ইফিষীয়রাংনা 1:13 - Garo New Testament

¹³ আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

ইফিষীয়রাংনা 1:13 Iomraidhean Croise

লূকনি চকগিবা নাম্মা খাৎথা 11:13

ইন্দাকোদে না·সং নামগিজা হং·এবা আন·থাংথাংনি দেদ্রাংনা নামনামা জিনিসরাংখো হ·ন্না হা·আইওদে, ইন্দিদে সালগিও দংগিবা ফাচা জেরাং হা·ম্মা, বিসংনা বিয়া গিসিক রংথালগিবাখো হ·ন্নুয়া ইয়াদে খাকখেতান হং·আ!”

লূকনি চকগিবা নাম্মা খাৎথা 24:49

নিবো, আংনি আপফা জেখো হ·ন্না খু·রাচাক্কামিং উখো আংআ না·সংনা ওয়াত্তেতনুয়া। সালগিওনি বিলখো মান·খুজানা দিপ্পাৎ না·সং ইয়া সংজিলমাওন দংসোবো।”

যোহননা 1:17

মোশিচা নিয়ামরাংখো হ·ন্নামিং, ইন্দিবা যীশু খ্রীষ্টচা খা·সাচাক্কা আরো বিবি রি·বাজক।

যোহননা 14:26

উয়া দাকচাকগিবা, আগানস্খাওদে গিসিক রংথালগিবাখো জেখো আপফা আংনি বিমুংও ওয়াত্তেতনুয়া, বিয়ান না·সংনা গিম্মিকখো স্খিয়ে হ·ন্নুয়া, আরো না·সংনা আংনি আগানগিবারাংখো গিসিক রা·এতনুয়া।

যোহননা 15:26

“জে দাকচাকগিবাখো আংআ আপফাওনি না·সংনা ওয়াত্তেতনুয়া, বিয়া জেনসালো রি·বানুয়া উনসালো বিয়ান আংনি গিম্মিন সাক্ষি হ·ন্নুয়া। বিয়ান আপফাওনি রি·বাগিবা বিবিনি গিসিক হং·আ।

যোহননা 3:33

বিনি সাক্ষিখো রা·চাকগিবা ইখোন ফিন্নিকজক, ইসল জেখো আগানা উয়ান বিবি হং·আ।

যোহননা 6:27

ইন্দিবা নাসিনাগিবা চা·আনা গাম্মে মুয়া হং·নুয়া? জে চা·আ নাসিজা বাত্তেসা ফাংনাজলনি জাংগিখো হ·ন্না উনি গিম্মিন গামবো। উয়া চা·আখোন মান্দিনি দেফান্থি না·সংনা হ·ন্নুয়া, মুয়ানা ফাগিবা ইসল বিখোন ইয়া কামনা খ্রাগিবা ইন্নে ফিন্নিকজক।

ওয়াত্তেতারাংনা 1:4

উনো যীশু জা·রিকগিবারাংমুং দংমিত্তিংও বিসংনা ইন্দাকে গি·য়েতামিং, “না·সং যিরূশালেমখো ওয়াত্তে দা·আ রি·য়াংআবো, ইন্দিবা আপফানি খু·রাচাক্কে হ·ন্না গিম্মিন জে খাৎথাখো না·সং আংচা খিন্নাজক উনি হা·সেল নিচাকসোবো।

ওয়াত্তেতারাংনা 13:26

“জংআদারাং, অব্রাহামনি দেরিচ্ছু-সু·রিচ্ছুরাং আরো ইসলনা খা·ফাকগিবা গিপ্পিন জাতরাং, পাপওনি জক্কেতানি ইয়া খাৎথাখো আনচিংচান ওয়াত্তেতজক।

ওয়াত্তেতারাংনা 2:33

ইসলনি জাক্রাচা আসংআনি রাসংখো বিনাসান হ·ন্না আরো খু·রাচাকগিবা গিসিক রংথালগিবাখো বিয়ান ফাগিবা ইসলচানিখো মা·ন্না; আরো দা·আও না·সং জেখো নিক্কিংআ আরো খিন্নানা মা·ন্নিংআ উখো যীশুন হ·ন্না।

রোমানরাংনা 1:16

যীশু খ্রীষ্টনি গিম্মিন ইয়া নাম্মা খাৎথানা আংনি মামুং খ্রাচা·আনি দংজা, মুয়ানা ইয়া নাম্মা খাৎথান হং·জক ইসলনি বিল জেচা বিয়া গিম্মিক বিবিরা·গিবারাংখো পাপনিখো জক্কেতিংআ-স্খাং যিহূদীরাংখো, জা·মানো গিপ্পিন জাতরাংখো।

রোমানরাংনা 4:11

বিগিল রাতগিজা বিবিরা·আনি গিম্মিনান ইসল বিখো দোসগ্রি ইন্নে রা·চাকামিং বিনি বিগিল রাত্তা উনিন সাক্ষি আরো উয়া উনি চিন হং·আ। ইন্দাকোদে নিকনা মা·ন্না, বিগিল রাতজাওবা বিবিরা·আনাসান জেরাংখো দোসগ্রি ইন্নে রা·চাকা, অব্রাহাম বিসং গিম্মিকনি ফাগিবা হং·আ।

রোমানরাংনা 6:17

ইন্দিবা ইসলখো মিৎথেলনা, মুয়ানা না·সং পাপনি নকখল হং·আমিং ইন্দাকোবা জেখো না·সংনা স্খিজক খা·থং গিম্মিকচা না·সং উখো মানিজক।

