ওয়াত্তেতারাংনা 8:3 - Garo New Testament

³ ইন্দিবা শৌল উয়া মন্ডলীখো ব·ন্নেতনা নকরাংচা রি·য়াংএ উয়া মন্ডলীনি মি·আসা আরো মিচিকরাংখো সাল্লে রা·বাএ জেলো দনজক।

ওয়াত্তেতারাংনা 8:3 Iomraidhean Croise

ওয়াত্তেতারাংনা 16:19

মান·দাপজানাজক ইন্নে উয়া মিচিকনি নকগিবারাং পৌল আরো সীলখো রি·ম্মে সংজিলমানি দাল·গিবারাংচা সাল্লে রিম্মাংজক।

ওয়াত্তেতারাংনা 22:19

“আংআ আগানজক, ‘গিত্তেল, নাং·খো বিবিরা·গিবারাংখো দক্কে জেলো দন্না আংআ থম·দাকরাম দামসাওনি দামসাওনা রি·য়াংনুয়ামিং ইন্নে ইয়া মান্দিরাং হা·আইয়া।

ওয়াত্তেতারাংনা 7:58

জা·মানো বিসং বিখো রং·থিচা গোথাতনা সালদোএ সংজিলমাওনি হা·ফালচানা রিম্মাংজক, আরো সাক্ষিরাং বিসংনি সাক্কাও গানগিবা বা·রারাংখো এংএ শৌল মিংগিবা ফান্থ্থিনি জা·চকও দনজক।

ওয়াত্তেতারাংনা 8:2

ইসলনা খা·ফাকগিবা মিত্তাম মান্দিরাং স্তিফানখো গোপজক আরো বিনা গ্রাপবিজক।

ওয়াত্তেতারাংনা 9:21

বিনি খাৎথাখো খিন্নাচাকগিবারাং আইয়াও ইনমানে সিং·নুয়ামিং, “ইয়ান যিরূশালেমো যীশুনি বিমুংও বি·গিবারাংখো গিচ্চিয়েতগিবা উয়া মান্দি হং·জামা? ইনোবা উখো দাকগিবারাংখো খায় খামাল দাল·গিবারাংচা রিম্মাংনা ইন্নেন বিয়া ইয়ো রি·বাজামা?”

1ম করিন্থীয়রাংনা 15:9

আংআন ওয়াত্তেতারাংনি গিসেপো চনবাৎগিবা, আরোবা, ওয়াত্তেতা ইন্নে সানিবা রিক্কামাখো মা·ন্নাবা আংআ খ্রাজা, মুয়ানা ইসলনি মন্ডলীখো আংআ গিচ্চিয়েৎনুয়ামিং।

গালাতীয়রাংনা 1:13

যিহূদী থরমখো মানিমিত্তিংও আংআ বাদিকে দাক্কে জাংগি মিৎথাংনুয়ামিং না·সং উখো খিন্নাজক। আরো না·সং ইখোবা খিন্নাজক, বাদিকে বিল্লংএন আংআ ইসলনি মন্ডলীরাংখো গিচ্চিয়েতনুয়ামিং আরো উখো ব·ন্নেতনা হাম·নুয়ামিং।

ফিলিপীয়রাংনা 3:6

থরমনি বিদিংও আংআ ইন্দাকে বিমচিপামিং, খ্রীষ্টনি মন্ডলীখো আংআ গিচ্চিয়েতনুয়ামিং; আরো ইসলনি রা·চাকনা খ্রাগিবা হং·না খা·দংএ মোশিনি নিয়াম মানিয়াও দারাংবা আংখো জিনা মান·জানুয়ামিং।

1 তীমথিয় 1:13

স্খাংও আংআ খ্রীষ্টখো খাল·স্থাপনুয়ামিং আরো গিচ্চিয়েৎগিবা আরো খা·গ্রাকগিবা হং·আমিং ইন্দাকোবা বিয়া আংখোন ইয়া কামনা বাচ্ছিয়ে রা·জক। বিয়া আংনা খা·সাচাকজক, মুয়ানা আংনি বিবিরা·গিজানা আংআ হা·আইগিজান উরাংখো দাকনুয়ামিং।

যাকোব 2:6

ইন্দাকোবা উয়া দিলগিবা মান্দিরাংখোন না·সং চন্নিকজক। ইন্দিবা মা·ন্নে চা·গিবারাং না·সংখো দুক রন·জামা? আরো না·সংখো বিচাল দাকগিবা নকচানা সাল্লে রা·আংজামা?