ইফিষীয়রাংনা 1:4 - Garo New Testament

^4-5 জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ইফিষীয়রাংনা 1:4 Iomraidhean Croise

মথিনি চকগিবা নাম্মা খাৎথা 24:22

ইসল উয়া সালরাংখো খান·দকেতজাওদে সাকসাবা থাংজানুয়ামিং। ইন্দিবা আন·থাংনি বাচ্ছিয়ে রা·গিবা মান্দিরাংনি গিম্মিন ইসল উয়া সালরাংখো খান·দকেতনুয়া।

মথিনি চকগিবা নাম্মা খাৎথা 24:24

মুয়ানা উনসালো বাং·এন বু·এ চা·গিবা খ্রীষ্ট আরো বু·এ চা·গিবা আগানসোগিবা রি·বানুয়া আরো দা·ল্লা আইয়াও ইনমানগিবা চিননি কামরাংখো দাকনুয়া জেদাক্কে মা·ন্নোদে ইসলনি বাচ্ছিয়ে দনগিবা মান্দিরাংখোবা বিসং ব্রাংএতনা মা·ন্না।

মথিনি চকগিবা নাম্মা খাৎথা 24:31

সিংগা গামবিনুয়া আরো উনোন মান্দিনি দেফান্থি আন·থাংনি সা·গ্রেরাংখো ওয়াত্তেতনুয়া। উয়া সা·গ্রেরাং হা·গিলসাকনি খি·থিকোনা রি·য়াংএ হা·গিম্মিকচানিখো ইসলনি বাচ্ছিয়ে রা·গিবা মান্দিরাংখো চিম্মংনুয়া।

মথিনি চকগিবা নাম্মা খাৎথা 25:34

“উনি জা·মানো রাজা আন·থাংনি জাক্রাচা দংগিবা মান্দিরাংনা আগান্নুয়া, ‘না·সং জেরাং আংনি ফানি ফাত্তিয়াখো মান·জক, রি·বাবো। হা·গিলসাক হা·বাচেংওনি না·সংনা দাকসোগিবা সংনকখো মান·রিকবো।

যোহননা 10:16

ইয়া নলোনি হং·গিজাগিবা আংনি আরোবা মেষরাং দংআ; উরাংখোবা আংনি রা·বানা নাংনুয়া। উরাং আংনি খু·রাংখো খিন্নাচাকনুয়া, আরো উনোদে মেষ থম·দাকসা আরো রাক্ষুয়াল সাকসা হং·নুয়া।

যোহননা 15:16

না·সং আংখো বাচ্ছিয়ে রা·জা, ইন্দিবা আংআন না·সংখো বাচ্ছিয়ে রা·এ কাম দাক্কেতজক জেদাক্কে না·সংনি জাংগিও বিথি নাংআ আরো না·সংনি উয়া বিথি দংখামা। ইন্দাকোদে আংনি বিমুংও আপফাচা জেখো বি·নুয়া উখো বিয়া না·সংনা হ·ন্নুয়া।

যোহননা 17:24

“আপফা, জেরাংখো না·আ আংনা হন·জক, আংনি রাসংখো নিকনা মান·খানা গিত্তা বিসংবা আংআ জেও দংআ উয়ো আংমুং দংখানা, ইখো আংআ হা·ম্মা। উয়া রাসংখো না·আন আংনা হন·জক, মুয়ানা হা·গিলসাক হং·বানা স্খাংওনিন না·আ আংনা খা·সাজক।

ওয়াত্তেতারাংনা 13:48

গিপ্পিন জাতরাং ইখো খিন্নাএ খুসি হং·জক আরো গিত্তেলনি খাৎথানি গিম্মিন রাসং দাকজক; আরো ফাংনাজলনি জাংগিখো মা·ন্না ইসল জেরাংখো বাচ্ছিয়ামিং বিসং বিবিরা·জক।

ওয়াত্তেতারাংনা 15:18

স্খাংওনি ইরাং বিনি গিসিকো দংআমিং।”

ওয়াত্তেতারাংনা 18:10

মুয়ানা আংআ নাং·মুং দংআ। সাকসাবা নাং·নি নামগিজাখো দাকজানুয়া, মুয়ানা ইয়া সংজিলমাও আংনি বাং·বিয়া মান্দি দংআ।”

রোমানরাংনা 8:33

ইসল জেরাংখো বাচ্ছিয়ে রা·জক বিসংখো সা নালিশ দাকনুয়া? ইসল আন·থাংআন বিসংখো দোসগ্রি ইন্নে রা·চাকজক।

1ম করিন্থীয়রাংনা 1:8

আনচিংনি গিত্তেল যীশু খ্রীষ্টআন বন·খামওনা দিপ্পাৎ না·সংখো খেম·খেম দন্নুয়া, জেনি হা·সেল বিনি রি·বানি সালো না·সং দোসগ্রি দাক্কে দংনুয়া।

গালাতীয়রাংনা 5:13

জংআদারাং, জাকগিত্তেল হং·না ইন্নেন ইসল না·সংখো রিক্কামজক। ইন্দিবা না·সংনি পাপ-বেওয়ালনি হা·সিকারাংখো চু·সকেতনা ইন্নে ইয়া জাকগিত্তেলখো দা·আ জাকখালাবো। উনাবাত্তে খা·সানি গিসিকখো রা·এ সাকসা সাকগিপ্পিননা দাকচাকে রন·বো,

