ইফিষীয়রাংনা 1:18 - Garo New Testament

^18-19 আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,

ইফিষীয়রাংনা 1:18 Iomraidhean Croise

মথিনি চকগিবা নাম্মা খাৎথা 13:15

ইন্দাকগিবা মান্দিরাংনি খা·থং গক্কা হং·জক আরো নাচিল মিৎথিপজক, আরো বিসং আন·থাংথাংনি মিক্রোনখোবা মিকচিপে দনজক, জেদাক্কে বিসং মিক্রোনচা নিকনা মান·জা, নাচিলচা খিন্নাজা আরো খা·থংচা হা·আইজা, আরো নামনা ইন্নে আংচা রি·বাফিলনা মান·জা।

মার্ক 10:17

যীশু দা·আবা রামাচানা হং·খাতবাও সাকসা মান্দি খাতবায়ে বিচা রি·বাজক আরো বিনি মিকখাংও জা·স্খু দে·ম্মে আগানজক, ‘‘ও স্খিগিবা, না·আ সাকসা নাম্মা মান্দি। আংনা আগানবো, ফাংনাজলনি জাংগিখো মান·রিকনা আংআ মুয়াখো দাকনুয়া?’’

লূকনি চকগিবা নাম্মা খাৎথা 24:45

রংথালগিবা শাস্ত্রখো হা·আইখানা গিত্তা বিয়া জা·রিকগিবারাংনি বুদ্ধিখো খুলিয়েতজক আরো বিসংনা আগানজক, “চক্কা দংআ, খ্রীষ্টখো দুক চাকনা নাংনুয়া আরো সালগিত্থামনি সালো সিয়াওনি চাখাতনা নাংনুয়া।

ওয়াত্তেতারাংনা 16:14

খিন্নাগিবারাংনি গিসেপো থুয়াতীরা সংজিলমানি লুদিয়া মিংগিবা মিচিক সাকসা দংআমিং। বিয়া বা·রা গিচ্চাকম্রাংখো ফালনুয়ামিং। যিহূদী হং·জাওবা বিয়া ইসলখো অলাখিনুয়ামিং। গিত্তেল লুদিয়ানি খা·থংখো ইন্দাকে এংফ্রাকেতজক জেদাক্কে বিয়া পৌলনি খাৎথাখো গিসিক নাংএ খিন্নাএ বিবিরা·আ।

রোমানরাংনা 11:29

ইসল জেখো হন·খামা আরো জেখো রিক্কামা উনি গিম্মিন বিয়া বিনি গিসিকখো দিংথাং দাকফিলজা।

রোমানরাংনা 2:4

না·আদে ইসলনি বন·চাংগিজা খা·সাচাক্কাখো আরো চাকচিকাখো চন্নিকিংআ। পাপওনি নাং·খো গিসিক ফি·ল্লেতনা মিকসংএ ইসল খা·সাচাক্কা, ইখো না·আ গুয়ালজক।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

গালাতীয়রাংনা 5:5

ইন্দিবা দোসগ্রি ইন্নে আনচিংখো রা·চাকনুয়া, ইয়া খা·দংআও বিবিরা·আচা গিসিক রংথালগিবাও আনচিং নিচাকে দংআ;

ইফিষীয়রাংনা 1:11

ইসল বিনি বিচালচা আন·থাংনি হা·সিকা গিত্তান গিম্মিক কামখো দাক্কা। বিনি মিকসংআ গিত্তা বিয়া স্খাংআন জেখো থারিয়ে দনসোআমিং উগিত্তান খ্রীষ্টও বিনি আন·থাংনি মান্দি হং·না বিয়া আনচিংখো বাচ্ছিয়ে রা·জক।

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 2:12

গিসিক রা·রিকবো, স্খাংও না·সং খ্রীষ্টওনি দিংথাং দংআমিং; ইস্রায়েল জাতনি জে বিল দংআ না·সং উয়া বিলনি হা·ফালও দংআমিং; ইস্রায়েল জাতনা ইসল জে গি·সা গি·গ্মি খু·রাচাক্কাগ্মাং নিয়ামখো দাক্কামিং উমুং না·সংনি মামুং নাংরিমা দংজামিং; না·সংনি মামুং খা·দংআ দংজামিং; আরো ইয়া হা·গিলসাকো না·সং ইসলগ্রিন দংআমিং।

