ইফিষীয়রাংনা 2:10 - Garo New Testament

¹⁰ আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

ইফিষীয়রাংনা 2:10 Iomraidhean Croise

মথিনি চকগিবা নাম্মা খাৎথা 5:16

উয়ানদাক্কে মান্দিরাংনি মিকখাংও না·সংনি সেং·আ থেং·সুখানা, জেদাক্কে বিসং না·সংনি নাম্মা কামখো নিক্কে না·সংনি সালগিও দংগিবা ফাখো রাসং চাএতনা মা·ন্না।

যোহননা 3:21

ইন্দিবা বিবিনি রামাও রি·গিবা সেং·আওনা রি·বা জেদাক্কোদে বিনি কামরাং ইসলনি হা·সিকা গিত্তা হং·আ, ইখো ফারাকানি হং·আ।”

ওয়াত্তেতারাংনা 9:31

উয়া সময়ও যিহূদিয়া, গালীল আরো শমরিয়া হা·দকনি মন্ডলীরাংও থম·থমা দংআমিং, আরো উয়া মন্ডলীরাং হং·বাংআমিং। উনি গিম্মিন গিত্তেলনা খা·ফাকাও আরো গিসিক রংথালগিবানি খা·দংএতাও বিসংবা জালরোরোজক।

ওয়াত্তেতারাংনা 9:36

যাফো সংজিলমাও টাবিথা মিংগিবা জা·রিকগিবা মিচিক সাকসা দংআমিং। গ্রীকচা ইয়া বিমুংনি অর্থ হং·আ দর্কা। বিয়া ফাংনানান গিপ্পিনরাংনা নাম্মাখো দাকচাকনুয়ামিং আরো দিল্লা-চন্নারাংনা হন·চাকনুয়ামিং।

রোমানরাংনা 8:1

জেরাং খ্রীষ্ট যীশুমুং নাংরিমজক বিসংখো ইসল শাস্তি মা·ন্না খ্রা ইন্নে চানচিজানুয়া।

রোমানরাংনা 8:29

ইসল জেরাংখো স্খাংআন বাচ্ছিয়ে রা·আমিং বিসংখো বিয়া বিনি দেফান্থি গিত্তা হং·খানা স্খাংআন থারিসোএ দন্নামিং, জেদাক্কে উয়া দেফান্থি বাং·আ জংআদারাংনি গিসেপো দেজাক্রা হং·না মা·ন্না।

1ম করিন্থীয়রাংনা 3:9

মুয়ানা চিংআ সাকগ্মিআন ইসলমুং কাম দাক্কিংআ। না·সং ইসলনিন হা·বা, ইসলনিন রিকগিবা দালান হং·আ।

2য় করিন্থীয়রাংনা 5:17

সাবা খ্রীষ্টমুং নাংরিমে দংওদে বিয়া গিত্তাল দাক্কে আৎচিজক। বিনি গিৎচাম গিম্মিক মুচ্চিয়ে গিম্মিক গিত্তাল হং·জক।

2য় করিন্থীয়রাংনা 5:5

ইনি গিম্মিনান ইসল চিংখো থারিজক আরো উনি স্খাংগিবা বাক গিত্তা গিসিক রংথালগিবাখো বিয়া চিংনা হন·জক।

2য় করিন্থীয়রাংনা 9:8

না·সংনা গিম্মিক গিত্তা খা·সাচাক্কানি বিল ইসলনি দংআ, জেদাক্কে না·সংনি নাংগিবা গিম্মিকান ফাংনান না·সংচা দংআ; আরো উনি গিম্মিন জেদাক্কে না·সং গিম্মিক নাম্মা কামরাংনা জাকস্রামে হ·ন্না মা·ন্না।

গালাতীয়রাংনা 6:15

বিগিল রাত্তা বা রাতজানি মামুং দামআন দংজা, খ্রীষ্টও গিত্তাল দাক্কে আৎচিয়ান দাল·বাতা খাৎথা হং·আ।

ইফিষীয়রাংনা 1:1

আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ইফিষীয়রাংনা 2:13

চেংও না·সং চে·ল্লাও দংআমিং, ইন্দিবা খ্রীষ্ট যীশুমুং নাংরিমজক ইন্নে না·সংখো দা·আও বিনি হান·চিচা সেফাংচানা রা·বাজক।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 2:6

আনচিং খ্রীষ্ট যীশুমুং নাংরিমজক ইন্নে ইসল আনচিংখো খ্রীষ্টমুং থাংচাএতি খ্রীষ্টমুংআন সালগিও আসংএতজক।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ইফিষীয়রাংনা 4:24

আরো ইসলনি রন·গিবা গিত্তাল “আংআ”খো গিত্তাল বা·রা গিত্তান গানবো। বিবিনি দোসগ্রিচা আরো রংথালাচা ইয়া গিত্তাল “আংআ”খো ইসল গিত্তা থারিয়া হং·জক।

ফিলিপীয়রাংনা 1:6

আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

ফিলিপীয়রাংনা 2:13

ইসল না·সংনি খা·থংও ইন্দাকে কাম দাক্কিংজক জেনি হা·সেল বিয়া জে কামও খুসি হং·আ উয়া কামখো দাকনা হা·সিকা আরো বিল না·সংনি হং·আ।

