কলসীয়রাংনা 2:2 - Garo New Testament

² আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

কলসীয়রাংনা 2:2 Iomraidhean Croise

মথিনি চকগিবা নাম্মা খাৎথা 11:25

জা·মানো যীশু আগানজক, ‘‘ও আপফা, না·আ সালগিসাক আরো হা·গিলসাকনি গিত্তেল। আংআ নাং·খো মিৎথেলা মুয়ানা না·আ হা·আইবাৎগিবা আরো বুদ্ধিগ্মাং মান্দিরাংওনি ইরাংখো থুম্মুয়ে দন্না, ইন্দিবা বি·সারাং গিত্তা মান্দিরাংচা ফারাকজক।

মথিনি চকগিবা নাম্মা খাৎথা 11:27

‘‘দিমদাকখোন আংনি আপফা আংনি জাক্কো হন·জক। ফাগিবানা আগ্রে দেফান্থিখো দারাংবা হা·আইজা আরো দেফান্থিনা আগ্রে ফাগিবাখো সাকসাবা হা·আইজা, আরো দেফান্থি জেচা ফাগিবাখো ফারাকেতনা হা·ম্মা উয়ান বিখো হা·আইনা মা·ন্না।

মথিনি চকগিবা নাম্মা খাৎথা 13:11

বিয়া জা·রিকগিবারাংনা আগানচাকে ইনজক, ‘‘সালগিনি সংনকনি নিং·থুয়া খাৎথাখো না·সংনা হা·আইনা হন·জক ইন্দিবা বিসংনাদে হন·জা,

লূকনি চকগিবা নাম্মা খাৎথা 1:1

ফামং থিয়ফিল, আনচিংনি গিসেপো জেরাং চেংওনি মিক্রোনথাংও হং·গিবারাংখো নিকজক আরো ইসলনি নাম্মা খাৎথাখো আগানফ্রাকজক বিসং আনচিংনা গিম্মিকখো আগানজক, আরো বিসংনি আগানা গিত্তান বাং·আরাং উয়ারাংখো চকজক।

যোহননা 10:30

আংআ আরো আপফা সাকসান হং·আ।”

যোহননা 10:38

ইন্দিবা দাক্কোদে আংখো বিবিরা·জাওবা আংনি কামরাংখোদে বিবিরা·আবো। উনি গিম্মিন না·সং ইখো হা·আইনা মা·ন্নুয়া, ফাগিবা আংও দংআ আরো আংআ ফাগিবাও দংআ।”

যোহননা 16:15

ফাগিবাও দংগিবা গিম্মিকান আংনি। উনি গিম্মিনান আংআ আগানজক, আংআ জেখো দাক্কা আরো আগানা উখোন বিয়া না·সংচা ফারাকনুয়া।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 5:17

উনোন বিয়া উয়া দাল·গিবারাংনা আগানজক, “আংনি ফা ফাংনান কাম দাক্কিংআ আরো আংআবা দাক্কিংআ।”

যোহননা 5:23

ফাগিবাখো জেদাক্কে দিমদাকান মান্দিরা·আ উয়ানদাক্কে দেফান্থিখোবা মান্দিরা·আ। দেফান্থিখো জে মান্দিরা·জা, বিখো ওয়াত্তেতগিবা উয়া ফাগিবাখোবা বিয়া মান্দিরা·জা।

যোহননা 6:69

চিংআ বিবিরা·জক আরো হা·আইনাবা মান·জক, না·আন ইসলনি উয়া রংথালগিবা মান্দি হং·আ।”

ওয়াত্তেতারাংনা 4:32

খ্রীষ্টও বিবিরা·গিবারাং গিম্মিকান গিসিক আরো খা·থংচা আপসান হং·আমিং। মামুংখোন বিসং আন·থাংনি ইন্নে ইনজানুয়ামিং ইন্দিবা গিম্মিকখোন আন·থাংথাংনি নাংআ গিত্তা জাকখালনুয়ামিং।

