ওয়াত্তেতারাংনা 9:3 - Garo New Testament

³ রামাও রি·য়াংমিত্তিংও বিয়া দামেস্কনি সেফাংও রি·বাওন সালগিওনি রাং·গিত্তিক বিনি সামব্রিও সেং·চিপজক।

ওয়াত্তেতারাংনা 9:3 Iomraidhean Croise

ওয়াত্তেতারাংনা 22:6

“উনো সালজাচ্চি হং·জক। আংআ দামেস্কনি সেফাংগ্রিক রি·বানি জা·মানো রাং·গিত্তিক আংনি সামব্রিও সালগিওনি চিং·ব্রাপা সেং·আ থেং·সুজক।

ওয়াত্তেতারাংনা 9:17

উনোন অননিয় রি·য়াংএ উয়া নক নিং·আচা নাপজক আরো শৌলনি বে·এনো জাক দনদাপে আগানজক, “জং শৌল, ইনো রি·বামিত্তিংও নাং·না মিকখাং ফা·গিবান গিত্তেল যীশু। বিয়ান আংখো ওয়াত্তেতজক জেদাক্কে না·আ নিকফিলনা মা·ন্না আরো গিসিক রংথালগিবাও গাপ্পা।”

ওয়াত্তেতারাংনা 9:27

ইন্দিবা বার্ণবা বিখো ওয়াত্তেতারাংচা রিম্মাংএ বিসংনা আগানজক, দামেস্কনি রামাও শৌল বাদিকে দাক্কে গিত্তেল যীশুখো নিকনা মা·ন্নামিং আরো গিত্তেল বিমুং বাদিকে খাৎথা আগানামিং আরো দামেস্কচা যীশুনি গিম্মিন বিয়া বাদিকে দাক্কে খেনমানগিজা আগানফ্রাকামিং।

1ম করিন্থীয়রাংনা 15:8

সাল হং·গিজাও আৎচিগিবা আংনাবা বিয়া গিম্মিকনি জা·মানো মিকখাং ফা·আমিং।

1ম করিন্থীয়রাংনা 9:1

আংআ জাকগিত্তেল হং·জামা? আংআ ওয়াত্তেতা হং·জামা? আনচিংনি গিত্তেল যীশুখো আংআ নিকখুজামা? গিত্তেলনা আংআ জে কামখো দাকজক না·সং উনিন বিথি হং·জামা?

1 তীমথিয় 6:16

সাকসা মা·মাং ইসলসান সিয়ানি নিং·আও হং·জা। বিয়া ইন্দাকগিবা সেং·আও দংখামা জেও সাকসা মান্দিবা রি·য়াংনা মান·জা। সাকসা মান্দিবা বিখো মামুং সালোবা নিকখুজা, নিকনা মা·ন্নাবা মান·জা। মান্দিরা·আ আরো বিল ফাংনাজলনা বিনিন হং·আ। আমেন।

ফারাকগিবা খাৎথা 21:23

উযা সংজিলমাও থেংসুখাননা সাল বা জাজং নাংজা, মুয়ানা ইসলনি রাসংআন উনো সেংআখো হননা আরো মেষ বিসান উনি চাক্কি;

ফারাকগিবা খাৎথা 22:5

ওয়াল দংজানাজক আরো বিসংনি চাক্কিনি বা সালনি সেং·আ নাংজানাজক, মুয়ানা গিত্তেল ইসল আন·থাংআন বিসংনি সেং·আ হং·নুয়া। বিসং জ্রিংজ্রৎনা শাসন দাকনুয়া।