ওয়াত্তেতারাংনা 26:3 - Garo New Testament

³ মংসংদে যিহূদীরাংনি দাকবেওয়াল আরো জিগ্রিকানি গিম্মিন না·আ নাম্মেদাক্কেন হা·আইয়া। ইনি গিম্মিন আংনি খাৎথাখো চাকচিকে খিন্নাচাকখানা আংআ নাং·খো মল·মলা।

ওয়াত্তেতারাংনা 26:3 Iomraidhean Croise

ওয়াত্তেতারাংনা 21:21

গিপ্পিন জাতরাংনি গিসেপো দংগিবা যিহূদীরাংখো না·আ মোশিনি বেওয়ালরাংখো ওয়াত্তে রি·না স্খিংআ ইন্নে বিসং হা·আইজক, না·আ বিসংনি দেদ্রাংখো বিগিল রাতনা আরো যিহূদীরাংনি বেওয়ালখো মানিনা বেং·আ। দা·আও চিংআ মুয়াখো দাকনুয়া?

ওয়াত্তেতারাংনা 24:10

উনোন দাল·গিবা শাসন দাকগিবা পৌলখো জাকচা জাকজিপানি জা·মানো পৌল ইন্না হা·বাচেংজক, “আংআ হা·আইয়া, বাং·আ বিলসি দিপ্পাৎ না·আ ইয়া যিহূদী জাতরাংখো বিচাল দাকবাংজক; উনি হা·সেল আংআ খুসি হং·বিএ আন·থাংনি গিম্মিন খাৎথা আগানিংআ।

ওয়াত্তেতারাংনা 24:4

ইন্দিবা নাং·নি সময় নাসিজাখানা ইন্নে আংআ ইন্দাকে মল·মলা, না·আ খা·সাফাএ চিংনি আগানাখো খিন্নাচাকবো। চিংআ অকখিসা খাৎথাচা গিম্মিকখো আগান্নুয়া।

ওয়াত্তেতারাংনা 25:26

ইন্দিবা দাল·বাৎগিবা সম্রাটচা চকনা গিত্তা মামুংখোন মান·জাজক। উনি গিম্মিন আংআ না·সংনি গিম্মিকনি মিকখাংও, মংসংবাত্তে রাজা আগ্রিপ্প নাং·নি মিকখাংও বিখো রিমবাজক জেদাক্কে বিখো সিং·থাএ আংআ মামুংখো চকনা মা·ন্না;

ওয়াত্তেতারাংনা 26:2

“ও রাজা আগ্রিপ্প, যিহূদীরাং আংখো জেগিত্তা দোস হন·জক উখো চাংফেংএ দা·আলো নাং·নি মিকখাংও আন·থাংনি গিম্মিন আগানানি চলখো মা·ন্নে আংআ আন·থাংখো রাসং গ্মাংগিবা ইন্নে চানচিংআ,

ওয়াত্তেতারাংনা 26:26

রাজাদে ইরাংখো হা·আইয়ান আরো আংআ বিমুং গিম্মিকখোন ফারাকে আগান্না মা·ন্না। আরো ইখো আংআ নাম্মেদাক্কেন হা·আইয়া, ইনি মামুংআন বিনি মিৎথিনাও হং·জা, মুয়ানা ইরাংদে সিউল দাক্কে হং·জা।

ওয়াত্তেতারাংনা 26:7

চিংনি চি·গ্মি জাতনি মান্দিরাং সালওয়াল গিসিক নাংএ ইসলনা দাকচাকে হ·ন্নে উয়া খু·রাচাক্কানি চু·সকাখো নিকনা খা·দংএ দংআ। দাল·বাৎগিবা রাজা, উয়া খা·দংআনি গিম্মিনান যিহূদীরাং আংখো দোস হ·ন্নিংআ।

ওয়াত্তেতারাংনা 28:17

সাল গিত্থামনি জা·মানো পৌল উনি যিহূদীরাংনি দাল·গিবারাংখো রিংগামে আপসান হং·এতজক। বিসংনি আপসান হং·আনি জা·মানো পৌল বিসংনা আগানজক, “আংনি জংআদারাং, আংআ আনচিংনি জাতস্খানি সাক্কাও বা ফাগিৎচামরাংনি দাকবেওয়ালরাংনি সাক্কাও মামুংখোবা দাকজা, ইন্দিবা যিরূশালেমচা আংখো বন্দি দাক্কে রিম·জক আরো রোমানরাংনি জাক্কো হন·জক।

ওয়াত্তেতারাংনা 6:14

চিংআ বিনি ইন্দাকে আগানাখো খিন্নাজক, উয়া নাসরত সংনি যীশু ইয়া থরম নকখো ফি·এ গালনুয়া আরো মোশিনি চিংনা হ·ন্নাংগিবা নিয়ামরাংখো দিংথাংএতনুয়া।”

1ম করিন্থীয়রাংনা 13:2

আগানসোগিবা গিত্তা খাৎথা আগানানি বিল দংওদে, নিং·থুগিবারাংখো হা·আইনা মা·ন্নোদে, আরো আংনি গিম্মিক হা·আইয়ারাং দংওদে, আরোবা হা·ব্রিখো হা·দাম দামসাওনি হা·দাম দামসাওনা জিত্তেতনা গিত্তা বিবিরা·আ দংওদে, ইন্দিবা আংও খা·সা দংজাওদে আংনি মামুং দামআন দংজা।