2য় করিন্থীয়রাংনা 1:22

আগানস্খাওদে বিনি আন·থাংনি গাম গিত্তা বিয়া চিংখো সীলমোহর সু·এ দনজক; আরো জেরাংখো চিংনা হ·ন্নুয়া উনি স্খাংগিবা বাক গিত্তা বিয়া চিংনি খা·থংও গিসিক রংথালগিবাখো হন·জক।

2য় করিন্থীয়রাংনা 6:7

বিবিখো আগানফ্রাকাচা আরো ইসলনি বিলচা চিংআ ইখো ফিন্নিকিংজক, চিংআ ইসলনা দাকচাকে হন·গিবা। দা·আবা জাক সামগ্মিও খাকখেৎনি জাকরিমরারাংখো রা·এ চিংআ ইখো ফিন্নিকিংজক, চিংআ ইসলনা দাকচাকে হন·গিবা।

গালাতীয়রাংনা 3:14

ইসল অব্রাহামনা জে ফাত্তিয়াখো র·ন্নামিং উয়া ফাত্তিয়াখো জেদাক্কে যীশু খ্রীষ্টও গিপ্পিন জাতরাংবা মা·ন্না, আরো আনচিং জেদাক্কে বিবিরা·আচা খু·রাচাকগিবা গিসিক রংথালগিবাখো মা·ন্না, উনি গিম্মিনান খ্রীষ্ট উয়া শাপখো আন·থাংনি সাক্কাও রা·আমিং।

ইফিষীয়রাংনা 4:21

না·সং বিনি গিম্মিন খিন্নামিং, আরো বিমুং নাংরিমে বিনি গিসেপো জে বিবি দংআ উগিত্তা স্খিয়াখো মা·ন্নামিং।

ইফিষীয়রাংনা 4:30

না·সং ইসলনি গিসিক রংথালগিবাখো দা·আ দুক র·ন্নাবো, জেচা ইসল জক্কানি সালোনা দিপ্পাৎ না·সংখো সিল সু·এ দনজক।

1 থিষলনীকী 2:13

চিংআ ফাংনান ইসলখো মিৎথেলিংআ, মুয়ানা ইসলনি খাৎথাখো চিংচাখো খিন্নাএ না·সং জেনসালো বিবিরা·আমিং উনো না·সং উখো মান্দিনি ইন্নে হং·জা, ইন্দিবা ইসলনি খাৎথা ইন্নেন রা·চাকামিং। আরো বিবিন উয়া ইসলনিন খাৎথা। না·সং জেরাং বিবিরা·জক, না·সংনি খা·থংও উয়া খাৎথান কাম দাক্কিংআ।

2 তীমথিয় 2:15

জেনি সাক্কাও ইসল খুসি হং·আ, আগানস্খাওদে জেনি খ্রাচা·আ মা·ন্নানি মামুং হা·সেল দংজা উয়ানদাক্কা কামনি মান্দি গিত্তা আরো জেআন খাকখেৎ দাক্কে বিবিনি খাৎথাখো স্খিয়া উয়া মান্দি গিত্তা আন·থাংখো ইসলনি মিকখাংও দন্না হাম·বো।

2 তীমথিয় 2:19

ইন্দাকোবা ইসলনি রিকগিবা ফাংচাকানি চাদেংএন দংআ, আরো উনি সাক্কাও সীলমোহর গিত্তা ইয়া খাৎথারাং চক্কা দংআ, “গিত্তেল হা·আইয়া, সারাং বিনি হং·আ,” আরো “জেআন খ্রীষ্টখো গিত্তেল ইন্নে রিক্কামা বিয়া গিম্মিক পাপওনি চে·ল্লাচা রি·য়াংখানা।”

2 তীমথিয় 3:15

বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

তীতনা 2:11

ইসলনি জে খা·সাচাক্কাচা পাপওনি জক্কাখো মা·ন্না উখো গিম্মিক মান্দিরাংচান ফারাকা হং·জক।

ইব্রীয়রাংনা 2:3

ইন্দাকোদে পাপওনি জকনা ইসল ইন্দাকা দাল·বাতা নিয়ামখো দাকজক উখো আনচিং চন্নিকোদে বাদিকে দাক্কে আনচিং জকনুয়া? পাপওনি জক্কানি খাৎথাখো স্খাং গিত্তেল যীশুআন আগানামিং আরো জেরাং উখো খিন্নামিং বিসং আনচিংচা উয়া জক্কানি বিবিখো ফিন্নিকজক।

যাকোব 1:18

বিনি আন·থাংনি হা·সিকাচা বিবিনি খাৎথা গিত্তা বিয়া আনচিংখো বিনি দেদ্রাং থারিজক, জেদাক্কে আনচিং বিনি থারিগিবা বস্তুরাংনি গিসেপো স্খাং নাংগিবা বিথি গিত্তা হং·না মা·ন্না।

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

পিতর 2:10

সালসাদে না·সং ইসলনি মান্দি হং·জামিং, ইন্দিবা দা·আওদে হং·জক; সালসাদে না·সং খা·সাচাক্কাখো মান·জামিং, ইন্দিবা দা·আওদে মান·জক।

ফারাকগিবা খাৎথা 7:2

জা·মানো আংআ দা·আও সাকসা সা·গ্রেখো সালারামচানি চাখাতে রি·বাখো নিকজক। বিচা থাংগিবা ইসলনি সীলমোহর দংআমিং। জে সাকব্রি সা·গ্রেনা হা·গিলসাক আরো সাগালনি নামগিজাখো দাক্কানি বিল হ·ন্নামিং উয়া সাকব্রি সা·গ্রেখো বিয়া নাম্মেন রাক্কে চ্রিকে আগানজক,