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

গালাতীয়রাংনা 5:6

মুয়ানা জেরাং খ্রীষ্ট যীশুনি হং·আ, বিসংচা বিগিল রাত্তা বা রাতগিজানি মামুং দামআন দংজা, বাত্তেসা জে বিবিরা·আ খা·সাচা কাম দাক্কা উয়া বিবিরা·আন চং·মত হং·আ।

ইফিষীয়রাংনা 2:10

আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

ইফিষীয়রাংনা 3:17

আরো বিবিরা·আচা খ্রীষ্ট না·সংনি খা·থংখো চু·গিম্মিক মান·রিকা। আংআ আরোবা বি·না জেদাক্কে খ্রীষ্টনি খা·সাও না·সং জা·দিল সু·এ নাপ্পে খেম·খেমে দংআ,

ইফিষীয়রাংনা 4:2

না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

কলসীয়রাংনা 1:22

ইন্দিবা খ্রীষ্টনি সিয়াও বিনি বে·এনচা ইসল আন·থাংমুং দা·আও না·সংখো নাংরিমেতজক, জেদাক্কে বিয়া না·সংখো রংথালে, খাকখেৎ দাক্কে আরো দোসগ্রি দাক্কে আন·থাংনি মিকখাংও চাদেংএতনা মা·ন্না।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

1 থিষলনীকী 3:12

গিত্তেল দাকখানা, চিংআ জেগিত্তা না·সংনা খা·সাআ উগিত্তা না·সংবা সাকসা সাকগিপ্পিনখো, আরোবা, গিম্মিকনা খা·সাআ জেদাক্কে বাং·বাতে গাপসুয়াকা।

1 থিষলনীকী 4:7

মুয়ানা ইসল রংথালগিজা দাক্কে রি·না ইন্নে আনচিংখো রিক্কামজা, রংথালে রি·না ইন্নেন রিক্কামজক।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

2 তীমথিয় 2:10

ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

2 তীমথিয় 2:19

ইন্দাকোবা ইসলনি রিকগিবা ফাংচাকানি চাদেংএন দংআ, আরো উনি সাক্কাও সীলমোহর গিত্তা ইয়া খাৎথারাং চক্কা দংআ, “গিত্তেল হা·আইয়া, সারাং বিনি হং·আ,” আরো “জেআন খ্রীষ্টখো গিত্তেল ইন্নে রিক্কামা বিয়া গিম্মিক পাপওনি চে·ল্লাচা রি·য়াংখানা।”

যাকোব 2:5

খিন্নাবো, আংনি খা·সাগিবা জংআদারাং। ইয়া হা·গিলসাকনি মিক্রোনও দিল্লা-চন্না মান্দিরাংখো ইসল বিবিরা·আও মা·ন্নে চা·গিবা হং·না বাচ্ছিয়ে রা·জামা? জেরাং ইসলনা খা·বাকা উরাংখো বিয়া জে সংনকখো র·ন্নুয়া ইন্নে খু·রাচাক্কামিং, উয়া সংনকখো মান·রিকনাবা ইসল বিসংখোন বাচ্ছিয়ে রা·জামা?

পিতর 1:2

আপফা ইসল বিনি চানচিসোআ গিত্তা না·সংখো বাচ্ছিয়ে রা·জক, আরো বিনান মিকসংএ গিসিক রংথালগিবা না·সংখো দিংথাং দাক্কে দনজক। ইনি মিকসংআ হং·জক, জেদাক্কে না·সং যীশু খ্রীষ্টখো মানিয়া আরো বিনি হান·চিখো গোসাত্তাচা না·সংখো রংথালেতানি হং·আ। ইসল না·সংনা বাং·এ খা·সাচাক্কাখো আরো থম·থমাখো রন·খানা।

পিতর 1:20

হা·গিলসাক হং·না স্খাংআন ইসল ইনি গিম্মিন বিখো থিক দাক্কে দন্নামিং, ইন্দিবা ইয়া বন·চতা সময়ও না·সংনি গিম্মিনান বিয়া ফারাকজক।

পিতর 2:9

ইন্দিবা না·সংদে “বাচ্ছিগিবা মা·চং হং·জক; না·সংখো রা·এ খামালরাংনি সংনকখো রিকজক; না·সং ইসলনা মিংএ দিংথাং দাকগিবা জাত হং·আ আরো বিনি আন·থাংনি মান্দি হং·জক;” জেদাক্কে আন্দালাওনি না·সংখো জেআন বিনি আইয়াও ইনমানগিবা সেং·আও রিংগামে রা·বাজক না·সং বিখোন রাসং দাকবো।

২ পিতর 3:14

খা·সাগিবা জংআদারাং, না·সং দা·আও ইরাংনা সেংএ দংআ ইন্নে জাংগিগাল্লে খ্রেংবো জেদাক্কে বিয়া রি·বাএ না·সংখো খাকখেৎ হং·এ দোসগ্রি অবস্থাও থম·থমে দংআখো নিকনা মা·ন্না।

1 যোহন 4:16

ইসল আনচিংনা খা·সা ইখো আনচিং হা·আইয়া, আরো বিনি খা·সানি সাক্কাও আনচিংনি বিবিরা·আ দংআ। ইসল আন·থাংআন খা·সা হং·আ। খা·সাও জেআন দংআ বিয়া ইসলওন দংআ আরো ইসল বিও দংআ।

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।