ইফিষীয়রাংনা 1:1 - Garo New Testament

¹ আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।

ইফিষীয়রাংনা 1:1 Iomraidhean Croise

লূকনি চকগিবা নাম্মা খাৎথা 16:10

অকখিসানি গিম্মিন বিবিগিবা হং·গিবা বাং·আনি গিম্মিনবা বিবিগিবা হং·আ। অকখিসানি গিম্মিন জেখো বিবিরা·না মান·জা বিখো বাং·আনি গিম্মিনবা বিবিরা·না মান·জা।

ওয়াত্তেতারাংনা 16:15

ইনি গিম্মিন বিয়া আরো বিনি নক গিম্মিকান রিপ্পলজক। ইনি জা·মানো বিয়া ইন্দাকে চিংনা আগানজক, “আংখো না·সং গিত্তেলখো বিবিরা·গিবা ইন্নে চানচিওদে আংনি নক্কো রি·বাএ দংবো।” ইন্দাকে আগানে বিয়া চিংখো মল·মলে বিনি নকথাংচা রিম্মাংজক।

ওয়াত্তেতারাংনা 18:19

ইফিষ সংজিলমাও সক্কে বিয়া প্রিষ্কিল্লা আরো আকিলামুং রি·রিম্মাখো ওয়াতজক। জা·মানো বিয়া আন·থাংআন থম·দাকরামচা রি·য়াংএ যিহূদীরাংমুং যীশুনি গিম্মিন আগান্না হা·বাচেংজক।

ওয়াত্তেতারাংনা 18:21

ইন্দাকোবা উয়োনি রি·য়াংমিত্তিংও বিয়া আগানজক, “ইসলনি হা·সিকা দংওদে আংআ দা·আবা রি·বাফিলনুয়া।” জা·মানো বিয়া ইফিষওনি জাহাসও দাক্কে রি·য়াংজক।

ওয়াত্তেতারাংনা 9:13

অননিয় আগানজক, “গিত্তেল, আংআ বাং·আ মান্দিরাংচা ইয়া মান্দিনি গিম্মিন ইন্দাকে খিন্নাজক, যিরূশালেমো বিয়া নাং·নি মান্দিরাংখো বাসিক গিচ্চিয়েতজক।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

রোমানরাংনা 1:7

রোম সংজিলমাও জে মান্দিরাংখো ইসল খা·সাজক আরো বিনি আন·থাংনি মান্দি হং·না রিক্কামজক বিসং গিম্মিকচান, আগানস্খাওদে না·সংচান আংআ ইয়া চিঠিখো চক্কিংজক। আনচিংনি ফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

রোমানরাংনা 8:1

জেরাং খ্রীষ্ট যীশুমুং নাংরিমজক বিসংখো ইসল শাস্তি মা·ন্না খ্রা ইন্নে চানচিজানুয়া।

1ম করিন্থীয়রাংনা 4:12

চিংআ জাকথাংথাংও গাম্মিংজক। মান্দিরাং চিংখো খা·চাজোকনো চিংআ বিসংনা নাম্মাখো হা·ম্মা; বিসং চিংখো দুক হন·জোকনো চিংআ উখো চাকচিকা;

1ম করিন্থীয়রাংনা 4:17

আরো ইনি গিম্মিনান আংআ তীমথিয়খো না·সংচা ওয়াত্তেতিংজক। বিবিরা·গিবা গিত্তা বিয়া আংনি খা·সাগিবা আরো বিবিগিবা দে হং·আ। যীশুমুং নাংরিমে আংনি স্খিয়া আরো কাম বাদিকে দাক্কা, বিয়া উখো না·সংনা গিসিক রা·এতনুয়া। গিম্মিক হা·দামনি গিম্মিক মন্ডলীনা আংআ ইরাংনি বিদিংও আপসানখোন স্খিয়ে হ·ন্না।

2য় করিন্থীয়রাংনা 1:1

আংআ পৌল ইসলনি হা·সিকাচা খ্রীষ্ট যীশুনি সাকসা ওয়াত্তেতা হং·জক। আংআ আরো আনচিংনি বিবিরা·গিবা জং তীমথিয় করিন্থ সংজিলমানি ইসলনি মন্ডলী আরো আখায়া হা·দকনি ইসলনি গিম্মিক মান্দিরাংনা ইয়া চিঠিখো চক্কিংজক।

গালাতীয়রাংনা 1:1

আংআ পৌল খ্রীষ্টনি সাকসা ওয়াত্তেতা হং·আ। ইয়া ওয়াত্তেতা দাক্কে সংআখো আংআ মান্দিচাখো বা মান্দিনি গিসেপো মান·জা, বাত্তেসা যীশু খ্রীষ্ট আরো ফাগিবা ইসল, জেআন খ্রীষ্টখো সিয়াওনি থাংচাএতামিং, বিসংচাখোন আংআ উখো মান·জক।

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

গালাতীয়রাংনা 3:9

ইন্দাকোদে নিকনা মা·ন্না, ইসলখো বিবিরা·এ অব্রাহাম জেদাক্কে ফাত্তিয়াখো মা·ন্নামিং উয়ানদাক্কে উনি জা·মানোনি ইসলখো বিবিরা·গিবারাংবা উয়া ফাত্তিয়াখো মা·ন্নিংজক।

ইফিষীয়রাংনা 1:15

ইনি গিম্মিন জেনসালো আংআ গিত্তেল যীশুনি সাক্কাও না·সংনি বিবিরা·আখো আরো ইসলনি গিম্মিক মান্দিরাংনা না·সংনি খা·সানি খাৎথাখো খিন্নাজক,

ইফিষীয়রাংনা 2:10

আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

ইফিষীয়রাংনা 2:13

চেংও না·সং চে·ল্লাও দংআমিং, ইন্দিবা খ্রীষ্ট যীশুমুং নাংরিমজক ইন্নে না·সংখো দা·আও বিনি হান·চিচা সেফাংচানা রা·বাজক।

ইফিষীয়রাংনা 2:6

আনচিং খ্রীষ্ট যীশুমুং নাংরিমজক ইন্নে ইসল আনচিংখো খ্রীষ্টমুং থাংচাএতি খ্রীষ্টমুংআন সালগিও আসংএতজক।

ইফিষীয়রাংনা 6:21

আংআ বাদিকে দংআ আরো আংনি সাল বাদিকে রি·য়াংইংজক উখো খা·সাগিবা জং আরো গিত্তেলনি বিবিরা·না খ্রাগিবা দাকচাকে রন·গিবা তুখিকচাখো হা·আইনা মা·ন্নুয়া।

ফারাকগিবা খাৎথা 17:14

ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।