ইফিষীয়রাংনা 1:20 - Garo New Testament

²⁰ জেচা বিয়া সিয়াওনিখো খ্রীষ্টখো থাংচাএতজক আরো সালগিও বিনি জাক্রাচানা আসংএতজক।

ইফিষীয়রাংনা 1:20 Iomraidhean Croise

মথিনি চকগিবা নাম্মা খাৎথা 26:64

উনো যীশু বিনা আগানজক, “হো·এ, না·আ খাকখেৎখোন আগানজক। ইন্দাকোবা আংআ না·সংনা ইখোবা আগানিংআ, ইনি জা·মানো না·সং মান্দিনি দেফান্থিখো বিল্লাকবাৎগিবা ইসলনি জাক্রাচা আসংআখো নিকনা মা·ন্নুয়া আরো গাদিলাও দাক্কে রি·বাখো নিকনুয়া।”

মথিনি চকগিবা নাম্মা খাৎথা 28:18

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

মার্ক 14:62

যীশু আগানজক, ‘‘আংআন উয়া। না·সং বিল্লাকবাৎগিবা ইসলনি জাক্রাচা মান্দিনি দেফান্থিখো আসংএ দংআখো নিকনুয়া আরো সিলগানি গাদিলাও দাক্কে রি·বাখো নিকনা মা·ন্নুয়া।’’

মার্ক 16:19

জা·রিকগিবারাংনা ইয়া খাৎথারাংখো আগানানি জা·মানো গিত্তেল যীশুখো সালগিচা দি·দোয়ে রা·আংজক। উচা বিয়া ইসলনি জাক্রাচা আসংজক।

যোহননা 10:18

দারাংবা আংনি জাংগিখো আংচানিখো রা·আংজানুয়া, ইন্দিবা আংআ আন·থাংআন উখো হন·চাকনুয়া। জাংগিখো হন·চাকনাবা আংনি বিল দংআ, দা·আবা জাংগি রা·ফিলনাবা আংনি বিল দংআ। ইখো আংআ আংনি ফাচানিখো মান·জক।”

যোহননা 10:30

আংআ আরো আপফা সাকসান হং·আ।”

ওয়াত্তেতারাংনা 10:40

ইন্দিবা ইসল সালগিত্থামনি সালো বিখো সিয়াওনি থাংচাফিল্লেতজক আরো ইন্দাকে দাকজক জেদাক্কে মান্দিরাং বিখো নিকনা মা·ন্না।

ওয়াত্তেতারাংনা 26:8

ইসল সিগিবারাংখো থাংএতা ইয়া খাৎথা বিবিরা·নি গিত্তা হং·জা ইন্নে না·সং মুয়ানা চানচিংআ?

ওয়াত্তেতারাংনা 4:10

ইন্দাকোদে না·সং আরো ইস্রায়েলনি দিমদাক মান্দিরাং ইয়া খাৎথাখো হা·আইএ রা·রিকবো, নাসরতনি উয়া যীশু খ্রীষ্ট, জেখো না·সং চিসলো দাৎখাপামিং আরো জেখো ইসল সিয়াওনি থাংচাএতজক, বিনি বিলচান ইয়া মান্দি নামস্রাংএ না·সংনি মিকখাংও চাদেংএ দংআ।

ওয়াত্তেতারাংনা 5:31

ইসল বিখোন রাজা আরো জক্কেৎগিবা দাক্কে আন·থাংনি জাক্রাচা আসংআনি রাসংখো হন·জক, জেদাক্কে বিয়া ইস্রায়েলনি মান্দিরাংনা পাপওনি গিসিক ফিল·না চলখো হ·ন্নে পাপনিখো ক্ষেমা দাকনা মা·ন্না।

রোমানরাংনা 8:34

সা বিসংখো দোসি দাকনুয়া? জে সিজকমিং আরো জেখো সিয়াওনি থাংচাএতজক উয়া খ্রীষ্ট যীশু দা·আও ইসলনি জাক্রাচাবাক্কা দংআ আরো আনচিংনা মল·মলিংজক।

