কলসীয়রাংনা 3:3 - Garo New Testament

³ না·সংদে সিজক আরো না·সংনি জাংগি খ্রীষ্টমুং ইসলও থুম্মুয়া দংআ।

কলসীয়রাংনা 3:3 Iomraidhean Croise

মথিনি চকগিবা নাম্মা খাৎথা 11:25

জা·মানো যীশু আগানজক, ‘‘ও আপফা, না·আ সালগিসাক আরো হা·গিলসাকনি গিত্তেল। আংআ নাং·খো মিৎথেলা মুয়ানা না·আ হা·আইবাৎগিবা আরো বুদ্ধিগ্মাং মান্দিরাংওনি ইরাংখো থুম্মুয়ে দন্না, ইন্দিবা বি·সারাং গিত্তা মান্দিরাংচা ফারাকজক।

যোহননা 14:19

বাং·গিজা সালনি জা·মানো হা·গিলসাকনি মান্দিরাং আংখো নিকজানাজক, ইন্দিবা না·সং নিকনা মা·ন্নুয়া। আংনি থাংএ দংআনা না·সংবা থাংএ দংনুয়া।

যোহননা 3:16

“ইসল মান্দিখো ইন্দাকফিল্লে খা·সানি গিম্মিন বিনি সাকসা খাম·খাম দেফান্থিখো হন·জক, জেদাক্কে উয়া দেফান্থিও বিবিরা·গিবা দিমদাকান নামগিজাও গা·আকজা ইন্দিবা ফাংনাজলনি জাংগিখো মা·ন্না।

যোহননা 4:14

ইন্দিবা আংআ জে চিখো হ·ন্নুয়া উখো রিংগিবানিদে মামুং সালোবা রিংনা হা·সিকফিলজানুয়া। উয়া চি বিনি খা·থংও চিমিক হং·এ ফাংনাজলনি জাংগিখো হ·ন্নুয়া।”

যোহননা 5:21

ফাগিবা জেদাক্কে সিগিবারাংনা জাংগিখো হ·ন্নে চাখাত্তেতা উয়ানদাক্কেন দেফান্থিবা জেনা হা·সিকা বিনা জাংগিখো হ·ন্না।

যোহননা 5:24

“আংআ না·সংনা বিবিন আগানিংআ, আংনি আগানাখো জে খিন্নাচাকা আরো জে আংখো ওয়াত্তেতগিবাখো বিবিরা·আ বিয়া ফাংনাজলনি জাংগিখো মান·জক। বিখো গ্রো নাংগিবা ইন্নে ফতজানুয়া; বিয়াদে সিয়াওনি জাংগিওনা গা·বাতজক।

যোহননা 5:40

ইন্দাকোবা জাংগি মা·ন্না গিত্তা না·সং আংচানা রি·বানা হা·সিকজা।

রোমানরাংনা 5:10

আনচিং ইসলনি বোবিল দংমিত্তিংও বিনি দেফান্থিনি সিয়াওন বিমুং আনচিং নাংরিমজক। ইন্দাকে নাংরিমজক ইন্নে খ্রীষ্টনি সিচাকানা আনচিং পাপওনি জক্কাখো মান·বিবিনুয়া।

রোমানরাংনা 5:21

ইনি গিম্মিনান উয়া খা·সাচাক্কা বাং·জক জেগিত্তা সিয়াও পাপ শাসন দাক্কামিং, উগিত্তা মান্দিখো দোসগ্রি ইন্নে রা·চাকে দা·আও বিনি খা·সাচাক্কা শাসন দাকনা মা·ন্না; আরো আনচিংনি গিত্তেল যীশুও ফাংনাজলনি জাংগিখো মা·ন্না উনি বিথি হং·আ।

রোমানরাংনা 6:11

উয়ানদাক্কেন ইয়া খাৎথাও ফাংচাকবো, খ্রীষ্ট যীশুমুং নাংরিমজক ইন্নে পাপনি দাবিচা না·সংবা সিজক, আরো দা·আও ইসলনি গিম্মিন না·সংবা থাংএ দংআ।

রোমানরাংনা 6:2

হং·জা। পাপনি দাবিচা আনচিংদে সিজকান; ইন্দিদে বাদিকে দাক্কে আনচিং পাপনি রামাওনা রি·নুয়া?