রোমানরাংনা 15:13

খা·দংএতগিবা উয়া ইসল না·সংনি বিবিরা·আও চানসকগিজা হান·সেংআচা আরো থম·থমাচা না·সংখো চু·সকেৎখানা। ইন্দাকোদে গিসিক রংথালগিবানি বিলচা না·সংনি খা·থংও খা·দংআ বাৎরোরোনুয়া।

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

রোমানরাংনা 2:4

না·আদে ইসলনি বন·চাংগিজা খা·সাচাক্কাখো আরো চাকচিকাখো চন্নিকিংআ। পাপওনি নাং·খো গিসিক ফি·ল্লেতনা মিকসংএ ইসল খা·সাচাক্কা, ইখো না·আ গুয়ালজক।

1ম করিন্থীয়রাংনা 14:31

মুয়ানা না·সং গিম্মিকান সাকফ্রাকফ্রাক দাক্কে আগানসোগিবা গিত্তা খাৎথা আগান্না মা·ন্না জেদাক্কে গিম্মিকান স্খিয়াখো আরো খা·দংআখো মা·ন্না।

1ম করিন্থীয়রাংনা 2:12

আনচিং হা·গিলসাকনি গিসিকখো মান·জা, বাত্তেসা ইসলওনি বিনি গিসিকখো মান·জক, জেদাক্কে ইসল আনচিংনা জেখো হন·জক উখো হা·আইনা মা·ন্না;

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 3:16

আংআ বি·না জেদাক্কে ইসলনি বন·চাংগিজা রাসং গিত্তা বিয়া না·সংনা ইন্দাকগিবা বিলখো র·ন্না জেদাক্কে গিসিক রংথালগিবাচা না·সংনি খা·থং বিল্লাকা,

ইফিষীয়রাংনা 3:3

বিনি নিং·থুয়া মিকসংআখো বিয়া মংসংগিবা ফারাকাচা আংনা আগানজক, আরো ইনি গিম্মিনো আংআ না·সংচা অকখিসা খু·সুকচা চকজক।

ইফিষীয়রাংনা 6:22

জেদাক্কে না·সং চিংনি গিম্মিন হা·আইনা মা·ন্না আরো বিয়া জেদাক্কে না·সংখো খা·দংএতনা মা·ন্না উনি গিম্মিনান আংআ বিখো না·সংচা ওয়াত্তেতজক।

ফিলিপীয়রাংনা 2:1

ইন্দাকোদে খ্রীষ্টমুং নাংরিমানি গিম্মিন খা·দংএতাখো মা·ন্নোদে, খ্রীষ্টনি খা·সানি গিম্মিন খা·নাম্মেতাখো মা·ন্নোদে, গিসিক রংথালগিবা আরো না·সংনি গিসেপো নাংরিমা দংওদে, না·সংনি খা·থংও খা·সাচাক্কা দংওদে,

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

কলসীয়রাংনা 1:26

ইসলনি খাৎথাও জে নিং·থুয়া খাৎথা চেংওনি মান্দিরাংচা চাসংওনি চাসংওনা দিপ্পাৎ থুম্মুয়ে দংআমিং, দা·আও বিনি মান্দিরাংচা উয়া ফারাকা হং·জক।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

কলসীয়রাংনা 1:9

ইনি গিম্মিন না·সংনি খাৎথাখো খিন্নানি জা·মানোনিন চিংআ ফাংনাজ্রিং না·সংনা বি·ইংজক। গিসিকনি হা·আইয়া আরো বুদ্ধিচা জেদাক্কে না·সং ইসলনি হা·সিকাখো চু·গিম্মিক দাক্কে হা·আইনা মা·ন্না চিংআ উখোন ইসলচা হা·ম্মিংআ।

কলসীয়রাংনা 2:19

বিসং নাম্মেদাক্কে রাক্কে স্খুখো, আগানস্খাওদে যীশু খ্রীষ্টখো রি·ম্মে রা·রিকজা, ইন্দিবা উয়া স্খুনি রি·দিলাচান বে·এন গিম্মিক গ্রেং-বে·এনমুং নাংরিমে আরো খেম·খেমে ইসলনি হা·সিকা গিত্তা দাল·রোরোআ।