ইফিষীয়রাংনা 1:3

আনচিংনি গিত্তেল যীশু খ্রীষ্টনি ফাগিবা আরো ইসলনি রাসং হং·খানা। আনচিং খ্রীষ্টমুং নাংরিমজক ইন্নে সালগিনি গিসিকনি ফাত্তিয়াখো ইসল আনচিংনা রন·জক।

ফিলিপীয়রাংনা 3:10

আংআ খ্রীষ্টখো হা·আইনা হা·ম্মা আরো জে বিলচা সিয়াওনি বিখো থাংচাএতামিং উয়া বিলখো হা·আইনা হা·ম্মা। আংআ বিনি দুকরাংখো মান·ফানা হা·ম্মা। জে গিসিকখো রা·এ বিয়া সিয়ামিং আংআবা উয়া গিসিকখো মা·ন্না হা·ম্মা।

কলসীয়রাংনা 1:16

মুয়ানা সিলগাও আরো হা·গিলসাকো, জেখো নিক্কা আরো জেখো নিকজা, গিম্মিক বিনি জাকচা থারিয়া হং·জক। সালগিসাকো জেরাংনি জাক্কো সংনকখো মান·রিকা, গিত্তেল দাক্কা, শাসন আরো বিল দংআ বিসং গিম্মিকখো বিনি জাকচা বিনি গিম্মিনান থারিয়া হং·জক।

কলসীয়রাংনা 3:1

ইন্দাকোদে না·সং খ্রীষ্টমুং সিয়াওনি থাংচাওদে খ্রীষ্ট সালগিচা জেও ইসলনি জাক্রাচানা আসংএ দংআ উয়া সালগিনি গিম্মিন গিসিক নাংবো।

ইব্রীয়রাংনা 1:3

ইসলনি গিম্মিক গুণ উয়া দেফান্থিওন দংআ; দেফান্থিন ইসলনি চু·গিম্মিক বিমাং হং·আ। দেফান্থি বিনি বিল্লাকগিবা খাৎথাচা গিম্মিকখো রি·ম্মে রা·রিকে চালাইয়া। মান্দিনি পাপখো হা·রিকানি জা·মানো দেফান্থি সালগিও চুবাৎগিবা ইসলনি জাক্রাচা আসংজক।

ইব্রীয়রাংনা 10:12

ইন্দিবা যীশু পাপনি হা·সেল ফাংনাজলনা গি·সা মা·মাং বলি হ·ন্নে ইসলনি জাক্রাচা আসংজক।

ইব্রীয়রাংনা 13:20

জে হান·চিও থম·থমেতগিবা ইসলনি জ্রিংজ্রৎনি খু·রাচাক্কা দংআ উচা ইসল আনচিংনি গিত্তেল যীশু খ্রীষ্টখো, আগানস্খাওদে মেষরাংনি উয়া দাল·বাৎগিবা নিরকখিগিবাখো সিয়াওনি থাংচাএতজক।

ইব্রীয়রাংনা 2:9

ইন্দিবা যীশুখোদে আনচিং নিকনা মা·ন্নিংআ। বিখো সা·গ্রেরাংনা বাত্তে অকখিসা চন্নিকেতামিং, জেদাক্কে ইসলনি খা·সাচাক্কাও গিম্মিক মান্দিনি হং·এ বিয়া আন·থাংআন সিচাকনা মা·ন্না। বিয়া দুকখো চাক্কে সিয়ামিং ইন্নে হাম্মানি মালা গিত্তা রাসং আরো মান্দিরা·আখো বিনা হন·জক।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

ফারাকগিবা খাৎথা 1:17

বিখো নিক্কে আংআ সিয়া গিত্তা বিনি জা·চকনি কেচ্চিও গা·আকাংআরিজক। উনো বিয়া বিনি জাক্রা জাকখো আংনি সাক্কাও দন্নে আগানজক, “দা·আ খেন্নাবো। আংআন স্খাংগিবা আরো বন·চতগিবা,