ইফিষীয়রাংনা 1:14 - Garo New Testament

¹⁴ জেরাং ইসলনি আন·থাংনি গাম হং·আ বিসংনা বিয়া মিংসা মান·রিকানি বিলখো র·ন্না খু·রাচাকজক। বিসংখো জেওনা দিপ্পাৎ চু·গিম্মিক দাক্কে জক্কেৎজানুয়া উয়োনা দিপ্পাৎ উয়া মান·রিকানি বিলনি স্খাংগিবা বাক গিত্তা গিসিক রংথালগিবাখো বিসংনা রন·জক। আরো ইরাংচান ইসলনি রাসংনি মিৎথেলা হং·নুয়া।

ইফিষীয়রাংনা 1:14 Iomraidhean Croise

লূকনি চকগিবা নাম্মা খাৎথা 21:28

ইরাং হং·বামিত্তিংও না·সং চাখাতবো আরো মিকখাং দি·চাবো, মুয়ানা না·সংনি জক্কানি সাল সেফাংজক।”

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

ওয়াত্তেতারাংনা 20:32

“ইসল আরো বিনি খাৎথানি জাক্কো দা·আও আংআ না·সংখো ফাকওয়াতিংজক। ইসলনি খাৎথা বিনি খা·সাচাক্কাখো আগানা, আরো না·সংখো থারিয়ে রা·আনি বিল উয়া খাৎথানি দংআ। ইনাআগ্রেবা ইসল বিনি আন·থাংনি মান্দিরাংনা জেখো দনজক উয়া খাৎথা না·সংনা উখোবা হ·ন্না মা·ন্নুয়া।

রোমানরাংনা 8:23

ইয়াসান হং·জা, ইন্দিবা জে রাসংখো জা·মানো মা·ন্নুয়া উনি স্খাংগিবা বিথি গিত্তা গিসিক রংথালগিবাখো মা·ন্নে আনচিং আন·থাংবা খা·থংও মা·আমিংআ। আরো উয়া সালনা সেংএ দংআ জেনসালো আনচিংখো ইসলনি দেদ্রাং গিত্তা ফারাকনুয়া, আগানস্খাওদে ব·ন্নাংআনি জাকওনিখো আনচিংখো জক্কেৎনুয়া।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

2য় করিন্থীয়রাংনা 1:22

আগানস্খাওদে বিনি আন·থাংনি গাম গিত্তা বিয়া চিংখো সীলমোহর সু·এ দনজক; আরো জেরাংখো চিংনা হ·ন্নুয়া উনি স্খাংগিবা বাক গিত্তা বিয়া চিংনি খা·থংও গিসিক রংথালগিবাখো হন·জক।

2য় করিন্থীয়রাংনা 5:5

ইনি গিম্মিনান ইসল চিংখো থারিজক আরো উনি স্খাংগিবা বাক গিত্তা গিসিক রংথালগিবাখো বিয়া চিংনা হন·জক।

গালাতীয়রাংনা 4:6

না·সং দেদ্রাং ইন্নেন ইসল বিনি দেফান্থিনি গিসিকখো না·সংনি খা·থংও দংনা ওয়াত্তেতজক। উয়া গিসিক ইসলখো আব্বা আব্বা, আগানস্খাওদে আপফা ইন্নে রিক্কামা।

ইফিষীয়রাংনা 1:11

ইসল বিনি বিচালচা আন·থাংনি হা·সিকা গিত্তান গিম্মিক কামখো দাক্কা। বিনি মিকসংআ গিত্তা বিয়া স্খাংআন জেখো থারিয়ে দনসোআমিং উগিত্তান খ্রীষ্টও বিনি আন·থাংনি মান্দি হং·না বিয়া আনচিংখো বাচ্ছিয়ে রা·জক।

ইফিষীয়রাংনা 1:12

আনচিং জেরাং স্খাংআন খ্রীষ্টও খা·দংজক, উয়া আনচিংআন জেদাক্কে ইসলনি রাসংনা মিৎথেলা উনি গিম্মিনান বিয়া আনচিংখো বাচ্ছিয়ে রা·জক।

ইফিষীয়রাংনা 4:30

না·সং ইসলনি গিসিক রংথালগিবাখো দা·আ দুক র·ন্নাবো, জেচা ইসল জক্কানি সালোনা দিপ্পাৎ না·সংখো সিল সু·এ দনজক।

পিতর 2:9

ইন্দিবা না·সংদে “বাচ্ছিগিবা মা·চং হং·জক; না·সংখো রা·এ খামালরাংনি সংনকখো রিকজক; না·সং ইসলনা মিংএ দিংথাং দাকগিবা জাত হং·আ আরো বিনি আন·থাংনি মান্দি হং·জক;” জেদাক্কে আন্দালাওনি না·সংখো জেআন বিনি আইয়াও ইনমানগিবা সেং·আও রিংগামে রা·বাজক না·সং বিখোন রাসং দাকবো।