কলসীয়রাংনা 3:14

আরো ইরাংমুং খা·সাচা আন·থাংথাংখো থারিবো। খা·সান উয়া গুণরাংখো আপসান দাক্কে চু·সকেতা।

কলসীয়রাংনা 4:3

আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।

কলসীয়রাংনা 4:8

জেদাক্কে না·সং চিংনি গিম্মিন হা·আইনা মা·ন্না আরো বিয়া জেদাক্কে না·সংখো খা·দংএতনা মা·ন্না উনি গিম্মিন আংআ বিখো না·সংচা ওয়াত্তেতজক।

1 থিষলনীকী 1:5

মুয়ানা চিংনি আগানফ্রাকগিবা নাম্মা খাৎথা খু·সুকচাসান না·সংচা রি·বাজা, ইন্দিবা বিলচা, গিসিক রংথালগিবাচা উয়া রি·বামিং। না·সংমুং দংমিত্তিংও না·সংনি নাম্মানা চিংআ বাদিকে দাক্কে রি·য়া-দোআ না·সং উখো হা·আইয়া।

1 থিষলনীকী 5:14

জংআদারাং, চিংআ না·সংনা ইন্দাকে স্খিয়েতিংজক- জেরাং আলসিয়া বিসংখো সিমসাকেতবো; জেরাংনি খা·সকা দংজা বিসংখো খা·সকেতবো; জেরাং বিলগ্রি বিসংনা দাকচাকবো আরো গিম্মিকখো চাকচিকবো।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

ইব্রীয়রাংনা 10:22

উনি গিম্মিন বিবিরা·আও জে খেম·খেমা রি·বাআ, হাই, আনচিং উয়া চু·সকগিবা খেম·খেমাও খাকখেৎ খা·থংও ইসলনি মিকখাংচা রি·য়াংনা; মুয়ানা দোসগ্মাং চানচিয়ানি জাকওনি আনচিংনি খা·থংখো হান·চি গোসাত্তে রংথালেতজক আরো গ্রিকা চিচা আনচিংনি বে·এনখো সু·গালজক।

ইব্রীয়রাংনা 6:11

চিংআ হা·ম্মা, না·সং দিমদাকান জেদাক্কে বন·চতানা দিপ্পাৎ আপসান হা·সিকাখো ফিন্নিকা। উনোদে না·সং চু·গিম্মিক দাক্কে না·সংনি খা·দংআ চু·সকনুয়া ইন্নে দংনুয়া।

২ পিতর 1:10

ইনি গিম্মিন জংআদারাং, ইসল বিবিন না·সংখো রিক্কামজক আরো বাচ্ছিয়ে রা·জক উখো হং·বিবিএতনা আরোবা বাং·এ হা·সিকমানচাবো। ইন্দাকে দাক্কোদে না·সং মামুং সালোবা জা·গিদত্তা চা·জানুয়া।

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

1 যোহন 3:19

ইনি হা·সেল আনচিং হা·আইনা মা·ন্নুয়া, আনচিং বিবিনি হং·আ। ইনাআগ্রেবা মামুংনি বিদিংও আনচিংনি খা·থং আনচিংখো দোস হ·ন্নোদে ইসলনি মিকখাংও আনচিংনি খা·থংখো আনচিং খা·নাম্মেতনা মা·ন্নুয়া। ইসল আনচিংনি খা·থংনা বাত্তেবা দাল·বাতা আরো বিয়া গিম্মিকখোন হা·আইয়া।

1 যোহন 5:7

গিসিক রংথালগিবা, চি আরো হান·চি- ইয়া গি·গিত্থামচা উয়া সাক্ষি রি·বাআ আরো উয়া গি·গিত্থামনি সাক্ষি আপসান হং·আ।