রোমানরাংনা 8:2

জাংগি হন·গিবা গিসিক রংথালগিবানি নিয়ামান আংখো খ্রীষ্ট যীশুও পাপ আরো সিয়ানি নিয়ামওনি জক্কেৎজক।

1ম করিন্থীয়রাংনা 15:45

শাস্ত্রও ইন্দাকে চক্কা দংআ, “স্খাংগিবা মান্দি আদম জাংগিগ্মাংগিবা হং·জক।” আরো বন·চতগিবা আদম জাংগিখো হন·চাকগিবা গিসিক হং·জক।

1ম করিন্থীয়রাংনা 2:14

গিসিকওনি হং·গিজাগিবা মান্দি ইসলনি গিসিকওনি রি·বাগিবাখো রা·চাকজা, মুয়ানা উরাংদে বিচা গক্কানিসা হং·আ। উরাংখো বিয়া হা·আইনা মান·জা, মুয়ানা গিসিক রংথালগিবা স্খিয়েতজাওদে উরাংখো পরীক্ষা দাক্কে নিনা মান·জা।

2য় করিন্থীয়রাংনা 5:14

খ্রীষ্টনি খা·সান চিংখো বাম্মেতে দন্নে রি·দিলিংআ, মুয়ানা ইখো চিংআ হা·আইনা মান·জকান, গিম্মিকনা হং·এ সাকসা সিজক, আরো উনি গিম্মিন গিম্মিকান সিজক।

2য় করিন্থীয়রাংনা 5:7

জেখো নিক্কিংআ চিংআ উচা রি·জা, বাত্তেসা বিবিরা·আচা রি·য়া।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

ইফিষীয়রাংনা 3:9

ইনা আগ্রে বিনি নিং·থুয়া মিকসংআখো বাদিকে দাক্কে কাম দাক্কেতনুয়া উখো ফারাকানি কামখোবা বিয়া আংনা রন·জক। গিম্মিকখো থারিগিবা ইসল বাসোকোনিন বিনি উয়া মিকসংআখো সিউল দাক্কে দন্নামিং।

ফিলিপীয়রাংনা 4:7

উনি গিম্মিন, ইসলনি রন·গিবা জে থম·থমাখো মান্দি চানচিয়েবা হা·আইনা মান·জা, খ্রীষ্ট যীশুও উয়া থম·থমা না·সংনি খা·থং আরো গিসিকখো জক্কেৎনুয়া।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

কলসীয়রাংনা 2:20

খ্রীষ্টমুং সিফাএ না·সং হা·গিলসাকনি বেওয়ালরাংওনি চে·ল্লাচানা জিত্তে রি·বাওদে হা·গিলসাকনি মান্দিরাং গিত্তান না·সং মুয়ানা দা·আবা হা·গিলসাকনি নিয়ামনি নিং·আও দংইংজক?

কলসীয়রাংনা 2:3

খ্রীষ্টও গিম্মিক হা·আইয়া আরো বুদ্ধি থুম্মুয়ে দংআ।

কলসীয়রাংনা 3:4

জেআন না·সংনি জাংগি উয়া খ্রীষ্ট জেনসালো ফারাকনুয়া উনো না·সংবা বিমুং বিনি রাসংও ফারাকনুয়া।

ইব্রীয়রাংনা 7:25

ইনি গিম্মিন জেরাং বিগিত্তা ইসলচা রি·বাআ বিসংখো বিয়া চু·গিম্মিক দাক্কে জক্কেৎনা মা·ন্না, মুয়ানা বিসংনা মল·মলচাকনা বিয়া ফাংনান থাংএ দংআ।

পিতর 3:4

বাত্তেসা জেনি নিথুয়া ব·ন্নাংজানুয়া উয়া ন·ম্মা আরো থম·থম দাকগিবা গিসিক-বেওয়ালচা না·সংনি খা·থংখো সাজাইবো। ইসলনি মিক্রোনও উয়ান গামচাৎবিয়া।

পিতর 4:2

উনি গিম্মিন ইয়া হা·গিলসাকনি থাংএ দংনাগিবা জাংগিখো বিয়া হা·গিলসাকনি নামগিজা হা·সিকারাংও হান·সেংএ মিৎথাংএতজা, বাত্তেসা ইসলনি হা·সিকাখো মানিয়েন রি·য়া।

1 যোহন 3:2

খা·সাগিবা বি·সারাং, দা·আও আনচিং ইসলনি দেদ্রাং হং·আ, ইন্দিবা জা·মানো মুয়া হং·নুয়া উখো দা·আওবা ফারাকখুজা। ইন্দিদে আনচিং হা·আইয়া, খ্রীষ্ট জেনসালো ফারাকনুয়া উনো আনচিং বিগিত্তান হং·নুয়া, মুয়ানা বিয়া আদতে জেগিত্তা হং·আ, উয়া বিমাংওন আনচিং বিখো নিকনা মা·ন্নুয়া।

ফারাকগিবা খাৎথা 2:17

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ সিউল দনগিবা মান্নাওনি অকখিসা মান্না আরো খানসা গিব্বক রং·থিখো হ·ন্নুয়া। উয়া রং·থিনি সাক্কাও ইন্দাকগিবা মিংসা গিত্তাল বিমুং চক্কা দংনুয়া জেখো দারাংবা হা·আইজা; উখো জেআন মা·ন্নুয়া বিয়াসান উখো হা·আইনুয়া।