ইফিষীয়রাংনা 3:16

আংআ বি·না জেদাক্কে ইসলনি বন·চাংগিজা রাসং গিত্তা বিয়া না·সংনা ইন্দাকগিবা বিলখো র·ন্না জেদাক্কে গিসিক রংথালগিবাচা না·সংনি খা·থং বিল্লাকা,

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ইফিষীয়রাংনা 4:4

ইসল না·সংখো রিক্কামজক ইন্নে না·সংনি গিসেপো মিংসাসান খা·দংআ দংআ, গি·সাসান বে·এন দংআ, সাকসাসান গিসিক রংথালগিবা দংআ,

ইফিষীয়রাংনা 5:8

মুয়ানা স্খাংও না·সং আন্দালাও দংওবা দা·আওদে গিত্তেলমুং নাংরিমে সেং·আওনা রি·বাজক। সেং·আও চু·সকগিবা মান্দিনি জেগিত্তা রি·না নাংআ না·সং উগিত্তা রি·বো,

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

কলসীয়রাংনা 3:15

জে থম·থমাখো খ্রীষ্ট হ·ন্না উয়া থম·থমা না·সংনি খা·থংও দংএ না·সংখো রি·দিলেতখানা। থম·থমাও দংখানা ইন্নেন না·সংখো বে·এনসান গিত্তা রিক্কামজক। না·সং মিৎথেলবো।

1 থিষলনীকী 5:8

ইন্দিবা আনচিং সালনি মান্দি হং·আ; উনি গিম্মিন চেল·খো রাক্ষিনা ইন্নে বিবিরা·আ আরো খা·সাচা চেল·খো ফিনদাপে আরো স্খুখো রাক্ষিনা ইন্নে জক্কেতানি খা·দংআখো স্খুও স্থিকে হাই, আনচিং আন·থাংথাংখো বাম্মেতে দন্না।

2 থিষলনীকীয়রাংনা 1:11

উনি গিম্মিন চিংআ ফাংনান না·সংনা বি·আ জেদাক্কে আনচিংনি ইসল না·সংখো বিনি রিক্কামনা খ্রাগিবা দাক্কে চানচিয়া, আরো জেদাক্কে বিনি বিলচা না·সংনি নাম্মা কামখো দাক্কানি হা·সিকাখো বিয়া চু·সকেতা আরো বিবিরা·আনি গিম্মিন না·সং জে কামরাংখো দাক্কিংআ উয়ো জেদাক্কে বিয়া চু·গিম্মিকেতা।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

1 তীমথিয় 6:12

খ্রীষ্টখো বিবিরা·আনি গিম্মিন বিনা চাক্কে সিমাংথাংমাং দাকগ্রিকে রি·য়াংবো। জে ফাংনাজলনি জাংগিনি গিম্মিন ইসল নাং·খো রিক্কামামিং উয়া ফাংনাজলনি জাংগিখো রি·ম্মে রা·রিকবো। না·আ বাং·আ মান্দিরাংনি মিকখাংওন নাং·নি বিবিরা·আনি সাক্ষিখো হ·ন্নামিং।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

তীতনা 3:7

জেদাক্কে আনচিং ফাংনাজলনি জাংগিনি খা·দংআখো মা·ন্নে ইসলনি গিম্মিকখো মান·রিকগিবা হং·আ। ইন্দাকে হং·না মান·জক, মুয়ানা ইসলনি খা·সাচাক্কাচা আনচিংখো দোসগ্রি দাক্কে রা·চাকজক।

ইব্রীয়রাংনা 10:32

চেংওনি খাৎথারাংখো গিসিক রা·এ নিবো। উনো সেং·আখো মা·ন্নে দুকখো চাক্কানি বিল্লংআওবা না·সং খেম·খেম দংআমিং।

ইব্রীয়রাংনা 6:4

মুয়ানা জেরাং রাং·সা সেং·আখো নিকজক, সালগিনি হ·ন্নানি থোআখো আরো গিসিক রংথালগিবাখো মান·জক,

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

পিতর 3:9

অন্যায়নি সাক্কাও দা·আ অন্যায় দাক্কাবো বা সাবা খা·চাওদে বিখো দা·আ খা·চাফিলাবো, বাত্তেসা বিসংনা ফাত্তিয়াখো হাম·বো; মুয়ানা ফাত্তিয়াখো মা·ন্না ইন্নেন ইসল না·সংখো রিক্কামজক।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।