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

1 তীমথিয় 2:10

উনাবাত্তে জেদাক্কে বিসং নাম্মা কামরাংচা আন·থাংথাংখো থারিয়া। জে মিচিকরাং আন·থাংথাংখো ইসলখো অলাখিগিবা ইন্নে আগানে দংআ উয়া মিচিকরাংনা উয়ান খ্রাগিবা কাম হং·নুয়া।

1 তীমথিয় 5:10

ইনাআগ্রেবা নাম্মা কামনা বিনি মিংসিংআ দংনা নাংনুয়া। ইন্দাকা নাম্মা কামরাংও দংআ - বি·সা-আংদিরাংখো নিরকা, চাচ্চি সকবাগিবারাংনা দাকচাকে হ·ন্না, ইসলনি মান্দিরাংনি জা·চকখো সু·গালে হ·ন্না, জেরাং দুকও গা·আকা বিসংনা দাকচাকা, আরো দিংথাং নাম্মা কামরাংও দংফা।

1 তীমথিয় 5:25

উয়ানদাক্কে খাকখেৎ কামখো নাম্মেদাক্কে নিকনা মা·ন্না, আরো জেরাংখো নিকনা মান·জা উরাংবা থুম্মুয়ে দংজা।

1 তীমথিয় 6:18

মা·ন্নে চা·গিবারাংনা গি·য়েৎবো জেদাক্কে বিসং গিপ্পিননি নাম্মাখো দাক্কা, খাকখেৎ কামও দংআ, জাকস্রামে হ·ন্না আরো বিসংনি গামরাংনি বাকখো গিপ্পিনরাংনাবা হ·ন্না।

2 তীমথিয় 2:21

জেরাং ইন্দাকা চনচনগিবা কামনি দনচাক্রা গিত্তা হং·আ, বিসংওনি জিতবাএ সাবা আন·থাংখো রংথালেতোদে ইন্দিদে বিয়া ইন্দাকা দনচাক্রা গিত্তা হং·নুয়া জেখো দাল·বিয়া কামও জাকখালিংআ। রংথালা মিকসংআনা বিখো দিংথাং দাক্কে দন্নুয়া, বিয়া গিত্তেলনি কামখো দাকনুয়া আরো গিম্মিক নাম্মা কামখো দাকনা বিয়া থারিয়ে দংসোনুয়া।

2 তীমথিয় 3:17

জেদাক্কে ইসলনি মান্দি চু·গিম্মিক দাক্কে খ্রাগিবা হং·এ নাম্মা কামখো দাকনা ইন্নে থারিসোনা মা·ন্না।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

তীতনা 2:7

গিম্মিকোন না·আ বিসংচা নাম্মা কামনা দাক্কে ফিন্নিকগিবা হং·বো। নাং·নি স্খিয়াও জেদাক্কে নামগিবা মিকসংআ দংআ, উয়ো জেদাক্কে নাংএগিজা সক্কেগিজা গিসিক দংজা।

তীতনা 3:1

ইসলনি মান্দিরাংখো গিসিক রা·এতবো জেদাক্কে বিসং শাসন দাকগিবা আরো জেরাংনি জাক্কো বিল দংআ বিসংনি নিং·আও দংআ, বাম্মে দংআ আরো মান্দিরাংনা গিম্মিক গিত্তা দাকচাকনা থারিয়ে দংসোআ।

তীতনা 3:14

গিপ্পিনরাংনা দাকচাকানি কামও আন·থাংথাংখো বিমচিপাও দন্না আনচিংনি মান্দিরাংনি স্খিনা নাংনুয়া, জেদাক্কে বিসং গিপ্পিনরাংনি নাংআনিখো র·ন্না মা·ন্না। ইন্দাকে দাক্কোদে বিসংনি জাংগি বিথিগ্মাং হং·নুয়া।

তীতনা 3:8

ইয়া খাৎথা বিবিরা·না খ্রাগিবা হং·আ। আংআ হা·ম্মা, না·আ ইয়া বিদিংরাংও দিংচিকবো, জেদাক্কে ইসলখো জেরাং বিবিরা·জক বিসং গিপ্পিনরাংনা দাকচাকানি কামও আন·থাংথাংখো বিমচিপাও দন্না গিসিক র·ন্না। মান্দিরাংনা ইয়ারাং নাম্মা আরো দাকচাকানি হং·আ।

ইব্রীয়রাংনা 10:24

হাই, আনচিং সাকসা সাকগিপ্পিননি বিদিংও চানচিনা জেদাক্কে আনচিং খা·সাগ্রিকনা আরো নাম্মা কামখো দাকনা সাকসা সাকগিপ্পিনখো খা·দংএতনা মা·ন্না।

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।

পিতর 2:12

মুয়ানা উরাং না·সংনি গিসিকনি সাক্কাও দাকগ্রিকা। ইসলখো জেরাং হা·আইজা বিসংনি গিসেপো না·সং নাম্মেদাক্কে রি·বো জেদাক্কে খ্রাগিজাখো দাকগিবা ইন্নে বিসং না·সংখো জিয়োবা না·সংনি নাম্মা কামরাংখো নিআ আরো বিচালনি সালো না·সংনি উয়া কামরাংনা ইসলখো রাসং দাক্কা।

1 যোহন 1:7

ইন্দিবা ইসল জেদাক্কে সেং·আও দংআ আনচিংবা উয়ানদাক্কে সেং·আও রি·ওদে আনচিংনি গিসেপো নাংরিমা দংআ আরো বিনি দেফান্থি যীশুনি হান·চি গিম্মিক পাপওনি আনচিংখো রংথালেতা।