংআ দংআ উখো রিম·না ইন্নে খাতনা রি·য়াংএ আনচিং নাম্মেন খা·দংএতাখো মা·ন্না।

ইব্রীয়রাংনা 8:6

ইন্দিবা দা·আও আনচিং নিক্কিংআ, যীশু খামাল হং·আনি জে কামখো মান·জক উয়াদে উয়া খামালরাংনি কামনা বাত্তেবা বাং·এন দাল·বাতা, জেগিত্তা জে খু·রাচাক্কানি বিয়া নাংরিমেতগিবা হং·জক উয়া খু·রাচাক্কা স্খাংনি খু·রাচাক্কানা বাত্তেবা বাং·এন দাল·বাতা; মুয়ানা ইয়া খু·রাচাক্কা আরোবা নামনামগিবা খু·রাচাক্কাও ফাংচাকা।

পিতর 1:21

ইসল বিখো সিয়াওনি থাংচাএতি রাসংখো রন·জক আরো বিওন না·সং ইসলখো বিবিরা·জক; আরো উনি গিম্মিনান না·সংনি বিবিরা·আ আরো খা·দংআ ইসলনি সাক্কাওন দংআ।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

পিতর 3:15

বাত্তেসা খ্রীষ্টখো না·সংনি খা·থংও গিত্তেল দাক্কে হা·দাম রন·বো। না·সংনি খা·দংআনি গিম্মিনো সাবা সিং·ওদে বিনা আগানচাকনা ফাংনান থারিয়ে দংসোবো, ইন্দিবা ইন্দাকে আগানচাক্কাখো সনথল দাক্কে আরো খা·ফাকে রন·বো।

1 যোহন 3:3

জেআন খ্রীষ্টনি সাক্কাও ইন্দাকে খা·দংআখো দন্না বিয়া আন·থাংখো খাকখেৎ দাক্কা জেদাক্কে খ্রীষ্ট খাকখেৎ হং·আ।